الموضوع: رد وافي وشافي ياريت

السلام عليكم ورحمة الله وبركاته
معايا هيونداي النترا عامله ٥٠ الف كيلو
احتارت بين رأيين ارجوا الإفادة بالأصح منكم.

عاوز اغير سيور وتيل العربية ( فرامل . وامامي وخلفي ) وباقي السيور.
الرأي الاول ان السيور دي ليها عمر افتراضي ولازم تتغير علي ٥٠ الف او مده زمنية معينه ايهما أقرب .

الرأي الثاني أن دي سيور العربية الأصلية اللي جايه بيها من بره والافضل انها متتغيرش الا لما أحس فعلا انها اتهالكت او حصلت فيها مشكلة لان اللي هيركب حتي لو فالتوكيل عمره ما هيبقي افضل من الأصلي اللي جايه بيه . وفي مهندس في احد التوكيلات بيحلف ان نظام الصيانه المعتاد بيهدر سيور عربيات بتبقي في حالتها وفي ناس بتفهم فالعربيات مستعده تبدل جديد بأصلي .

علما بأن سيور عربيتي مفيهاش مشكلة لحد الان الا انني تجاوزت المدة الزمنيه والكيلوهات .. ايه رأيكم اعمل ايه ..

السير بتاع المجموعه بيستحمل لحد 100 الف كيلو حتى لو الكتالوج كاتب 50 بس طبعا بيبقى حاطط 50 الف لاعتبار الخدمة الشاقة وسير الكاتيه لو جنزير عمره طويل جدا
التيل الامامي على حسب انتهى ولا لا مش تغيره بعدد الكيلوات الي مشيتها والتيل الي ورا لو طبل لسه بدري على مايتغير