اية الى مجننك فى البلد دى ونفسك انة يتعدل؟

**abo_hosni** · 18-12-2008 05:31 PM

لازم نضحي

الخطوات:
1- نسف البلد
2- القضاء على الشعب (كله)
3- نستورد شعب من بره زي محمد صبحي ما قال
4- إعادة بناء كل شئ

**ouba2** · 18-12-2008 05:43 PM

كل حاجة زي الزفت

**bassem.naguib** · 18-12-2008 06:17 PM

يا جماعة .. السلوكيات هي أهم حاجة في أي شعب .. إذا انصلحت انصلح حال البلد .. يعني مفيش رشوة .. محسوبية .. ظلم ..... إلخ حتلاقي كل حاجة اتظبطت تلقائي بعد كده من نفسها

**Rsarabia** · 18-12-2008 06:56 PM

لازم كلنا نموت وييجى بدالنا ناس تانية يتعلمو صح و يعيشو فى مكان على قد عددهم و يبطلو عادات سيئة و قعدة اهاوى

**Karim Salem** · 18-12-2008 07:04 PM

التعليم ثم التعليم ثم التعليم ده من اكتر الحاجات اللى مضيقانى فى البلد _ انا اولادى حاليا على سن دخول المدارس و دايخ موش عارف ادخلهم ايه خايف يطلعوا زيى -
و فيه حاجة تانية مضيقانى من الناس فى مصر عموما و منهم انا - ان الواحد دايما ينتقد الناس و يحكم عليهم احكام و هو غالبا بيعمل زيهم.

**M.Osman** · 18-12-2008 07:12 PM

المشاركة الأصلية كتبت بواسطة TheInfernal

أنا مرة جربت أمشي في الشارع الساعة 4 الصبح...حسيت ان البلد دي نضيفة.

طب ما هو فعلا البلد نظيفة بس المشكلة فى المخلوقات الفضائية اللى بتزل الصبح :) هى اللى بتوسخها !!

**samirayad** · 18-12-2008 08:05 PM

بصراحة ياأخوانا....أنا حاسس ان أنتم متحاملين.....دا كل شىء مية مية....المواصلات فاضية..والطرق نظيفة...والأخلاق ميت فل.ومفيش أى روتين أوعراقيل ولارشاوى ولاأى قوانين جباية.....والناس منتجة ودؤوبة فى العمل......وكل واحد بيتقى ربنا فى عملة.......والرؤساء غير ظلمةعلى الرغم من أنهم بيصوموا ويحجوا ويزكوا..وفية عدل وسواسية فى كل شىء.....والضمائر عشرة على عشرة...وكان وأخواتها........على رأى فؤاد المهندس ....مش كدة ولا اية...

**mohamedbook** · 18-12-2008 08:11 PM

الشعب المصري الجبان -الهمجي -المتخلف-الي عايز يتفور عشان انبتدي من جديد ويريت يتصلح حالة
اكيد احنا بننفخ في قربة مخرومة

**معتز** · 18-12-2008 08:24 PM

انا عندى احساس شبه يقين ...لو المرور فى مصر تحسن بنسبة 50 % فقط.......مصر حتنتقل الى حياة افضل بنسبة 50 %

النقل والمرور بيحرق الاقتصاد المصرى.....استهلاك بدون عائد فى كل شئ...كل شئ بمعنى الكلمة...لو فقط الحكومة تستهدف بسرعة تطوير قطاع النقل والمرور البلد دى هتتحسن كثيييير.....وده ممكن من 1 سنه - 3 سنوات فقط ....التعليم والصحة يحتاج على الاقل 10-15 سنة لكى تشعر بالتاثير.....هوحلم او امنية.....اقولكم دعونا نجعلها دعوة الى الله ضمن دعواتنا اليومية اليه..........اللهم اصلح المرور فى مصر....