لمــاذا لا يلتـــزم الناس بقواعــد عبــور المشــاه !!!

• بيعدوا الشارع بمنتهى الاسترخاء
• بيمشوا في وسط الشارع كإنهم ماشيين في حديقة عامة
• لا يستجيبوا لأي كلكسات عشان يوسعوا طريق للعربيات
• مالهمش أي علاقة بإشارات المرور و عندهم قناعة تامة ان الإشارات دي تخص السيارات بس، و على هذا الأساس بيلموا بعضهم و يعدوا الشارع لكشة واحدة و الإشارة خضرا :eee:

فعلا أكتر حاجة بتضايقني و انا سايقة همه المشاه، خصوصا الأطفال اللي طبعا لازم الواحد يبقى عينيه في وسط راسه لو معدي في وسط عيال بتلعب في شارع أو حاجة عشان تركيزهم مش بيبقى غير في اللعب و بس :k38:

بتعملوا ايه مع المشاه يا جماعة؟

مرة من المرات ماشي بالعربيه و لقيت شألة أطفال معاهم مدرسة - دادة أهي بني آدمه و خلاص و مش عارفين يعدوا
و تفتق زهن البني آدمه (غالبا) عن فكرة عبقرية عشان تجبر العربيات تقف و تعدي بيهم
قالت للعيال عدوا . . . بس خلاص

العيال: هيييييييييييييييييييييييه

لولا ستر ربنا كان حد منهم اتخبط ، أنا محستش بنفسي إلا و أنا طالع من الشباك بهزأها بصوت عالي و بالادب

رد الفعل: لا شئ

بيطلع عينى وباتجنن وباقعد ادى كلاكسات وافتح الزجاج واتكلم واخبط على العربية بايدى

وساعات باضطر انزل "اتاخر" اللى ماشى قدامى
الحكاية دى فعلا مستفزة ونفسى اتكلم عنها من زمان .... وكمان موضوع المواقف وانا فى طريقى 3 اتعس من بعد

1- مدخل شارع النزهة من الاوتوستراد .... كمية غير طبيعية من البشر واقفين فى اماكن غير طبيعية من الطريق ... نفسى افهم مستنيين ايه وليه واقفين هنا اصلا

2- مدخل الشارع المؤدى لسيتى ستارز من الأوتوستراد ... نفس المأساة

3- الكينج بقى: مطلع ومنزل كوبرى النزهة !!!! كل حاجة بتقف هناك تحمل وتنزل ... ميكروباصات، اتوبيسات، عربيات ....

لا مبنعملش حاجة يا اخت علا زى حاجات كتير غلط ومبنعملش فيها حاجة برضو وبعدين مش المشاة بس هو انت يعنى او اى حد بيعرف يعمل حاجة مع واحد طالعلك من ع اليمين بكل سرعة او واحد بياخد غرز وهو مبيعرفش يسوق من اساسه او واحد ضاربلك النور العالى فى مرايتك والطريق مش ضلمه
دى كلها سلوكيات شعب نامى

مشكلة أزلية .... نظرا ً لان مفيش ثقافة :eee: ( كبيرة الكلمة دى بلاش منها ) .... نبتدي من الاول تاني .... في البلاد الوحشة اللى بتحقد علينا بيعلموا الاطفال ازاى يعدوا الشارع و قواعد المرور .... فبيترسخ داخلهم الامر منذ الصغر .

يا جماعه اللى بيعدى الشارع من المشاة و الاغلب من غير حائزي السيارات ما يعرفش حاجة عن قواعد المرور و الصح و الغلط:11:
ومبدأة الوحيد انت اللى سايق و شايفنى يبقى يا تهدى يا تفرمل و ان نسيت نفسك و خبطتى او عورتنى بيننا الاقسام و التقارير الطبية المضروبة و ما يرفقها من تعويضات :049: و على رأى عادل امام : صباااااااااااااااعي ..... دم :K_crying[1]:

في نقطة كمان المشاة لهم حق فيها .... فين اماكن عبور المشاة ، مفيش .
فين العسكري اللي بينظم المرور .... مفيش ( بيرزق )
فين الكباري و الأنفاق .... مفيش

-- أعتقد ان أخر تطبيق لقواعد المرور و الالتزام الحقيقى بها كان فى عصر وزير الداخلية المحترم أحمد رشدي و اللى طبعاً طلع فى المؤمرة الشهيرة بتاع الامن المركزي .... و ايامها اللى كان بيعدي الشارع من غير موقع العبور غرامة 25 قرش (كانت مبلغ ايامها ) و اللى يحط حاجة معيقة للرؤية على التابلوا او فامية غرامة ....

أعتقد ان المشكلة في الايمان و الرغبة فى الحل
أحمد رشدي الناس بتشكر فية و بتمدح فية حتى الان لان فى عصره أنتظم المرور و تم القضاء على البطنيه اشهر أحياءالمخدرات ... و قبل كل ذلك بمجرد انة تم تعينه وزير للدخلية قدم استقالة ابنة كأحد ظباط الداخلية و اقالة من الوزارة

تخيلوا من موضوع مشاة مش بيحترموا قواعد المرور الخطوات جبت بعضها إلي وزير / أنسان يرغب فى التغيير الحقيقي .... انا هطلع من الموضوع دة قبل ما يتقفل على يدي :Zb_sor1[1]:

و كلة تمام و الطريق فاضي و الركن ببلاش ... دة انا سعات اركن بالطول و العرض و احياناً على وحدة و نص ...

ههههههههههههه
فكرتيني مره حصلي موقف غريب جدا عيال بتلعب كوره و المهم واحد منهم بيرجع بدهره ناحيه العربيه و انا ايدي علي الكلاكس و هو برضور مصمم قومت واقف وراه بالظبط و طلعت ايدي من العربيه و لسعته قفي كده زي ما اكون بزقه من لقدام
الانكت بقي انه بصلي بكل احتقار و قالي ما الشارع واسع اهه متعدي من اي حته تعجيك
الناس بقت فكاهيه اوي و هيا بتعدي الشارع يبصلك كده من فوق لتحت كانه بيغيظك و يقولك انت اللي راكب عربيه مستنيني انا اللي ماشي علي رجلي علشان اعدي براحتي
ههههههههههههه
و ياسلام لو بنت حاسه بنفسها شويه انها اموره تعدي من قدام العربيه براحتها اوي اوي اوي كانها بتقول يا ارض اتهدي ماعليكي ادي ياساتر شعب مستفز اوي
كل دول مش مهم المهم بقي في الناس اللي بتعدي مثلا صلاح سالم علي اساس ان طريق سريع و شوف الصدف بقي تلاقي نفق المشاه تحتيه علطول او مثلا في الاوتستراد و تلاقي بيعدي و كوبري المشاه فوقيه علطول طيب ماتتطلع الكوبري و نبقي كلنا في السليم
و الدوله تعمل سور تحت كوبري المشاه دا طوله خمسمائه متر علشان ترغم الناس بدل ما تمشي المسافه دي تستعمل الكوبري اللي مصروف عليه اد كده يكسروا السور بردوا من الجزيره اللي تحت كوبري المشاه بردوا علشان يعدوا
شعب حافظ مش فاهم والله
معلش بقي طولت كتير بس زي ماتقولوا الموضوع جه علي الزرار :120146b

اقتباس:

---

المشاركة الأصلية كتبت بواسطة emadkamel

وساعات باضطر انزل "اتاخر" اللى ماشى قدامى
الحكاية دى فعلا مستفزة ونفسى اتكلم عنها من زمان .... وكمان موضوع المواقف وانا فى طريقى 3 اتعس من بعد

1- مدخل شارع النزهة من الاوتوستراد .... كمية غير طبيعية من البشر واقفين فى اماكن غير طبيعية من الطريق ... نفسى افهم مستنيين ايه وليه واقفين هنا اصلا

2- مدخل الشارع المؤدى لسيتى ستارز من الأوتوستراد ... نفس المأساة

3- الكينج بقى: مطلع ومنزل كوبرى النزهة !!!! كل حاجة بتقف هناك تحمل وتنزل ... ميكروباصات، اتوبيسات، عربيات ....

---

+100000000000
بالذات كوبري النزهة .

