مساء الخير عليكم ..
ركبت قبل العيد مساعدين سبور ماركة Gecko عند الوكيل والموزع بتاعها علشان ازود ثبات العربيه وامنع الحكه في الكاوتش الخلفي لأن العربيه نازله جنط 17 ... من ساعتها مع اي مطب خفييييف جدا او نقره بسيطه ..بيحصل صوت دبة جامده في الجزء الخلفي ... دبة ورزعة عمري مسمعتها وتخوف اللي سايق فعلآ ... كلمت صاحب التوكيل وهوا شخصية محترمه . خد العربيه مشكوراً من عندي وراح بيها ...ورجع برضه اخر اليوم وقالي الصوت لسه موجود ... فسالته ايه المشكلة ... قالي جلبة الدنجل بايظه ..
رحت كشفت عليها في مركز خدمه وعند الميكانيكي بتاعي ... الإتنين اكدوا ان جلبة الدنجل سليمه ومفيهاش اي حاجه تماما !!!!!!!
ياريت الناس اللي مركبة مساعدين سبور تفيدني علشان فعلآً الصوت رهيب والله جدااااا وبيحصل مع اقل مطب أو نقره لاتذكر .
وشكرا مقدما .