رقم العضوية : 208967
تاريخ التسجيل : 15Jul2019
المشاركات : 1
النوع : ذكر
الاقامة : مصر
السيارة: سيراتو
السيارة[2]: النترا
الحالة :
السلام عليكم
انا عندي سيراتو 2016 فل اوبشن
لما بفول العربيه بيظهرلي في عداد الرحلات انه هيمشيني 555 كيلو هل دا طبيعي ؟؟؟
تاني حاجه لما بحسب هل فعلا بيمشيني 555 كيلو بلاقي فعليا ممشيني 400 كيلو عن طريق حساب عداد الكيلوهات
يعني عداد الكمبيوتر فوق لو نقص 12 كيلو الاقي عداد كيلوهات العربيه نزل 5 كيلو هل دا طبيعي ؟؟؟
ايه الحل هل كدا العربيه بتصرف بنزين ولا ايه ؟؟؟ مع العلم اني بشغل التكييف على طول صبح او باليل
شكرا لكم لمساعدتي
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
حضرتك بتحسب استهلاك البنزين في بداية التفويلة.. وغالبا مش بتكون قراية صحيحة في السيراتو وبتبقى متفاءلة جدا... والقراية بتبقى دقيقة أكتر لما البنزين بيوصل أقل من 90% من مستوى التانك.
أنا مش عارف إيه السبب بالضبط ولكن أتوقع إن مستوى البنزين بيكون أعلى من العوامة خصوصا في بداية التفويلة..
خد بالك كمان إن المسافة اللي البنزين حيمشيك بيها محسوبة بناء على متوسط استهلاك البنزين اللحظي المسجل من آخر مرة عملت فيها Reset للعداد.
حضرتك دلوقتي لو صفّرت عداد الرحلات حيبدأ يحسبلك من جديد.. وساعتها حتشوف الاستهلاك الحقيقي لعربيتك...
عموما استهلاك البنزين بيعتمد على حاجات كتير قوي.. أهمها هي طريقة سواقتك والأماكن اللي بتسوق فيها.. وييجي بعدها حالة العربية الميكانيكية وصيانتك ليها.
حاول تخلي سواقتك هادية بقدر الإمكان.. يعني تقلل من التسارع والفرامل على قد ما تقدر... وخلي عينك على الاستهلاك اللحظي وانت سايق... ممكن جدا تقلل الاستهلاك للنص لو خففت دوسة رجلك سِنّة صغيرة عالدواسة.
وأنصحك تستخدم منظف دورة الوقود كل 5000 كم (دي توصيات كتالوج العربية).. وكمان نظف بوابة الثروتل واعمل Reset للبرمجة...
وأنصحك كمان تقرا الموضوعين دول.. إن شاء الله تستفيد منهم...
30 نصيحة للتوفير في الوقود
تعالى نفهم ليه استهلاك البنزين بيزيد؟؟ (تعالى نفهم ليه استهلاك البنزين بيزيد؟؟)
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المفضلات