ساعدونى فى تنفيذ جدول الصيانة بكتالوج السيارة
السادة اعضاء منتدى BYD الكرام
انا عربيتى BYD F0 موديل 2013 احب اعرفكم بانى قررت انى اعتمد على الصيانة الدورية الموجودة فى كتالوج السيارة بعيد عن التوكيل وذلك لاسباب كتيرة
وبناء على ان عربيتى عاملة دلوقتى اكتر من 62000 كيلو فانا بصيت على جدول الصيانة فلقيت انى لازم اعمل حاجات كتيرة فى العربية وبعض منها مش عارف او مش فاهم اعمل ايه بالظبط
وعشان كده انا تباعا حقولكم ايه المكتوب بالظبط وانتوا مشكورين تقلولى اعمل ايه بره التوكيل
يعنى اول حاجة مكتوبة (افحص عن كان الحزام المضلع متصدع او فيه قطعة متطايرة او تاكل وعدل كثافتة) ده اللى مكتوب بالظبط وده انا يعنى فهمت منه اكشف على حزام الامان ولو جزء منه
مقطوع اغيره الكلام ده صحيح ولو لقيت كده اعمل ايه بالظبط؟
معلش حتعبكم معايا عشان نفيد ونستفيد وتباعا حقولكم مكتوب ايه فى الخطوات التالية .:car_part2: