ايهما افضل زيوت ايسين ام زيوت وولف

السلام عليكم
لو سمحتم انا معايا عربيه اكسنت

عاوز اغير الزيت اغير بزيوت ايسين 20w50 ام وولف 20w50 ايهما افضل؟

ولو حد جربهم يقولنا تجربته

مفيش حد يفيدني ياجماعه ؟

أهلا وسهلا بحضرتك معانا...

اختيار الزيت عن طريق الماركة بس أو بالتجربة أو الآراء بتاعة الناس ...
كل ده غلط في غلط...

طبعا ده كلام غريب بالنسبة بحضرتك...

لكن فيه طريقة تانية مضمونة 100%...

إنك تختار الزيت اللي صانع العربية نصح باستخدامه... لإن هو أدری واحد بأحسن حاجة للعربية...

ماهو جرب قبل كده.. وصنع الموتور على أساس استخدام زيت بمواصفات محددة..

ولو ما مشيتش على كلامه... اتوقّع مشاكل كتير في الموتور.

عايز تجرب... براحتك...

بس التجارب دي بتبقى للناس اللي عندها فلوس كتير.. علشان بتجرب وتخرب.. ومش هاممها الفلوس.

طيب تعرف إزاي الزيت اللي الصانع بيوصي بيه؟؟؟

بسيطة خالص... افتح كتالوج عربيتك.. في قسم الصيانة أو قسم المواصفات.. حتلاقيه كاتب (مواصفات) للزيت...

المواصفات دي بتبقى حاجتين... لزوجة.. ومستوى أداء...

مستوى الأداء ده هو اللي بيفرق زيت عن التاني.. وده اللي فعلا الناس ما تعرفوش ومخلي الناس تلف حوالين نفسها علشان تلاقي الزيت الصح...

والموضوع سهل خالص لو عرفنا شوية معلومات بسيطة...

أنصحك تقرا الموضوع ده... فيه خلاصة المعلومات عن زيوت محركات السيارات وازاي تختارها..
https://www.nilemotors.net/Nile/341680-a.html

ولو لسه المسألة صعبة.. فياريت تقول لنا عربيتك إيه وموديل كام علشان نقدر نساعدك صح...

...

اقتباس:

---

المشاركة الأصلية كتبت بواسطة borio1704

أهلا وسهلا بحضرتك معانا...

اختيار الزيت عن طريق الماركة بس أو بالتجربة أو الآراء بتاعة الناس ...
كل ده غلط في غلط...

طبعا ده كلام غريب بالنسبة بحضرتك...

لكن فيه طريقة تانية مضمونة 100%...

إنك تختار الزيت اللي صانع العربية نصح باستخدامه... لإن هو أدری واحد بأحسن حاجة للعربية...

ماهو جرب قبل كده.. وصنع الموتور على أساس استخدام زيت بمواصفات محددة..

ولو ما مشيتش على كلامه... اتوقّع مشاكل كتير في الموتور.

عايز تجرب... براحتك...

بس التجارب دي بتبقى للناس اللي عندها فلوس كتير.. علشان بتجرب وتخرب.. ومش هاممها الفلوس.

طيب تعرف إزاي الزيت اللي الصانع بيوصي بيه؟؟؟

بسيطة خالص... افتح كتالوج عربيتك.. في قسم الصيانة أو قسم المواصفات.. حتلاقيه كاتب (مواصفات) للزيت...

المواصفات دي بتبقى حاجتين... لزوجة.. ومستوى أداء...

مستوى الأداء ده هو اللي بيفرق زيت عن التاني.. وده اللي فعلا الناس ما تعرفوش ومخلي الناس تلف حوالين نفسها علشان تلاقي الزيت الصح...

والموضوع سهل خالص لو عرفنا شوية معلومات بسيطة...

أنصحك تقرا الموضوع ده... فيه خلاصة المعلومات عن زيوت محركات السيارات وازاي تختارها..
https://www.nilemotors.net/Nile/341680-a.html

ولو لسه المسألة صعبة.. فياريت تقول لنا عربيتك إيه وموديل كام علشان نقدر نساعدك صح...

...

---

تسلم علي الرد وبعتذر ع التأخير ف الرد

هو كلامك سليم وكنت شوفت ف المواصفات بس مش عرفت اد كده بس كان المواصفات يكون اس ان كويس
هي العربيه اكسنت 2006 وماشيه 494500 كيلو