انا نفسى اعرف ايه الفرق بين السى دى audio
و السى دى mp3
ليه بتعملوها مشكله و تقولوا انها عيب من عيوب العربيه لما يكون مش mp3
ايه الفرق بينهم؟؟؟؟
عرض للطباعة
انا نفسى اعرف ايه الفرق بين السى دى audio
و السى دى mp3
ليه بتعملوها مشكله و تقولوا انها عيب من عيوب العربيه لما يكون مش mp3
ايه الفرق بينهم؟؟؟؟
الفرق ببساطه إن السى دى mp3 بياخد أغاني أو ملفات صوتيه حسب المساحه الكليه للسي دي يعني السي دي الواحد بيبقى مساحته 700 ميجا يعني لو فرضنا أن متوسط مساحد الملف الصوتي 4 ميجا يبقى السي دي mp3 ياخدله 175 ملف صوتي
إنما الأوديو سي دي بيقسم الإسطوانه إلى Traks وبياخد كم أغاني أو ملفات صوتيه أقل بكتير يعني مش أكتر من 16 أو 17 ملف صوتي
يعني من الآخر إن أسطوانة mp3 الواحدة بمقام 10 أسطوانات أوديو سي دي
يعنى كل المشكله مشكله مساحه الاغانى
لكل واحد فيهم ميزات وعيوب ولكن الام بى ثرى يتفوق
بالنسبة للاوديو
بيسجل على انه تراك كما هى دون تعديل وبكده ياخد مساحه اكبر على السى دى
يعنى لو عندك اغنيه عباره عن صمت لمده 5 دقائق هتلاقى حجمها زى الاغنيه اللى كلها موسيقى وكلمات ورزع وخبط لمده 5 دقائق
وده بيقلل اوى احساس بالتقطيطع فى الاغنيه لو فى مطب او السى دى اهتز وهو شغال وجوده صوت عاليه جدا
بالنسبة للام بى ثرى فهو نظام معين بيضغط بيه الاغنيه عشان تاخد مساحه اقل وبكده بتفقد جزء من جوده الصوت بس مش لدرجه ملحوظه للاذن البشريه
لما تيجى تشغل الغنيه بياخد منها جزء جزء بيفك الضغط بتاعه ويشغلها زى الاوديو (عشان كده كل اللى بيشغل ام بى ثرى بيشغل اوديو لكن العكس لأ)
كده لو السى دى اهتز وهو شغال لازم هتسمع تقطيع فى الصوت
لو عندك اغنيه عباره عن صمت لمده 5 دقايق هتلاقى مساحتها صغيرة جدا مقابل اغنيه طبيعيه مدتها 5 دقايق
يعنى الم بى ثرى بيعتمد على محتوى الملف وليس مدته بعكس الاوديو بيعتمد على مدته ومالوش علاقه هو فى ايه
يارب اكون وضحت الفرق بين الاتنين
بمعني اوضح الأسطوانه بيكون مكتوب عليها 80 دقيقه و 750 ميجا
يعني الأوديو الأسطوانه بتشيل اغاني 80 دقيقه فقط حتي لو اغنيه واحده
والام بي ثري بياخد بمساحه السي دي يعني بيشيل اغاني مساحتها 750 ميجا ومش مهم وقت الأغنيه
وطبعا الأوديو انقي واحسن بكتير
طبعا الأوديو أحسن بس برضه ممكن تعمل ملفات Mp3 صوتها حلو
ملفات الويف غالبا بينبقى على bit rate 1411 kbps
السى دى ممكن تعمل له rip نظيف على 320 او 256
ملفات Mp3 الكويسة بتبتدى من 128 الى 320
أقل من كده صوتها بيبقى زفت وبتوقع مستوى السيستم بتاعك
طبعا كل ما ال bit rate زاد يعنى نقاء أعلى و مساحة أكبر بس قدام المساحة بتسمع موسيقى مش وش
ال ام بي ثري مضغوط لكن جوده رائعه برده، وصعب جد يظهر الفرق فى كاسيت العربيه او مع انسان عادي
الكلام ده عاوز محترف صوتيات
انا عندي مشكله يا بشوات
المشكله اني النهره عملت 4 اسطونات و كل ما انزل اجرب في العربيه الاسطوانه تقطع و مافيش ولا اغنيه اشتغلت عدل
و غيرت سرعه الاسطوانه من 52 اكس ل لحد 40 اكس
و برضو نفس العيب يا ريت حد يدلني علي الحل علشان انا هطق مش عارف في ايه
مع العلم ان في اسطوانات تانيه شغاله عادي جدااااا
الكاسيت سوني dvd