علقة موت

**نور القمر** · 18-12-2008 11:39 AM

موضوع العقاب المعنوي ده كويس لكن مش بينفع مع كل الاعمارولا مع كل الشخصيات
يعني مثلا لو حرمتي طفل من لعبته عقاب معنوي هاتلاقيه هايلاقي لعبة غيرها
ولوحرمتيه من الكمبيوتر هايروح للتليفزيون ولوحرمتيه من المصروف هاتلاقيه هايطلع من الحصالة
لما يكون الغلط كبير ومتكرر واتعاقب عليه كذا مرة ومجبش نتيجة وقتها لازم علقة بس اوعى وعلق الموت لان الطفل بيتعود عليها بعد كدة ومع الوقت بتفقد تاثيرها
كفاية علقة بسيطة بدون اهانه
يعني اوعي وضرب القلم بتفقد الطفل شخصيته خصوصا لو قدام ناس
كمان لو الطفل بيغلط قدام الناس كفاية اوي تاخديه بهدوء من غير ما حد يحس وتقوليله احترم نفسك بدل ما اهزأك قدام الناس
ساعتها بيحترم نفسه بجد وده دليل على ان العقاب قدام الناس له اثر سيء على نفسية الطفل
وفي نفس الوقت مدح الطفل قدام الناس له اثر ايجابي جميل اوي وبيديه ثقه في نفسه وبيقوي شخصيته
وربنا يعينا عليهم

hh · 18-12-2008 01:56 PM

انا مش مع الضرب عمال على بطال. بس في ساعات بيبقى ضرورة لكن مش في كل وقت. انا رأي ان المشكلة الاساسية ان الاب او الام بيبقوا بيعاقبوا اولادهم عشان متنرفزين منهم و ده اكبر غلط. العقاب مش وسيلة للانتقام, ده وسيلة للتعليم. عشان كدة لازم بقدر الامكان تحاول انك قبل ما تعاقب اولادك تسيطر على انفعالك و عصبيتك عشان ما يكونش العقاب مبالغ فيه سواء ضرب او غيره.

**mohmd76** · 18-12-2008 02:06 PM

كنت فى حفلة فى المركز الفرنسى للثقافة والعلوم فى رمضان وكانت حفلة الشيخ الهلباوى طبعا العاملين فى المركز اغلبهم فرنسيين وكان يوجد احد العاملين وزوجتة وابنه او ابنته حوالى 2.5 او 3 سنوات وكان فى غاية الشقاوة والضحك والرقص ومن شدة الشقاوة والصريخ احيانا كانت امه تمسكه وترفعه وتضرب ضرب يكاد يكون بحنان جدا على ال hunsh والطفل يضحك اكثر ويسكن قليلا ليعاود الضحك واللعب اكثر مما كان حتى بدأت الحفلة وسكت مثل الناس تماما
فكرة الضرب هذة ترجع الى ان المجتمع هذا اذا كان يوجد مجتمع اصلا لاننا فى غابة
مجتمع فاسد فيه كل الاثام والعيوب ولردع الطفل والتربية الحسنة لابد من رادع للتوجيه والردع عن السلوك الخاطىء
يا جماعه السيارة فيها 2 فرامل الاولى بالقدم لتخفيف السرعه
والاخرى لايقافها تماما اذا فقدت السيطرة

**ASKAFRAWY** · 18-12-2008 06:00 PM

لا انا مش مع الضرب الضرب بيخلى الطفل يكره اهله ويعاند اكتر من الاول!
العقاب ممكن يكون حرمانه من حاجة بيحبها لحد مايبدأ يتعدل!بس الضرب ملوش اى ايجابيات كله سلبيات

**Dr.A.Nabil** · 19-12-2008 01:19 AM

مروا أولادكم بالصلاة وهم أبناء سبع واضربوهم عليها وهم أبناء عشر، وفرقوا بينهم في المضاجع

**AudiQ7** · 19-12-2008 01:24 AM

الاولاد نعمه .. مش هايعرفها غير اللي يقدرها بس :)

**Dr Ahmed** · 19-12-2008 01:31 AM

عندى لو مسكت ودن واحد (من غير قرص) يبقى كأنى ضربته
وعقوبة (مش هنكلمك) و (زعلانين منك) وأمثالها بتجيب نتيجة لحد 4 - 5 سنوات وبعدها لأ !
عقوبة الحرمان من الكمبيوتر أو اللعب فعالة جدا
عقوبة الضرب للأفعال المضرة جدا بالنفس أو بالآخرين وبعد تحذير مسبق
أى عقوبة مرتبطة بفعل ما لابد أن تطبق إذا تم الفعل لازم يعنى لازم علشان الولاد يعرفوا إن التحذير دا دايما جد
الضرب بسيط ولا يوجع لكن الفيلم الرعب اللى قبله هو اللى بيجيب نتيجة
لكن لا يمكن الاستغناء عن الضرب حتى لو إنحسر ل 1% لكن لابد أن يظل موجود فى جدول التربية

**Abohmaid** · 19-12-2008 02:46 AM

انا شخصيا موضوع الضرب دة لازم يكون فى اخر قائمة العقوبات علشان مايفقدش تأثيرة ولا يؤدى لاضرار على اطفالنا لو كثر استخدامة

انا جربت حاجتن كدة بس عجبونى علشان تاثيرهم كان رائع مع ابنى 7 سنوات :

1 - شجرة الصلاة الشهرية ودة الموضوع بتاعها
http://www.nilemotors.net/Nile/showthrea
d.php?t=47069

2 - اقترحت على اسرتى الصغيرة اننا نعمل اجتماع اسبوعى لمناقشة المشاكل التى توجهنا وازاى نقدر نتغلب عليها وطبعا كان هوة فرحان جدا واديتة مساحة كبيرة لابداء رأية وكفاية أوى ان هوة فاكر الميعاد الاسبوعى بتاع الاجتماع وطبعا هوة بيعمل اى حاجة علشان مانناقش فى الاجتماع أى حاجة تنتقضة

اسف للاطالة

**Mido80** · 19-12-2008 10:15 AM

انا كمان بعاني من مشكلة وعاوز لها حل. المشكلة هي اني بفقد اعصابي لدرجة التهور بسبب صراخ اي طفل وخاصة لما يبكي بصوت عالي ويكون السبب تافة. والموضوع دة بيحصل مع بنتي دارين وبالذات لما اكون سايق السيارة وهي مصرة تيجي تقعد علي رجل امها ادام وانا لا افضل جلوس الطفل في مع امة لان ممكن اللي سايق ياخد فرملة جامدة فجأة تتسبب في مشاكل لة ولامة. عشان كدة بخليها دايما تقعد ورا مع الخدامة وكمان جايب لها Dvd في السيارة عشان تبطل الحكاية دي ولكن هيهات. لما ارفض طلبها، تفضل تعيط عشان عارفة ان امها هاتحن وهاتحل لها المشكلة بس انا باكون بغلي من الغيظ واحلف عليها واقوم ضاربها (بسبب صراخها لسبب تافة). والموضوع دة بيتكرر في البيت لاسباب كتيرة منها عدم الاكل (ممكن تقعد طول النهار بدون اكل وما ترضاش تاكل الا بتدخل مني) عدم النوم المبكر ودي مصيبة تانية انا بعاني منها ومش لاقي لها حل.

بصراحة موضوع الغضب السريع وفقدان القدرة علي السيطرة علي هذا الغضب مشكلة تعباني اوي ومش عارف هل دة مرض نفسي ولا دة تصرف طبيعي ولا اية بالظبط؟ نفسي حد من الاخوة الافاضل يشوفلي حل في الموضوع دة. وازاي اقدر اخف من شعور الغضب لما يحصل موقف زي دة؟

اسف طولت عليكم بس يارب حد يلاقي لي حل جذري