الموضوع: أغرب موقف

المشاركة الأصلية كتبت بواسطة mohamedezat

اكيد فى حياة الواحد مننا بيحصلوا مواقف غريبه ممكن تكون مصيبه لقدر الله او طريفه المهم ان احنا بنتعلم منها انا فكرت ان لو كل واحد مننا حكى عن موقف حصله اكيد هانتعلم من اخطأنا وماننكررش الموقف ده تانى

ياريت كل واحد يكتب عن موقف حصله انا عن نفسى هبدأ بموقف حصل قريب

انا مكان الشغل بتاعى فى شارع الجلاء فى رمسيس وانا شغلى فى الحكومه بيكون من 8ص الى 3العصر المهم انا مركب فى عربيتى وحده رفع بس وانا للامان عندى مفتاح اسبير فى جيبى دايما ومفتاح فى البيت غير المفتاح الاساسى المهم لما بطاريه الريموت بتاع المفتاح خلصت لقيت حل سهل او بالمعنى الاصح حل كسول ان انا بعد لما اركن عربيتى وانزل منها بيكون الزجاج مفتوح امد ايدى واقفل اللوك سنتر بالتالى العربيه بتتقفل والزجاج بيترفع المهم ده اللى حصل ولما خلصت شغلى خالص نزلت بطلع المفتاح مش لقيه قولت اكيد نسيته فى المكتب طلعت المفتاح الاسبير اللى جيبى وفتحت العربيه ولما قربت المفتاح من الكونتاكت كانت الصدمه
المفتاح موجود فى العربيه والعربيه شغاله ده معناه ان العربيه شغالة من سبع ساعات ولوحدها وفى شارع الجلاء برمسيس
الحمد لله

*****
* المفروض أن وحدات الرفع تعمل علي الريموت فقط وليس مع إغلاق السنتر يدوياً
* ثاني حاجة نفسي أفهم أول ما بتمشي بالعربية في الطريق المفروض السنتر بيقفل بعد فترة حسب نوعة (عند لمس الفرامل/او بعد 30 ثانية / أو أول ما توصل سرعة 40 كم /.....) فهل في تلك الحالة برضة الزجاج بيقفل أعتقد لا ....
خلاف ذلك لابد من وجود خلل في جهاز السنتر الخاص بسيارتك