بالله عليكم فيدونى قبل ما يفوت الأوان

**mishoo_momo** · 18-12-2008 11:01 AM

أنهاردة أنا رايح أتفرج على عربية لانسر 2005 , 1600cc , كاملة أوتوماتيك , مفيهاش اسبويلر ولا فتحة سقف و عاملة 41000 كم و فيها ستاير و نازلة على الرخصة و الرجل طالب نهائى 79000 جم
أنا بقى عاوز أعرف كدة كويس ولا غالية ولا أيييييية
و بعدين العداد أنا شايفة قليل قوى و دة شئ كويس بس أعرف منين أن مفيش لعب فى العداد
معلش أخر حاجة موضوع الستاير دة حد يعرف لما أجدد الرخصة و أنقلها بأسمى حتفضل على الرخصة برضو ولا حيشلوها
ردو عليا بسرعه بدل مايفوت الأوان و خصوصا دى أول مرة أشترى عربية مستعملة
و شكرا شكرا شكرا

**أبو إياد** · 18-12-2008 01:18 PM

معلومه بالنسبه للستاير لو عربيتك زيرو ورايح ترخصها لاول مره وركبت فيها ستاير بتتثبت ع الرخصه بس انا اعرف انها فى الخلفيه فقط ولما تيجى تغيرها باسمك مش هاتتغير بس عند الفحص لازم تكون الستاير متركبه

**أبو إياد** · 18-12-2008 02:17 PM

انا حاسس ان السعر ده عالى شويه انا عارض عربيه 1300 مانيوال بس 2008 عامله 18000 ب 82000جنيه

**tareKnokia** · 18-12-2008 05:31 PM

لو عايز النصيحة اصبر وبكرها بالسعر ده تجيب كاش

www.sockandawe.com

**KASCO** · 18-12-2008 09:32 PM

بص للبيع لانسر 2006 1600 هاف سبورت كامله اوتوماتيك اعتاب واسبويلر وفوج لايت ولونها فيرانى ايرباج وايه بى اس وفابريقه بالكامل من الخارج والداخل بحاله الزيرو وطاره وفتيس وهاند جلد ضمان الوكيل مطلوب 85000 للتواصل 0100060868

**ezzatfox** · 18-12-2008 09:58 PM

موضوع العداد مش هتقدر تعرف ملعوب فية و لا لأ ، لكن الموضوع عايز واحد حريف يقولك حالة العربية حلوة و لا .. ، و فى الاخر السعر دة لازم ينزل على الاقل 3000 جنية يعنى هى كفاية عليها 75

**mishoo_momo** · 21-12-2008 08:46 AM

المشاركة الأصلية كتبت بواسطة KASCO

بص للبيع لانسر 2006 1600 هاف سبورت كامله اوتوماتيك اعتاب واسبويلر وفوج لايت ولونها فيرانى ايرباج وايه بى اس وفابريقه بالكامل من الخارج والداخل بحاله الزيرو وطاره وفتيس وهاند جلد ضمان الوكيل مطلوب 85000 للتواصل 0100060868

زى الفل يا باشا من الواضح أن عربيتك بسم الله ماشاء الله عليها نضيفة بس مش ممكن السعر ينزل (شويتين) ؟؟؟؟

يعنى أنا الراجل بتاع العربية التانية موديل 2005 دى مرشش برة ولا جوة و أتوماتيك و جلد (فرش و طارة و فتيس و هاند)1600 CC و عامل 41000 كيلو و فيها ستاير و العربية بأمانة حالتها نضيفة جدا و أنا كلمتة فى 74000 جنية
فعربيت حضرتك 2006 بس مش عارف عاملة كام كيلومتر بس عموما من وصف حضرتك ممكن نتكلم فى 79000 جنية و كدة حيبقى كويس لينا أحنا الأتنين
و متشكر جدا جدا لأهتمامك و ربنا يوفق و ننجز فى العربية علشان فعلا والله متبهدل من يوم مبعت عربيتى و بفكر أخدها من الاشتراها منى تانى :k40: