مشكلة الـrpm و تبطيل العربية n16 2015
السلام عليكم و رحمة الله و بركاته...
عندي مشكلة ان الRPM و انا ماشي بيلعب و فجاة العربية تبطل و حتى حركة المؤشر مش سلسه كأنه مؤشر ميكروباص صيني مهلوك ..العربية بتبطل احيانا و انا واقف على السلانسيه و الاكثر اني و انا ماشي و ساعات تنور اتشيك انجن و سعات لأ ..
المهم انا دايما بصين العربية في اوتو ايجيبت ابو رواش من 2015 و حتى اليوم و كذا مرة اشتكي و هم مشكورين يكشفوا و ينضفوا البوابه و حساس الايدل و خلافه من الحساسات المتعلقة بالمشكلة دي و احد المهندسين قال لي انها ممكن تكون ضفيرة العربية لا قدر الله..
من ضمن المرات قالولي ان حساس الايدل عليه ترسبات كربون كتير و قراياته مهيسه لكن بعد ما بينضفوه ويبرمجوه تاني القرايات بتتظبط..
و بعد كشف كتير غيرت حساس الكرنك و الكامة بجديد اصلي و المشكلة اختفت لكن مازالت مشكلة ان حركة مؤشر الRPM مش سلسة و العربية مازالت بتطول حاجه بسيطة في نقل الغيار من التاني للتالت ..
اتمنى حد يفيدني عشان انا مازلت خايف اسافر بالعربية تقطع مني على الطريق :120146b.. وشكرا..