كل مــا تريــــد معرفته عن الأوكتـــافيــــا A4

**ramylanos** · 28-12-2008 12:06 PM

المشاركة الأصلية كتبت بواسطة dr_druggist

تقييم رائع فعلا ربنا يباركلك يا رامى

انا من عشاق سكودا وناوى اشتريها باذن الله فلو تقدر يا أخ رامى تفيدنا اكتر وأكتر عن كل ما يخص السيارة يبقى كتر خيرك اوى .
يعنى جدول الصيانات الدورية وقطع الغيار وأسعارها

والاهم الحقيقة أخبار التوكيل معاك ايه ....هل انت راضى عن أداؤهم وعن معاملتهم .....يا ليت تفيدنا اكتر
وربنا يجعله فى ميزان حسناتك.

اخوك د.محمد الشيخ

ربنا يخليك د/ محمد

التوكيل مش بستريح معاهم بحس انهم نصابين ده رأي الشخصي
بس لو تروحلهم علي قد مره كل فتره كبيره مفيش مشكله وممكن نشوف حد معتمد بره نعمل عنده صيانه اذا احتاجت العربيه وسمعت عن ناس في المنتدي بتقول علي ناس شغلين في النوكيل فاتحين بره بس انا لسه ما جربتش حد منهم وهيا ان شاء الله مش هتحتاج

هيا قطعه غيرها ممكن تكون غاليه بس معمره يعني دلوقتي وانا داخل علي 100,000 الف ما عملتش غير الي انا كتبته فوق في موضوع صيانه 65,000 الف
طبعا مع تغير تيل وزيت

هتها وتوكل علي الله وهيا انا علي رأي الشخصي وبكررها علي رأي الشخصي علشان في ناس بتزعل انا شايفها احسن من العربيه الي في نفس سعرها زي الانسر الشارك والمازدا 3

**ramylanos** · 28-12-2008 12:13 PM

في ميزا جمده ان التوكيل في منفذ بيع بره لقطع الغيار يعني تجيب وتمشي مش لازم تركب عندهم
وده طبعا هيرحمنا من النصبين الي تروحلهم ويوقلك ده اصلي وده مش عارف ايه وكله زفت في الاخر

وفي حاجات والله لاقيتها ارخص في التوكيل من بره واصليه طبعا

العربيه نزلها فوانيس مش اصليه بره في شارع دمشق
انا علي ما افتكر بس الكلام ده من فتره يعني اكيد الاسعار اتغيرت
الفانوس الاصلي الامامي ب 1100 جنيه والخلفي 450 جنيه او 550 جنيه

الفانوس التاني الي في شارع دمشق مش فاكر حته صناعته ايه الامامي 350 جنيه والخلفي 250 جنيه

**د./اليشع ثابت** · 28-12-2008 10:20 PM

انت باشااااااااااااااا يا رامى والله
الف شكر لذوقك و اخلاقك العالية واهتمامك بالجميع
بس يا با باشا انت كدة رامى اوكتافيا وليس رامى لانوس
لانك بجد كينج الاوكتافيا
ولك منى كل الحب

**د.محمد الشيخ** · 28-12-2008 11:02 PM

الف الف شكر يا رامى على اهتمامك وعلى ردك والحقيقة انت انسان خدوم واتمنى اخدمك فى اى شىء اقدر عليه .
الحقيقة كلامك طمنى على التوكيل رغم انك مش بترتاحلهم اوى لكن اللى انت قلته يبين انهم احسن من توكيلات اخرى كثيرة ويكفى منفذ بيع قطع الغيار الذى اشرت اليه ويكفى انهم لا يشترطوا تركيب قطعة الغيار كنوع من الاحتكار .
وعموما جودة سياراتهم تشفع بعض هفواتهم

وربنا يباركلك فى عربيتك ويرزقك خيرها ويبعد عنك شرها ومتحتاجش للتوكيل فى اى شىء .

اخوك محمد الشيخ

**ramylanos** · 29-12-2008 01:40 AM

لا شكرا علي واجب د/اليشع ثابت و د/محمد الشيخ

انا تحت امركم في اي حاجه عايزين تسألوا فيها عن العربيه وربنا يوفقكم في الاختيار

**د./اليشع ثابت** · 29-12-2008 03:18 AM

المشاركة الأصلية كتبت بواسطة ramylanos

لا شكرا علي واجب د/اليشع ثابت و د/محمد الشيخ

انا تحت امركم في اي حاجه عايزين تسألوا فيها عن العربيه وربنا يوفقكم في الاختيار

ربنا يخليك يا باشا
والله حضرتك محترم جداااا ربنا يكتر من امثالك
ياريت يا رامى تساعدنى بجد فى الموضوع دة
لانى عايز اغير عربيتى الانسر الى اوكتافيا 4 اوتوماتيك و بدور من فترة بس لسة النصيب محصلش لانى عايز حالة كسر زيرو
انا توفقت فى الانسر كدة برضة هى اخر 2006 وحالتها محترمة جداااا سوبر اكشن يارب اتوفق فى حاجة محترمة من الاوكتافيا

**ramylanos** · 29-12-2008 03:42 AM

انا مفيش حاجه قدامي بصراحه
ممكن تدور في النت او في الوسيط
www.car100100.com

www.contactcars.com

دول موقعين فيهم مستعمل
وطبعا لو لاقيت حاجه قدامي هبلغك عالطول
بس الاوتوماتك اخره 2006 ديه كانت اخر سنه ينزل فيها تقريبا

**د./اليشع ثابت** · 29-12-2008 04:47 AM

المشاركة الأصلية كتبت بواسطة ramylanos

انا مفيش حاجه قدامي بصراحه

ممكن تدور في النت او في الوسيط
www.car100100.com

www.contactcars.com

دول موقعين فيهم مستعمل
وطبعا لو لاقيت حاجه قدامي هبلغك عالطول
بس الاوتوماتك اخره 2006 ديه كانت اخر سنه ينزل فيها تقريبا

لاء يا باشاااا
اول سنة مينزلش فيها اوتوماتيك
فقط عام 2009
اما الى 2008 فالاوتوماتيك موجود
وللعلم فى مصر بس منزلش اوتوماتيك لعام 2009 لكنم موجود على النت انة كمان فية لعام 2009 اوتوماتيك برضة
لكن مصر يا باشاااااااااا غيررررررررررررررر

**ramylanos** · 29-12-2008 05:05 AM

شكرا علي المعلومه
اصل في ناس هنا في المنتدي هما الي قالولي المعلومه ديه

**mahmoudzaied** · 29-12-2008 05:08 AM

فعلا العربية ممتازة جدا جدا
ووالدى نفسو يجيب واحدة زيها
بس سعرها غالى (موديل 98 حوالى 87 الف فى احسن الحالات)
عموما ربنا يبارك لكل للى راكب العربية دى
على فكرة
انا ليا واحد جارى معاه نوبيرا 2004 واشترى من شهر A4 موديل 98
بيقولى فيه فرق شاسع بينها وبين النوبيرا
الثبات والشنطة بحر حاسس انى راكب المانى
بس بيقولى ان الطلعة الاولى فى النوبيرا احسن يعنى النوبيرا تجميعها اسرع منها
عموما هيا عربية فوق الممتازة