الأحساس نعمة

وبما ان ناس كتير مبتحسش

اذا: يبقى لازم الواحد يكون أبرد من الازم وهوا سايق

لأن بصراحة كل حاجة تجيب الــضـــغـــــط

انا عن نفس بتخنق من الساعة بتاعة خروج المدارس
عند شارع الهرم الساعة12الضهر في الطالبية تلاقي مدرسة البنات
وكل بنت تمشي في الشارع بااقل خطوة
قبل كده كان الطريق ماشي وزي الفل ومرة واحدة لقيت بنت معدية براحة وشيفاني جاي انا هديت وبديها كلاكس وهي ولا هنا وتبص وتمش عادي
غير بقي الكلمة المشهورة بتاعة الناس هو انت فاكرانت لوحدك الي ماشي او انت علشان راكب عربية هتدوس علينا

المشاه = انا و من بعدي الطوفان
قائدي السيارات = انا و من بعدي الطوفان

المشاه + قائدي السيارات = الطوفان

اقتباس:

---

ياسلام لو بنت حاسه بنفسها شويه انها اموره تعدي من قدام العربيه براحتها اوي اوي اوي كانها بتقول يا ارض اتهدي ماعليكي ادي ياساتر شعب مستفز اوي

---

ياااااااااااااا سااااااااااااااتر , بجد بتغاااااااظ اوى , فى بنات فظيعة !

اقتباس:

---

المشاركة الأصلية كتبت بواسطة walidadel

و ياسلام لو بنت حاسه بنفسها شويه انها اموره تعدي من قدام العربيه براحتها اوي اوي اوي كانها بتقول يا ارض اتهدي ماعليكي ادي ياساتر شعب مستفز اوي
:120146b

---

الحمد لله لقيت حلين :8954[1]:

الاول :-
امشى بسرعتى زى ما انا وايدى عالكلاكس - بدون فرامل - وعلى بعد 3 ولا 4 متر من الامورة اضرب الفرامل المتينة تقوم تتخض تبصلى اشمتها هههههههههه :Zb_sor1[1]:

الثانى :-
افرمل عادى ولما اقربلها اديها من المنقى خيار - لو قلت من الخيار كلمتين هنا حتلزق شهر مدخلش المنتدى :biggrin:

بس طبعا مع مراعاة هى تعبانة فا مش قادرة تمشى ولا بتستهل - فى الحالة الاولى بدى فلاشر واعديها براحتها - فى الحالة التانية بتعامل بقى :11:

اقتباس:

---

المشاركة الأصلية كتبت بواسطة pro_samir

وبما ان ناس كتير مبتحسش

[/b]

---

لية السائقين هما اللى ممكن يكونوا مابيحسوش ؟

اقتباس:

---

المشاركة الأصلية كتبت بواسطة MoToRiZeR

المشاه = انا و من بعدي الطوفان
قائدي السيارات = انا و من بعدي الطوفان

المشاه + قائدي السيارات = الطوفان

---

كلام محترم جدا لاقصى درجة
ياريت كل الناس تعرفة

اقتباس:

---

المشاركة الأصلية كتبت بواسطة MoToRiZeR

المشاه = انا و من بعدي الطوفان
قائدي السيارات = انا و من بعدي الطوفان

المشاه + قائدي السيارات = الطوفان

---

...هههههه

حضرتك لاوم البرود زي ما بعض الأعضاء قالولى قبل كدا ...

انا على طووووول بكبر فى اى ظرف من الظرووف الا لو واحد قاصد انه يأخرنى او بيبلطج بيبقى يومه مش فايته كلاكس لحد ما اصدعه

حاجة تنرفز فعلا

انا كذا مرة في شوارع سريعة الاقى ناس بتعدي من قدامي و باصين الناحية التانية ر عندهم حول و لا حاجة
و بيعدوا بمنتهى غاية البرود

و مرة الاقى واحد واقفلي في نص الشارع كدا زي التنح و تفضل تديلة كلاكسات و قلابات على ما يحس ان في حاجة
انا عن نفسي لما بجي اعدي الشارع دايما باخدها جري و مش بتردد
بحس و انا ماشي كأني سايق نفسي الاقى عربية ورايا بتدى كلاكس
اقوم ابص ادام و فوق على اساس ان في مرايا ملاقيش حاجة اقوم افتكر اني ماشي على رجلى :biggrin:

