هو مين اللى بيهزر معايا بقي ؟!!!

حصل معايا موقف غــــريب جدا من نوعه ..
موقف مبيحصلش غير الافلام بس ..:11:
هو حصل من فترة بس لسه فاكره دلوقتى .....
كنت قاعد لوحدى فى البيت طول النهار وقاعد على الكمبيوتر فى حالى ومرة واحدة جرس الباب رن (ترن ترن ترن) .طبعا رحت فاتح ..
ابص الاقى واحد بتاعDelVery من CookDoor قدامى ..
رحت مزعق فى وشه ..وقلت له مش كل شوية واحد يخبط علينا ويسالنا على شقة ... ايه القرف ده !!
اتفاجت بيه بيقولى هاهاهاها دمك خفيف يا فندم الOrder اهه اتفضل ..
قلت له انت عايز مين يا عم ..
قالى مش دى شقة 4 منزل الاستاذ مصطفى !!!
سكت شوية وقلت له اه انا (الاستاذ مصطفى:biggrin:) انت عايز مين ..!
قالى يا فندم ال order اللى طلبته اهه اتفضل ..
قلت له يا عم انا مطلبتش حاجة انت بتسعبط ؟
قالى عيب يا فندم كده انت عمال تهرج وانا ورايا شغل ..
رحت متنرفز عليه وقلت له انت مين اللى باعتك .. لدرجه انى شكيت انه من الكاميرا المخفية :biggrin:
قالى ال Order ب 120 جنيه اتفضل ..
المهم علينا صوتنا وواحد صاحبي كان نازل وسمع ووقف وسمع الحوار ووالواد مصر على انى اللى طلبت ال Order فقلت له يابنى لو الحساب معقول كنت اديتك لو حرام ادفع 120 جنيه وارمى الاكل فى الاخر ...انت بتتكلم ازاى ...
من هنا لهنا جت لى فكرة .. رحت واخد الرقم بتاع المدير بتاعه ومكلمه ..
الو سلام عليكم ..
وعليكم السلام ...لو سمحت انتوا باعتين رجل بتاع دليفرى وجايب لى اكل ب 120 جنيه وبيقول انى انا اتصلت بيكم لو سمحت اتاكد كده ..شوية وراح قايل لى اسمى الثلاثى صح ورقم تليفون البيت كمان صح :11: استغربت قوى ومبقتش عارف اقول ايه !!!وصاحبي مبقاش مصدقنى ..:O_stupid[1]:
فقلت للواد بص يا عم انا مطلبتش حاجة واتفضل مع السلامة وقفلت الباب وببص من العين السحرية لاقيته بيخبط وشكله كمان بيتكلم بجد وغلبان مش قليل الادب يعنى ...
وكان ماشي فعلا وقال بصوت عالى كده وهو ماشي حرام عليك يا شيخ انا اللى هشيل الليلة كده وقعد يقول كلام قطع قلبي صراحة ..
وبينى وبينكم انا كنت جعان جدا...
فعملت ايه ؟؟؟
اتصلت باتنين صحابي وقلت لهم انا عازمكم النهارده على الغداء ولازم تيجوا والاكل فى الطريق ويلا سلام ..ورحت واخد من الواد الاكل وكنت مقهور جداا
بس اللى هون عليا بقي ان صحابي كانوا تحت البيت فجم بسرعة واقتنعوا فعلا انى عازمهم على الغداء وكنت خايف لميجوش ...
ولحد دلوقتى معرفش مين اللى عمل الحركة دى فيا !!!:11:

ههههههههههههههههههههههههه
انا الى عملتها فيك
تصدق فكرة حلوة بكرة ان شاء هتتجرب معاة واحد صحبى فى بتاع البيتزا الى جانبا
بس مش هينفع اوديلو اوردر ب 120 عشان هو اخرو 50 جينة عشان لو اكتر من كدة عمرو ماهياخد الاوردر حتى لو الواد عملو قرد وباس ايدو ( بس احب احيك على احساسك براجل الدلفرى بجد انتا راجل محترم جدا جدا جدا على فاكرة ربنا هجزيك على الى انتا عملتو دة )
انتا راجل محترم

