هفرقع من الغيظ من بطاريات ac delco

العربية نوبيرا 2006.
البطارية ac delco 55.
النوع جافة
السعر وقت الشراء 490 جنيه.
تاريخ الشراء 12/11/2007
الضمان ينتهى فى 12/11/2008
حالة البطارية خلال العام الاول اكثر من ممتازة تحميل عليها بالتكييف و الكاسيت و عمرها ما اشتكت.
اللى حصل ان النهاردة ركنت على جنب و طفيت العربية و نزلت اشترى علبة مناديل و البطارية كانت شغالة تمام التمام , و لما رجعت بعد ما جبت المناديل لقيت العربية ما بتدورش و الانوار و الكاسيت و السنتر و كل حاجه مش شغالة, جبت الكهربائى اخد البطارية و قالى نشحنها , حطها على التنجر 6 ساعات لكن لا حياة لمن تنادى ولاااااااا الهوا كئنها قالب طوب من الارض مش بطارية , رحت للمكان اللى اشتريتها منه قالى الضمان خلص و مالناش دعوة , سلمت امرى لله و قلت اشترى واحدة فارتاجافة 55 سالت عليها قالولى 450 جنيه و بكل بجاحة الراجل نبهنى انها برده مش هتقعد اكتر من السنة لان ده اصبح الاتجاه العام فى تصنيع البطاريات ان البطارية عمرها ما تقعد زيادة عن السنة , ايه هو ده يعنى اعباء تسيير العربية بالاضافة الى البنزين و الزيت و التراخيص و الركن و النظافة و الاصلاحات اضيف اليها 50 جنيه فى الشهر بطارية؟!!!
هفرقعععععع من الغيظ.
ياريت اللى عنده فارتا يقولى رأيه و السعر اللى اشترى بيه , و ياريت حد ينصحنى 55 و لا 70 و ايه الفرق بينهم و هل ممكن ال 70 يكون عمرها اطول؟

هو ده عيب البطاريه الجافه بتموت مره واحده
بس اكيد حضرتك ما كنت بتراعي الضوء التحزيري بتاعها
لأنها لما تكون عاوزه تتشحن بتنور اسود
المهم انا باردو الفارتا عملت معايا كده في ثانيه واحده العربيه مش بتدور
يعني تقريبا كلهم واحد
وحاليا عندي ac delco وبقالها حوالي 4 او 5 شهور وربنا يستر عليها بقي
وبالنسبه للأمبير لو انت عندك حاجه مستهلكه كهرباء زياده
زي جي ام مثلا والحاجات دي يبقي هات امبير اعلي ولو مافيش يبقي هاتها نفس الأمبير

احب الفت انتباهك كمان لو ان الضمان مكنش خاص كانوا هيشترو البطارية بقيمة مش هتزيد عن 10% من قيمتها ,
و ده لأن الضمان بيبقى متناقص , يعني كل شهر يعدي على تاريخ الشراء سعر البطارية بينقص 10% و الشهر اللي بعده كذلك ,
يعني سعر شرائهم للبطارية مش هيفرق كتير لأنك كنت في آخر شهر ,
على العموم ربنا يعوض عليك و اهم حاجة انك تخللي بالك من صيانتها كل شهر.

اقتباس:

---

المشاركة الأصلية كتبت بواسطة Akram

اهم حاجة انك تخللي بالك من صيانتها كل شهر.

---

هو مش احنا بنجيب البطارية الجافة علشان مش عايزة صيانة , و لو انا غلطان ياترى ايه هى الصيانة المطلوبة كل شهر؟

أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين.
ثانيا : البطارية دي إنتاج سعودي .إزاي يا راجل تشتريها والسعودية تقوم بجلد المصريين 1500 جلدة في الشارع .إزاي جاء لك قلب تشتريها أصلا؟؟

اقتباس:

---

المشاركة الأصلية كتبت بواسطة semsem67

أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين.
ثانيا : البطارية دي إنتاج سعودي .إزاي يا راجل تشتريها والسعودية تقوم بجلد المصريين 1500 جلدة في الشارع .إزاي جاء لك قلب تشتريها أصلا؟؟

---

مين قال ان فيها ميه نار والكلام ده

انا اول مره اسمعه
طب ليه سموها جافه

اقتباس:

---

المشاركة الأصلية كتبت بواسطة semsem67

أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين.
ثانيا : البطارية دي إنتاج سعودي .إزاي يا راجل تشتريها والسعودية تقوم بجلد المصريين 1500 جلدة في الشارع .إزاي جاء لك قلب تشتريها أصلا؟؟

---

بغض النظر على انها صناعة بلاد العرعر او لأ
تجربتي مع الفارتا دامت 4 سنوات في ابيزا 96 و لما ماتت برضه ماتت مرة واحدة و كنت جايبها 55 امبير ب300جنيه ايام رخص البطاريات يعني رسيت عليا في الآخر ب75ج بطارية للعربية في السنة و ده طبعا ممتاز و محصلش معايا اي حاجة من المذكورة دي

عموما انا جبت بطارية امريكي اوبتيما الصفرا ب1800ج عاشت في عربية زلمكة قدام عيني في الخليج 12 سنة و بعدين ماتت جزئيا مش كليا برضه
و هعملها موضوع مستقل و اشرحهالكو بالتفصيل

حقيقى اول مرة اسمع عن موضوع ان البطاريات الجافة بتعمل كده

ربنا يستر


ولو حل عند حد علشان تطويل عمر البطارية ياريت يقول

اقتباس:

---

المشاركة الأصلية كتبت بواسطة semsem67

مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل!

---

رغم انى متكاد من البطارية الجافة لكن احقاقا للحق نار الجافة و لا جنة السايلة , انا من النوع اللى بيحافظ على العربية اوى , و عربيتى الحمد لله بعد 3 سنوات يكاد يكون مافيهاش خدش واحد و طبعا مارشيتش اى جزء منها ...... لكن المشكلة ان الجزء اللى تحت البطارية فى الحوض و الاجزاء المجاورة ليها اتاكلت خالص و البارومة قربت تاكلها بسبب الاحماض من البطارية الزفت السايلة اللى جت مع العربية , و لا انا عارف اسيبها و لا عارف ارشها علشان ما ارشش دواخل , بعد التغيير للبطارية الجافة انتهت المشكلة دى تماما.
لكن ظهرت مشكلة البطارية اللى بتموت فجأة و بتكمل سنة بالعافية.

جبت قبل كدة بطارية AC delco و ماتت بعد سنة و نصف فقط... البطاريات دى زبالة

البطارية اللى قبلها كانت ماركة Delkor صناعة كورى و عاشت 3 سنين و نص

MMamdouh

واضح ان البطاريات AC DELCO الموجودة بالسوق حاليا فيها مشكلة ( مضروبة )
لان لى تجربة مع بطارية جافة Ac Delco كانت جاية مع عربية دايو اسبيرو كورى و قعدت 4 سنوات بدون اى مشاكل
وبعدها جبت بطارية فارتا جافة برضه و قعدت معايا 3 سنين بدون مشاكل و بعت العربية بيها

أنا معايا فارتا جافة 70 أمبير .. وأخويا معاه برضه نفس البطارية بس موديل تاني .. وأخي الآخر معاه برضه فارتا جافة بس 55 امبير

بقالها معانا حوالي تلات سنوات وشوية ... بصراحة هية عندي بتودع خلاص بس شغالة برضه وعموما أنا بسيبها بالشهر وأكتر مابشغلش العربية خالص ولما بشغلها بيبقى فيها شوية نفس لسة بس برضه بتبقى عايزة وصلة ولما بشغلها يوم واحد بس ترجع كويسة تاني بس بصراحة هية خلاص قربت تقولى كفاية حرام

وعموما هية شغالة مع أخويا كويسة جدا لأنه مش بيسيب العربية خالص من غير شغل هوة ماشي بيها على طول بس برضه عمرها إبتدى يخلص لكن شغالة بتقاوح أهه

وأعتقد إنها ماركة كويسة .. ونفسي أجرب المايل ستون الأمريكي سمعت إنها كويسة جدا

اقتباس:

---

المشاركة الأصلية كتبت بواسطة mr_kenawy

هو مش احنا بنجيب البطارية الجافة علشان مش عايزة صيانة , و لو انا غلطان ياترى ايه هى الصيانة المطلوبة كل شهر؟

---

يا جماعة محدش ليه رد على السؤال ده , و هل ياترى الاقطاب لازم يكون عليها شحم فيه ناس بتحطه و ناس بتقول انه بيلم تراب و بيعمل عازل , و فيه ناس بتستبدله بزيت , و ناس ما بتحطش حاجة خالص , ايه رأيكم؟

اقتباس:

---

المشاركة الأصلية كتبت بواسطة mr_kenawy

يا جماعة محدش ليه رد على السؤال ده , و هل ياترى الاقطاب لازم يكون عليها شحم فيه ناس بتحطه و ناس بتقول انه بيلم تراب و بيعمل عازل , و فيه ناس بتستبدله بزيت , و ناس ما بتحطش حاجة خالص , ايه رأيكم؟

---

مابيتعملهاش صيانه بس كل المطلوب منك ان كل مده تكشف علي شحن الدينامو وعلي شحن البطاريه وده مابياخدش دقيقتين علي بعض وطبعا لازم يكون عند حد بتاع بطاريات
وبالنسبه للشحم فا ممكن تحط شويه صغيرين جدا بعد ماتركب الأقطاب في مكانها بس عموما انا مش بحط حاجه وعمرها ما ملحت ابدا

عموما ac DELCO يعنى منصور شيفولية

نفس الموضوع حصل معايا فى بطارية نسر فارتا تاريخ الشراء 10/12/2007 و النهاردة الصبح لا حياة لمن تنادى فى البطارية ، فى الوقت اللى كنت من كام يوم قولت ابص على مياة البطارية لقيتها نقصة رحت شارى مياة مقطرة و قمت بملىء البطارية و اليوم ماتت تماما
و اضطريت اعمل وصلة علشان امشى بالعربية من بطارية سيارة تانية

و ايضا السنة الماضية قبل شراء البطارية الحالية حصل معايا نفس الموقف فى بطارية كلورايد مكملتش سنة و نصف و اللى البطارية الى قبلها كانت كلورايد بتاعة كانت فى العربية من المصنع و قعدت برضه نفس المدة ، مع العلم ان كنت دائم على الكشف على البطارية بس للاسف البطارية بتموت اول ما اطنش كشف على البطارية و اضطر شراء واحدة جديدة

اقتباس:

---

المشاركة الأصلية كتبت بواسطة semsem67

أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين.
ثانيا : البطارية دي إنتاج سعودي .إزاي يا راجل تشتريها والسعودية تقوم بجلد المصريين 1500 جلدة في الشارع .إزاي جاء لك قلب تشتريها أصلا؟؟

---

ِAc delco battaries....have built- in hydrometer in one cell to mesure specific gravity.........وهو فعلا زى ما حضرتك بتقول هى بطارية عادية ولكن ممنوع الاقتراب أو التصوير من قبل مالكها......علشان يمنعوة من متابعة مستوى المياة المقطرة نتيجة البخر وزيادة الشحن فى بعض الأحيان وبالتالى هو فعلا ضحك على الناس واستنزافهم.......