مساء الخير...

انا زميل جديد في المنتدى اسمي د/سامي و احب اشكركم على كل النصائح و الترشيحات و الفوائد اللي اتعلمتها من معظمكم من خلال متابعتي لكم السنين اللي فاتت.


حبيت اشارككم و اخد نصائح عشان باذن الله قريبا في شهر 10 هتلاقوني عندكم كثير لاني نويت شراء عربية بلايموث موديل 1978 و انا من هواة العربية الامريكية الكلاسيك...

اسالتي كالتالي:

1. انا محتاج احول العربية من 4 ابواب الا بابين... ممكن حد ينصحني اروح فين و مين احسن واحد خبير في المواضيع دي و هل العقيد خالد يقدر يفيدني في الموضوع ده ولا لا ولو اه ممكن رقمه و عنوانه؟

2. رش العربية من الداخل و الخارج للتجديد يكلف كام و من من الخبراء اللي ترشحهولي؟


3. العربية اكيد هتكون محتاجة تغير طنابير و عفشة و نظام التعليق بتاعها و من بحثي لقيت مكان اسمه SR Garage... حد تعامل معاه قبل كده ممكن يفيدني عن شغلهم لان ماشاءالله هما باين عليهم خبراء لكن تكلفة الحاجات دي هتبقى في حدود كام؟

4. م/كريم كان دلنا قبل كده على ا/بسام او باسم فايبر مش حاضر الاسم حقيقي حاليا عشان محتاج اعدل على جسم العربية حاجات احولها من سيدان الى سبورت... فحابب برده اعرف نمرته و كمان مواعيده

5. المحرك برضه هيحتاج تعديل او عمره بسبب مرور السنين فمين احسن واحد يفهم في المجال ده؟

6. بما اني شاب لسه في اول طريقي المهني فالفلوس هتبقى على قد المرتب الشهري فبرجاء مراعاة الرد قبل التوجيه الا مكان معين.

اسف على الاطالة و اشكركم على الافادة مقدما.