الموضوع: شراء نوبيرا اوتوماتيك

ياجماعه انا عايز اقول راي المتواضع بصفتي مالك لنوبيرا اوتوماتيك موديل 2003 الحمد لله الفتيس زي الفل ولكن النوبيرا بطبيعتها حجمها كبير نسبيا على ماتورها وعلشان كده التسارع بتاعها ممكن يكون تقيل شويه في الاوتوماتيك عن المانيوال وبالنسبه لاعطال الفتيس فمعظمها بيجي من الاستعمال السيء وكتر الكيك الداون ولو الاستعمال نظيف مش هايعطل ولو بعد 500 الف كم بإذن الله وبالنسبه لسمعه النوبيرا الاوتوماتيك السيئه ده بسبب الكلام المنقول يعني كل واحد بيقول انا واحد صاحب صاحبي كان عنده نوبيرا اوتوماتيك وعطلت وماحدش بيقول سبب العطل ده ايه يعني هو كان ماشي في امان الله وعطل لوحده المهم انهم يبوظوا سمعة العربيه بدون مايجربوها (انا لا اقصد شخص بعينه) وعالعموم لو راقبت النوبيرا في الشوارع هتلاقي ان نسبه النوبيرا الاوتوماتيك حوالي60 % من النوبيرا فهل من المعقول كل العدد ده فيه عيوب واخيرا انا اسف على الاطاله وده كان راي الشخصي..... وشكرا

سيادتك انا بقول راي الشخصي وانا كاتب الموضوع ده لابداء راي كتجربه شخصيه لافادة صاحب الموضوع وليس لاثبات وجهة نظري وليس كرد عليك وشكرا

انا معاك فى حكايه ان الناس بتعد تنقل اخبار و خلاص لكن محدش جرب فعلا بالاضافه الى اهمال الصيانه للفتيس فبالتالى حيبوظ

فى معلومه ممكن تنهيلك القصه دى الافيو ماهى شغاله اتوماتيك زى الفل و محدش بيشتكى منها مع انه نفس الفتيس بتاع اللانوس الى بنسمع عنه قصص و حكايات
و الموتور و الفتيس اللى فى الشيفروليه الاوبترا هما بتوع النوبيرا و محدش بيشتكى من الاوبترا هى كلها اشاعات و اهمال فى الصيانات

والله يا جماعة مشكورين جدا وخاصة لانكم ساعدتوني في اتخاذ القرار الصحيح طب حد سمع حاجة عن اسبرانزا 516 اللي هي 1600سي سي وانا معلوماتي عنها انها كويسة ولكن ثقيلة جدا في عملية البيع والشراء هذا بالاضافة الي بعض العيوب التي تحدثوا عنها مثل العفشة وغير ذلك أرجو الافادة والسلام عليكم ورحمته وبركاته.