الموضوع: تظبيط شيفروليه لانوس

السلام عليكم ورحمة الله وبركاته
اخوانى الاعزاء بعد التحيه .. مش عاوز اطول عليكم هخش فى الموضوع .. اكيد الموضوع اتكرر قبل كده بس انا جديد ومش متابع وارجوا الافاده
انا عربيتى شيفروليه لانوس 2014 فول اوبشنز .. وبصراحه نفسى اظبطها وأروقها واعمل فيها شوية حاجات كده لزوم الدلع وعندى كام سؤال لاهل الخبره
السؤال ده ملوش علاقه بالموضوع بس مش حابب اكتبله موضوع مستقل .. مؤشر الار بى ام عندى عالى وانا ممور العربيه وبينزل لما ادوس بنزين .. نضفنا حساس وبوابه وعملنا كل حاجه فى الحته دى .. رحت للزرانى ركبلى كارته من عنده مشينا شويا تمام .. ركبت الكارته بتاعتى ومشينا شويا وبرضه تمام اسبوعين ورجعت تانى .. أفيدونى ؟
الموضوع التانى بقى :-
ايه احسن كاوتش لانى هغير الاربع فرد .. انا جربت البريدجستون وزى الفل .. بس هل فيه حاجه احسن وتمشى مع اللانوس ؟
نيجى بقى للناس المخضرمه فى دلع العربيات
عاوز اركب شاشتين مخدع فى ضهر الكراسى
وعاوز اركب شاشه قدام عندى فيها جى بى اس ونظام تاتش وتليفون وبلوتوث والحاجات دى
عاوز نوع سماعات محترم يخللى الصوت تمام
فيما يخص الاضاءه بقى سواء للفوانيس ولا نور الصالون .. اعمل ايه
ولو فيه نصايح تانيه متبخلوش عليا بيها
للعلم .. العربيه هتعمل شغل سمكره قريب .. والحاجات دى هعملها بعد كده فهل فيه مشكله
معلش طولت عليكم .. مستنى الردود يا اهل الخبره واحلى رجاله

حد يرد عليا يا أهل الخير