الموضوع: ساعدونى فى تنفيذ جدول الصيانة بكتالوج السيارة

معقولة يا جماعة 22 مشاهدة ومفيش رد واحد
المهم انا مش حيأس وحكمل الموضوع وحفضل اسأل لحد مخلص كل جدول الصيانة الموجود بكتالوج العربية حتى لو محدش رد عليا على الاقل علشان تستفيدوا من جدول الصيانة ويا ريت حد يرد عليا فى استفساراتى
طيب المهم تانى حاجة مكتوبة فى جدول الصيانة (افحص عن كان كابل التشغيل تالفا)
هو ايه المقصود بكابل التشغيل ده يا جماعة وازاى افحصه ولو كان تالف اشتريه منين وتكلفته كام وابدله ازاى
شكرا مرة تاني لمتابعى الموضوع ويا ريت حد يرد عليا

للمرة التانية اصبح المشاهدات 33 ومحدش رد

طيب يا رب حد يرد

المهم مكتوب بعد كدة فى جدول الصيانة (افحص واستبدل ضوء الاشعال)

الكلام ده معناه ايه هل قصده البوجيهات ولا فوانيس العربية ولا ايه بالظيط؟

وافحصه واستبدله ازاى بالله عليكم يا جماعة افيدونى

بسم الله ما شاء الله المشاهدات بقت 47 ومفيش حد بيرد
المساهمات بقت قليلة قوى فى المنتدى ولا الاعضاء اللى بيدخلوا لمنتدى قليلين
المهم البند اللى بعده واللى مكتوب فى جدول الصيانة بالكتالوج هو:

(( افحص نظام تهوية عمود المسننات - صمام وخرطوم الهواء ))

معلش حتعبكوا معايا ولسه فى امل ان حد يساعدنى من يقرا الموضوع ويخرج من غير ما يفيد اى حد
ازاى فى البند ده اعمل اللى مطلوب وفين فى العربية بالظبط الاقيه واغيره ازاى ومنين والسعر لو سمحتم

وللمرة الرابعة كويس المشاهدات بقت 55 بس الحمد لله ويا رب اكون بفيد اعضاء المنتدى الكرام

جدول الصيانة مكتوب فيه البند التالى:

(( افحص انبوب تبريد المياه عن كان تالف وفيما اذا كان توصيله محكم ))

ها ارجو من اعضاء المنتدى شرح البند ده هل يعنى انى ابص على الخرطوم اللى خارج من الردياتير او القربة اذا كان بنقط ولا لا واذا كان اعمل ايه ؟

بسم الله ما شاء الله ولا حول ولا قوة الا بالله العلى العظيم

المشاهدات بقت 84 مشاهدة ولا رد واحد من اعضاء المنتدى الكرام

البند التالى من جدول الصيانة بيقول (( افحص مستوى مياه التبريد فى المبرد ))

طبعا والحمد لله البند ده واضح وانا عن نفسى بشيك عليه كل اسبوع واشوف مستوى المايه فى الردياتير وازودها لو ناقصة

الكلام اللى انا بقوله ده صح ولا ليكو رؤية تانية تحبوا تضفوها:w_022: