الموضوع: أرجو المساعدة في أوبل فيكترا موديل ٩٥

العربية أوبل فيكترا موديل ٩٥ ٢٠٠٠ سي سي أوتوماتيك كانت ماشية تمام والحرارة كانت مظبوطة المراوح تشتغل عند ٩١ أو ٩٢ وتفصل عند ٩٠ بس كانت مياه القربة بتنقص كتير تقريبا كل يوم بزودها رحت للميكانيكي قالي شجرة الميه بتنقط رحت جبت واحدة جديدة وبالمرة جوان تاكيهات لان كان في زيت علي الموتور من فوق والميكانيكي غيرهم والشجرة القديمة كانت فعلا مشروخة وبتنزل ميه وغسلنا الماكينة والحوض علشان كان فيه زيت.
وأنا مروح من عنده لقيت الحرارة بتعلي أوي والمراوح بتبدأ تشتغل علي السرعة التانية من ٩٥ والحرارة بتوصل ١٠٠ وتقل تاني ل ٩٥ أو ٩٤ والمراوح بتشتغل فترة طويلة جدا تقريبا ربع ساعة علي ماتفصل وساعات أكتر من كده رحت للميكانيكي قالي الساعة رحت لاكتر من كهربائي وأكدولي الساعة لازم تتغير اشتريت واحدة جديدة ورحت لواحد بتاع رادياتير فكه وسلكه وركب الساعة الجديدة جيت أجرب لقيت نفس المشكلة المراوح بتشتغل علي السرعة التانية علطول عند ٩٥ والحرارة بتوصل ل ١٠٠ وتنزل تاني ل ٩٥ مش أقل من كده وطول مالعربية ماشية المروحة شغالة ..ياريت حد من حضراتكم يفيدني أعمل إيه وايه ممكن يكون السبب