طول اللسان و علو الكلاكس و النور العالى هو الحل
للاسف الناس هنا مش بتيجى غير بالحاجات الفظة

أنا بقعد أصبر في نفسي واستغفر ربنا على التصرفات اللي بيعملوها وكأنهم قاصدين يستفزوك .. وبحرص اني لما اعدي الشارع اريح كل السائقين وكأني بواسي نفسي ان فيه حد في مصر بيحترم الطريق !!
بس ساعات مش بقدر امسك أعصابي وبضطر استعمل اسلوب اني اخبط الدراع بتاعة الانسان السخيف اللي بيستفزك في الطريق بالمراية كأسلوب للتنفيس !!

الناس فى مصر محتاجة توعية جامده عن المشاه و عبوره للطريق لانهم فاكرين الاشارات دى للعربيات فقط !!!

بجد مفيش أحسن من الدائري

كنت من كم يوم عندي مؤبلة شغل في مصر الجديدة و أنا ساكن في أكتوبر فألت أطلع الدائري أسهل

صباح الضحك

الناس وaقفة لحد تاني حارة عند المنازل إلي الميكروبص بيوقف فيها و صباح التناحة

شايفين عربيات جاية بتجري عليهم و بتقلبلهم نور و كلاكسات ولا هما هنا

ارحمنا يا رب

اللي سايق يخلي باله من نفسه وخلاص عشان هو الخسران برضة العربية ساعات بتتأذي برابريز مثلا او فانوس غير العطلة والاقسام والمحاضر والمشاكل والفلوس بقى اللي هتدفع في كل خطوة ومش هقول طبعا انك هتأذي بني آدم عشان الكلام هنا عن الناس اللي بتتغابى وتدور مثلا وشها الناية التانية او يبص لك ويدخل في وشك وانت ماشي بالعربية او ..... أو ....... او .........وبصراحة اللي بيستهبل كدة دا على أد ماقدر بأهزقه ومفيش مانع لو شايل حاجة في ايده اطيرهالة بالكصدام او أديله خبطة بالمراية ماهي غباوة بغباوة وساعات باستغبى وادخل فيه وادور وشي الناحية التانية لو كان باصصلي واتأكدت انه شايفني باقوم مستهبل انا ونشوف ساعتها مين اللي هيخاف - وبعد دا كلة باستغرب نفسي واقول ايه اللي انا عملته بس الناس بجد مستفزة واذا الواحد مانفسشي في ساعتها بيفضل متغاظ مدة بعد كدة لحد اول موقف تاني وهكذا طول فترة السواقة
والعيال دي ربنا يستر مالهمش حل غير ان الواحد يخلي بالة منهم وبالذات لو لقيتي كورة ولا عيل بيجري ممكن يبقى في حد تاني بيجري وراة او ورا الكورة

علي فكره في ناس كتير تعبانه يعني اكل زي الزقت وشرب زي الزفت وغيره اكيد طبعا صحه زفت الزفت ياريت نستحمل بعضينا شويه
ماهو لا دي شوراع اللى احنا ماشيين فيها ولاايه الواحد بيبقي سايق حاطط عينه في وسط وسط راسه دا كمان لو عرف يحطها عمال تفادي في بلاعات وحفر ومطبات واشباه مطبات وبني ادمين وحيوانات واشباه موصلات في العربيات والله لما بتكون عربيتي عطلانه واضطر اركب مواصلات بحس ان انا مستريح

لو حد هنا بيمشي ع الدائري بلليل أكيد هيعرف معني أشباح الدائري

فعلاً حاجة تنشف الدم لما تبقي خلاص تحس إنك هتموت بنى أدم

أنا كل يوم برجع أعصابي مش مظبوطة من المغامرات اللي الواحد بيشوفها كل يوم

فعلا إحنا ماشيين في سيرك لازم تكون بهلوان كبير عشان تعرف تتعامل مع الشارع المصري

اقتباس:

---

مشكلة أزلية .... نظرا ً لان مفيش ثقافة ( كبيرة الكلمة دى بلاش منها ) .... نبتدي من الاول تاني .... في البلاد الوحشة اللى بتحقد علينا بيعلموا الاطفال ازاى يعدوا الشارع و قواعد المرور .... فبيترسخ داخلهم الامر منذ الصغر

---

كلام مضبوط مليون الميه..
فين البرامج الموجهة للاطفال..
فين الحملات القومية الحقيقية في المدارس والنوادي
اللي هدفها التثقيف ونشر الوعي "المروري"..
انا قضيت فترة المدرسة خارج مصر..
مش عاوز اقولكوا قد ايه كان موضوع
التوعية المرورية والصحية والاجتماعية..شيء
حيوي ومستمر طوال العام الدراسي
على شكل لوحات ومسابقات ومحاضرات من رجال المرور وعمل ما يسمى باسبوع او شهر السلامة..
وغيره لدرجة احيانا كانت بتزهقنا..
بس اكتشفت بعدين اهميتها..

اقتباس:

---

يا جماعه اللى بيعدى الشارع من المشاة و الاغلب من غير حائزي السيارات ما يعرفش حاجة عن قواعد المرور و الصح و الغلط

---

بالضبط.. فين وزارة الاعلام "الجبارة"بتاعتنا ..
فين البرامج التليفزيونية التثقيفية في
موضوع المرور واستخدام الطريق
ولا شاطرين في المهرجانات الهابطة وال...

اقتباس:

---

في نقطة كمان المشاة لهم حق فيها .... فين اماكن عبور المشاة ، مفيش .
فين العسكري اللي بينظم المرور .... مفيش ( بيرزق )
فين الكباري و الأنفاق .... مفيش

---

صحيح..اصل موضوع تحديد نقط عبور المشاة مش سبهللة
زي عندنا دي هندسة ودراسة للمكان وكثافة السكان ونوع الطريق..
ويا ترى الافضل للناس "دول" في المكان "ده"ايه كوبري ولا نفق ولا اشارة..

وبعدين فين التطبيق الحقيقي لقوانين المرور وتنفيذها على الوزير قبل الغفير؟؟ انا زميلي كان من فترة في دولة شقيقة
(من اللي احد الاخوة في المنتدى بيحلو له انه يسميهم دول الصحراء)
عبر الطريق من مكان غير مخصص لذلك..وفورا اتوقف ودفع غرامة في الحال لسه بيحلف بيها للنهاردة

يعني الموضوع له ابعاد اعمق بكتير من ان احنا نختزلها
في كلام زي ان الناس باردة او مستهترين او متنحين..لانه حرام بجد وتجني على ناس من حقهم قدر اكبر من المعرفة قبل ان نحاسبهم
:11:

أنا إللي بيحرق دمي كمان تلاقي أربع رجاله ماشيين بالعرض سايبين رصيف عرضه 10 متر ونازلين يتمشوا في الشارع بس العيب مش عليهم العيب على الدولة إللي سايبة إيدها من كل حاجة

الحل في المرايات الجانبية
الي بيتنح بلبه بالمراية على طول يا اما بزنقه في العربية بتاعتي و العربية الي راكنة او الرصيف اي كان و ببقى مبسوط قوي
و البنات الي شايفة نفسها بهدي بس بمور و أعلي صوت الموتور و اتفرج على الضحك
الامورة الي كانت بتعدي زي الملكة طالعة تجري زي الي هرابنة من السجن
و هكذا

ولا اى حاجة حعمل اية يعنى بسيبهم يعملوا مابدالهم ولو واحد استهبل فيها ااخرى الكلاكس والنور العالى لكن موش بشتبك مع حد بالكلام علشان ميحصلش احتكاك بالايدى والموضوع دة على فكرة مرتبط بالتوبيك اللى كان اسمة مظاهر الحقد الطبقى فى الشارع المصرى لان المشاة بيحقد عليك وعايز يقرفك لمجرد انة يغتت عليك ويعرفك انة وقفك وعمل اللى فى دماغة ودة احد مظاهر الحقد .