كيفيــة حل مشكلتـى وهى عدم الانتباه للطريق !!

عندى مشكلة جامدة جدا مش عارف احلها ازاى
وهى عدم الانتباه للطريق اذا كلمنى حد
يعنى مثلا مرة كنت فى شارع النزهة وفيه اشارة وبهدى العربية علشان اوقف العربية وانا لسه ماشى لقيت واحد بيقولى السلام عليكم
المهم ببص للى بييسالنى ده اشوفه عاوز اه وفرمت قبل ان اخبط العربية اللى امامى بحوالى عشرة سنتى
لكن ربنا ستر
النهاردة برده ماشى فى طريق النصر والدنيا زحمة وواحد سواق تاكسى شكله عربجى عمال يدى كلكس
المهم بعد ما الطريق مشى وعدى لقيته بقلة ادب جنبى بيقولى متمشى شوية يا اخويا
المهم ببص للى بيتكلم باسلوب سافل ده وكنت هخبط فى عربية امامى ايضا لولا ستر ربنا
مش عارف ازاى اقضى على العادة دى
ياريت لو حد عنده حل يقولى

الحكاية كلها مسألة تعود
وبكرة هتسوق العربية وتغير هدومك فى نفس الوقت :k4:

عزيزي

لما تعرف ان عندك عدم تركيز في التليفون
والسواقه في نفس الوقت ؛ اركن بهدوء
علي جنب وخلص مكالمتك براحتك

انا بعمل كده كتير

ركب مانع شوشرة

كل بني ادم ليه مقدره علي التحكم في تركيزه , انت المفروض تساعد نفسك انك تركز في السواقه بإنك تشيل اي مشتت لذهنك , الحكايه عايزه تعود منك :)

و لازم تحط في دماغك انت و انت بتسوق لازم يكون تركيزك 100%

ربنا يوفقك

تحياتي

:)

اقتباس:

---

المشاركة الأصلية كتبت بواسطة romeeoo

ركب مانع شوشرة

---

ههههههههههههه

إذا كنت من اللذين لا يحتفظون بمسافة أمان مع السيارات التى أمامهم
فقد يكون ذلك هو السبب

حل مشكلة عدم الانتباه للطريق هو الانتباه للطريق

و شكرا

hya f3lan moshkla bs zay ma el a3daa 2aloo mas2alet ta3awod...bs 5aly 3nik 3la el taree2 wenta btklm ely ganbak...w rabna yestorha 3alina

نصيحة متشغلش الكاسيت وانت ماشي ..
و متفقلش ازاز العربية ...

او لسة جديد في السواقة يبقى بكرة تتعود زي ما الأخوة قالولك
لو بقالك مدة يبقى دايما حاوي تسيب قدامك مسافة وماتدورشي وشك عن الطريق الا عشان تلمح حاجة ضروري وتكون رجلك على الفرامل في اللحظة دي(تلمح يعني تلمح بعينك مش تبص وتدور وشك كله) ويفضل تسيبك من الناس اللي عند الاشارة وسواق التاكسي وكل المؤثرات الخارجية عشان السرقة والحركات القرعة دي منتشرة اوي اوي اليومين دول
غير كدة انت في المرتين ربنا ستر معاك وواضح انك بس بتكبر الموضوع على نفسك وانت بتبقى واخد بالك برضة

u r mono
u have to be stereo :):U_thin1[1]:

انت بتسوق من امتى ؟؟؟؟

انت حاول تركز مع الطريق هو دة الحل انت لية بتروح مع اى منبة اومثير على الطريق كدة اخطر حاجة لانك لو على هاى واى بيكون رد الفعل فى اقل من ثانية مهم جدا غير المدينة بس انت الوحيد اللى عندك الحل وهو انك تشوف ازاى تركز مع الطريق وتركز انتباهك مع الطريق ولا غير وتنفض لاى حاجة تانية .

الحل انك ما تبصش علي اي حاجة تانية غير اللي في طريقك يعني ما تلفش وشك خالص غير يدوبك ممكن لمحة بسيطة كده بعينك لو جنبك عربية بتزنق عليك او حد بيحاول يعدي الطريق قدامك و نفض لاي حاجة تانية ........ و ربنا يستر معانا جميعا