أخوكم فى حيره ... أفيدونى أفادكم الله

**Nader** · 20-08-2007 02:31 PM

والله فكر عملي يا عبد الله انا شايف كدة برضة :roll:

**Ahmed Hassan** · 20-08-2007 02:45 PM

معتز... اشتري اكصدام من التوكيل و ركبه هناك و امرك لله. الصب مش هينفع لأن الفيبر المصبوب وزنه تقيل و ضعيف و بالتالي بيتكسر بمنتهى السهوله.. ده غير انه هيفصل بعد ما يترش و هيبان الأكصدام كأنه مشروخ و شكل العربيه مش هيبقى حلو. اتكل على الله و اشتري الجديدز

**maged** · 20-08-2007 04:40 PM

انا شايف انك تبحث عن اكصدام استيراد وتشوفه بكام لو كان رخيص يبقى احسن من الاصلاح لكن لو ملقتش استيراد يبقى شوف الراجل اللى بيصلح شغله كويس ولا لا ولو كان معقول يبقى اتكل على الله وصلحه لان حرام تركب اكصدام فى التوكيل ب 1500 جنيه وممكن بعدها لا قدر الله اى حد يريح عليه ويتكسر تانى ساعتها بقى عمرك ما هتركب الاصلى تانى
وبعدين ما كل حاجة فى بلدنا بقت مغشوشه الاكل والشرب والعلاج والضمير يعنى جات على الاكصدام يعنى لو ركبت اكصدام مش اصلى لعربتك هيحصل ابه يا عم خليها على الله

**Mo3taz Selim** · 20-08-2007 05:09 PM

انا شايف انك تبحث عن اكصدام استيراد وتشوفه بكام

مش عايز أقول لك إن الفكره دى فعلا جت فى دماغى ... و رحت الحرفيين و لفيتها حته حته لغاية ما لقيت واحد نفس اللون بس البائع كان أمين بصراحه و قال لى هو فيه شوية شغل بسيط المهم قلت أبص بصه ... لقيت فيه خرم كبييييييرفى النص وعامل زى ما يكون خرم نتيجة حرق أو ماده كاويه ... طبعا شكله ما ينفعش خالص بس قلت للعلم بالشىء أسأل السعر هايكون كام ....
بس طبعا نظام الفهلوه و الأونطه المنتشر فى البلد و سياسة أهبش و أجرى خلت البائع بعد تفكير عميق يقول لى هاحسبهولك على 1500 .... ليه يا سيدى ... أصل الأكصدام ده أصلى أما التانى المباع فى التوكيل بيبقى مضروب ... قول لى لو مكانى تعمل أيه

**Salah_sr** · 20-08-2007 06:52 PM

قدر الله وماشاء فعل الحمد لله أنا من سبع سنوات خبط كلب في طريق العين السخنة و بهدل العربية الحمد لله ولكن رأي أنك تروح التوكيل أو كار تك علشان الشغل يطلع نظيف و مضمون و ربنا يعوض عليك

**Ahmed Anwer** · 20-08-2007 07:17 PM

ربنا يعوضك عن ما حصلك إن شاء الله
العربية لسه زيرو يعني هتركبها إنشاءالله كمان خمس سنين علي الأقل فالي هتصرفه بتصرفه لنفسك مش لحد هيشتريها
رأيي الشخصي تتكل علي الله و تعمله عند التوكيل أو كارتك لكن متعكش عشان دي عربيتك و مش هتبيعها ، لو تقدر تمشي بيها كمان شوية بالشكل ده عقبال ما يمكن الشغل اللي فيها يرخص شوية ماشي

**mina_ramsis** · 20-08-2007 07:28 PM

اولا الف حمد الله على سلامتك
ثانيا اعتقد ان الحل الافضل للموضوع ده هو التوكيل هو اكيد هيتعبك جامد و هيرزل عليك شويه خصوصا فى الفلوس بس هيطلع حاجة نظيفة فى الاخر و بعدين ماتنساش ان العربية جديده يعنى اى غلطة هيشوه منظرها
بالتوفيق ان شاء الله

**Nile Heart** · 20-08-2007 07:29 PM

معلش انا عندى سؤال عن فكره ماحدش جاب سيرتها

الحرفيين مليانه بتوع فيبر عندهم اكصدامات من سيارات عامله حوادث, ومنها اكصدامات شبه سليمه تماما, ليه ماتشتريش واحد من دول وتقص الجزء المطلوب وتلحمه فى اللى عندك وترشه وكل ده مش هايتكلف 150 - 200 جنيه؟

**ihab** · 21-08-2007 08:47 AM

اعتقد و الله اعلم ان الاكصدام الجديد فى السوق ابو 800 جنيه حايبقى تايوانى و حايبقى اخف و اضعف من الاصلى
و بكده حايبقى قريب من تصليح الاكصدام القديم او يبقى الاكصدام جديد من التوكيل بس الفرق كبير فى السعر و زى ما عبدالله قال الاكصدامات اول حاجة بتتأثر لو فى كحتة او خبطة بسيطة او ترييحة
انا شايف انك تتوكل على الله و تصلح القديم و اهو يأخذ وقته و ربنا يستر طريقك ان شاء الله

-

الموضوع: أخوكم فى حيره ... أفيدونى أفادكم الله

LinkBack

أدوات الموضوع

عرض

-

-

-

-

-

-

-

المواضيع المتشابهه

أفيدونى أفادكم الله

أفيدونى أفادكم الله

أفيدونى أفادكم الله

أفيدونى أفادكم الله

أفيدونى أفادكم الله

الكلمات الدلالية لهذا الموضوع

المفضلات

المفضلات

ضوابط المشاركة