الحمد لله تعرضت لحادث بسيط الموضوع ده من 15 يوم تقريبا
كنت مروح للمنزل بالليل الساعه تقريبا 9 مساءا يوم ذكرى ثورة يوليو فى الطريق الواصل بين مدينة نصر و القاهره الجديده و الطريق خالى تماما و ماشى على سرعه ما بين 130 و 140 المهم على بعد 3 أمتار تقريبا من السياره لمحت كلب بيعدى الطريق بسرعه جدا ... ضغط فرامل و حاولت أن أتفاداه لكنه القدر ... طبعا خبطته و عدى من تحت السياره و دى صورها بعد الحادث
دلوقتى ... أنا محتاج أرائكم جميعا فى موضوع الأصلاح ... أنا مش مأمن على العربيه ... عملت للعربيه مقايسه فى كارتك عرفت إنها محتاجه تغيير إكصدام أمامى + فبره أكصدام + كارتيره عجل شمال + حامل إكصدام شمال.
الإكصدام بس اللى عرفت تمنه من غبور 1110 جنيه بدون ضريبة المبيعات و الدوكو يعنى تقريبا الحسبه ها تبقى من 1500 إلى 2000 .
و سألت على الإكصدام فى شارع دمشق فى محل قال لى ممكن يجيبه ب 800 جنيه بعدى على المحل ده تقريبا يوم و يوم و لسه مافيش حاجه وصلت....
المهم بالأمس و أنا بسأل فى المحل ده برده مالاقيتش حاجه ... قلت أمون العربيه من محطة شل اللى هناك لاقيت واحد من المحطه بيقول لى تحب تصلح العربيه ... قلت أاااه طبعا قالى الموضوع هايكلفك 300 جنيه و هانصب الإكصدام فايبر ... تيجى فى يوم نخلع الإكصدام و تاخده بالليل يا إما تانى يوم....
طبعا حيره ما بعدها حيره
معلهش طولت عليكم ... بس طبعا إنتم أخواتى ...
ياريت تقولوا لى أعمل أيه بالظبط :?: :?: :?: :?: :?:
المفضلات