الموضوع: استشارة يا شباب الفيليشيا

المشاركة الأصلية كتبت بواسطة matrix4arabs

انا معروض عليا سكودا فيليشيا
موديل 1995

بالنسبة للصاج:
فيها برومة خفيفة في الرفارف. عاوزه قص وترقيع.
ومارشتش جوه. لكن رشه بره.
البوية كويسه.
اللون زيتي.

بالنسبة للماكينة:
عاوزه تغير كاتينة بالتروس.
مغيره ديسك واسطوانه من شهر.
وعاوزه تظبيط كهرباء.

الكماليات:
زجاج كهرباء + سنتر + ريموت + فرش جديد.
كاسيت وطقم سماعات.
مافيش جنوط.
كاوتش جديد.

مطلوب فيها 27 الف.


بالنسبة للحاله والسعر... ياتري كويسه ولا غاليه.
وحتصرف تقديري كام. لو في نصيب وخلصت فيها.
وبالنسبه للوصف ياتري كويسه ولا حتتعبني في شغلها.


مطلوب المساعده يا شباب الاسكودا.

بالنسبة للسعر يعتبر زهيد ومشكك لازم تاخد بالك الاسكودا موديل 95 تمنها دايما في اوائل 30 الف

اولا بالنسبة للدوكو والسمكرة والحالة الخارجية انا مشفتش ولو حتي بعت صور مفيش حد يقدر يحدد فلازم تروح لسمكري شاطر قبل ما تشتري وتكون واصق فيه اوي وبرده لو عفشجي كمان يكون ميه ميه انا بقولك الكلام ده لانه للأسف يعتبر اساس العربيه للاسف في ناس فكرة اساس الفليشيا متور لا للأسف المتور ممكن يتعمر لكن حالة العربية بالذات من الخارج والداخل في الفليشيا هي المحدد الاول في السعر لأنها ببساطة لو راحت مش هتقدر ترجعها زي رش الدواخل خبطات في الشاسية


ثانيا بالنسبة للكتينه عادي جدا ومفيش خوف من تغيرها ويجب تغيرها كل 100 الف كيلو او لما تبتدي تطلع صوت بس برده متخفش مستحيل تتكسر لأنها من الفولاذ . وعموما تمن السير بالتروس الاصلي 120 جنيه والتغير هيكلفك في حدود 100 لا أكثر بس مشكلة سير الكتينة انه تغييرة مش سهل خالص وعايز مكانيكي تكون بتصق فيه ويبص علي الطلمبات وبلي السحب وسير الدينمو بالمرة طبعا حاول تتأكد من سلامة الطلمبات قبل الشراء عشان ممكن طلمبة الميه تكون بايزة وبطلع صوت مع الكتينه بس خلي بالك اسعار الطلمبات غاليه وموش رخيصة فلو طلعت بايظه ممكن تنزل في تمن العربية وطبعا انا بتكلم علي قطع الغيار الاصلي او الاماني الي مش اصلي

ثالثا اسطوانه ودسك عادي ليهم عمر وبيتغيرة

رابعا الكهرباء معرفش يعني ايه عايزه تتظبط
اكيد هيكون اتلعب فيها عشان موديل 95 وبرده تبع حالة العربية بس برده اتأكد من الترموستات وحالة المروحة عشان العربية متسخنش ومتخفش الاسكودا حاجتها كلها موجودة

الكماليات لا تساوي شء

التعليق من وجهه نظري

موضوع فرش جديد وكاوتش جديد وتغير اسطوانة دبرياج ده يخلينا نطرح سؤال هل الشخص الي انت هتشتري منه العربية اهل ثقة لو انت متعرفوش اتأكد ان العربية من مدة بقاء السيارة معاه عن طريق الرخصة و اسألة لو لقيتها قعدت معاه سنتين او سنه
عادي بس لو لقيته اشتراها من مده وجيزه اقل من الي فوق خلي بالك واحترس لان مفيش حد بيغير عربيتين في السنه وجايز تكون في حاجه مميته في العربية لان السعر مش عالي خالص ولكن لو انت واصق فيه وفي العربية وان المشاكل في الحاجات الي انت قولتلي عليها بأستثناء مشاكل البارومة(مفهمش فيها) بيقي بسيطه وشوف برده لو العربية بتسخن يعني بتعدي ال90 درجه

واخيرا لو العربية حلوة وعجباك توكل علي الله واشتريها

بالنسبة للسعر : فعلا السعر قليل جدا
وسعرها من غير تكييف فى حدود 31 او 32 ومافيهاش مصاريف
احسب هتصرف كام على ال 27 ألف وكم من وقتك وقارن
بالنسبه للعيوب الفنيه ماقدرش افيد حضرتك
وربنا يوفقك

مشكوووووووووور علي الرد.

بالنسبة للسعر يعتبر زهيد ومشكك لازم تاخد بالك الاسكودا موديل 95 تمنها دايما في اوائل 30 الف

ليا سؤال؟؟؟؟
اشمعني موديل 95 بيبدأ من ال30 الف.
هل هو مميز عن بقية الموديلات ؟؟؟؟

اولا بالنسبة للدوكو والسمكرة والحالة الخارجية انا مشفتش ولو حتي بعت صور مفيش حد يقدر يحدد فلازم تروح لسمكري شاطر قبل ما تشتري وتكون واصق فيه اوي وبرده لو عفشجي كمان يكون ميه ميه انا بقولك الكلام ده لانه للأسف يعتبر اساس العربيه للاسف في ناس فكرة اساس الفليشيا متور لا للأسف المتور ممكن يتعمر لكن حالة العربية بالذات من الخارج والداخل في الفليشيا هي المحدد الاول في السعر لأنها ببساطة لو راحت مش هتقدر ترجعها زي رش الدواخل خبطات في الشاسية

كلامك مقنع 100/100

موضوع فرش جديد وكاوتش جديد وتغير اسطوانة دبرياج ده يخلينا نطرح سؤال هل الشخص الي انت هتشتري منه العربية اهل ثقة لو انت متعرفوش اتأكد ان العربية من مدة بقاء السيارة معاه عن طريق الرخصة و اسألة لو لقيتها قعدت معاه سنتين او سنه
عادي بس لو لقيته اشتراها من مده وجيزه اقل من الي فوق خلي بالك واحترس لان مفيش حد بيغير عربيتين في السنه وجايز تكون في حاجه مميته في العربية لان السعر مش عالي خالص ولكن لو انت واصق فيه وفي العربية وان المشاكل في الحاجات الي انت قولتلي عليها بأستثناء مشاكل البارومة(مفهمش فيها) بيقي بسيطه وشوف برده لو العربية بتسخن يعني بتعدي ال90 درجه

العربية مع تاجر. اشتراها من شهر. وده الشغل اللي عمله فيها.

واخيرا لو العربية حلوة وعجباك توكل علي الله واشتريها

انا بصراحه مستكتر الشغل ده علي سكودا فيليشا.
حاسس ان العربية كانت متهانه. بس كنت عاوز حد يأكدلي احساسي.
خصوصآمع السعر 27000

المشاركة الأصلية كتبت بواسطة ahmed76

بالنسبة للسعر : فعلا السعر قليل جدا
وسعرها من غير تكييف فى حدود 31 او 32 ومافيهاش مصاريف
احسب هتصرف كام على ال 27 ألف وكم من وقتك وقارن
بالنسبه للعيوب الفنيه ماقدرش افيد حضرتك
وربنا يوفقك

مشكور يا مااااااااااان.

متخفش الفليشيا بالهبل بس ارشحلك موديل 2000 وش اوكتفيا وانجكشن تعمل من 37000 لحد 40000 ولو حالة ممتازة زي الزيرو ممكن تعدي بشوية او سكودا موديل 97 glx هي هي موديل 95 بس احدث وشوية أضافات بسيطه
لو معكش اكتر من 30 الف وعايز اسكودا ممكن تجيب فيفورت حلوة برده وقطع غيرها موجودة

بالنسبة لبتوع الاجنسات المستعمل 90% منهم حرامية وبيلبسو
9% غالي بس حجته نضيفة وعنده امانه
1% معقول وحجته نضيفه وعنده امانه

عايز تشتري عربية من اي نوع اشتري جرانين الاهرام و الوسيط او مواقع زي كار 100 100 او كار كونتركت وبص وانتزل وشوف بس التأني حلو
تعجبك ترفعها في بنزينة وتجيب ميكانيكي يبصلك حلوة فاصل في تمنها ومتبينش انك واقع فيها لن الاسكودا عموما تقيلة في البيع وكسر في تمنها

اخر حل وده لو انت مستعجل خد ميكانيكي وسمكري وروح سوق الجمعة هتلاقي طلبك اكيد وممكن تعجبك حاجه تانيه يعني مركه تانية فتشتريها

السوق في المضروب و في النضيف طبعا عايزة ميكانيكي او واحد سوبر بيفهم

اخيرا العربية جيه جيه مش مشكله دور شهر او اتنين المهم انك تجيب حاجه متندمش عليها وتبعها بعد الشهرين