مش المفروض ان بيبقى عندهم نمرة المتصل
شوف الاتصال كان من نمرة كام

اقتباس:

---

( بس احب احيك على احساسك براجل الدلفرى بجد انتا راجل محترم جدا جدا جدا على فاكرة ربنا هجزيك على الى انتا عملتو دة )
انتا راجل محترم

---

وجدع كمان

المره الجايه كلمنى واشارك معاك انا اصلى بحب اكل كوك دور

اللي عمل فيك كده أكيد مستفيد من الجريمة

يبقوا اصحابك ههههههههههه

بس المفروض يا تريبل المطاعم بيسجلوا رقم المتصل
ولو انت زبون مستديم عندهم بيسجلوا عنوانكم كمان مجرد ما بتتصل بيعرفوا العنوان
الموضوع غريب
كمان فرضا انا اتصلت ورفضت استلم الاوردر بتاع الدليفري يتحمل التكاليف ليه
هو ذنبه ايه
هو مجرد بيوصل الطلبات
ابسط شيء يقول محدش موجود في العنوان
بس عموما انت جدع وربنا هايوقفلك ديما ناس جدعه تقف جنبك وقت الشدة

اقتباس:

---

المشاركة الأصلية كتبت بواسطة ehab08

وجدع كمان

المره الجايه كلمنى واشارك معاك انا اصلى بحب اكل كوك دور

---

يا باشا تنور فى فى وقت ..

اقتباس:

---

المشاركة الأصلية كتبت بواسطة Ahmed Samy

اللي عمل فيك كده أكيد مستفيد من الجريمة

يبقوا اصحابك ههههههههههه

---

اول ناس شكيت فيهم طبعا :biggrin:

اقتباس:

---

المشاركة الأصلية كتبت بواسطة نور القمر

بس المفروض يا تريبل المطاعم بيسجلوا رقم المتصل
ولو انت زبون مستديم عندهم بيسجلوا عنوانكم كمان مجرد ما بتتصل بيعرفوا العنوان
الموضوع غريب
كمان فرضا انا اتصلت ورفضت استلم الاوردر بتاع الدليفري يتحمل التكاليف ليه
هو ذنبه ايه
هو مجرد بيوصل الطلبات
ابسط شيء يقول محدش موجود في العنوان
بس عموما انت جدع وربنا هايوقفلك ديما ناس جدعه تقف جنبك وقت الشدة

---

انا معاكى تماما ... كلامك صح ..
بس المصيبة ان لما كلمت الManager بتاع المحل قالى اسمي الثلاثى صح وتليفون البيت وقالى لو تحب تتأكد يا فندم تفضل شوف ال Order على الكمبيوتر ..
وعلى فكرة انا ساكن فى الشارع اللى جمب كووك دور على طول وده اللى خلانى اثق فى كلامه...
والولد بتاع الدليفرى لما قلت له مليش دعوة قالى المدير بتاعنا مفترى و بيعاملنا على اننا بنكسل نروح المشوار ومش هيصدق وكلام كتير كده ..

اقتباس:

---

المشاركة الأصلية كتبت بواسطة HusseinRamdan

ههههههههههههههههههههههههه
انا الى عملتها فيك
تصدق فكرة حلوة بكرة ان شاء هتتجرب معاة واحد صحبى فى بتاع البيتزا الى جانبا
بس مش هينفع اوديلو اوردر ب 120 عشان هو اخرو 50 جينة عشان لو اكتر من كدة عمرو ماهياخد الاوردر حتى لو الواد عملو قرد وباس ايدو ( بس احب احيك على احساسك براجل الدلفرى بجد انتا راجل محترم جدا جدا جدا على فاكرة ربنا هجزيك على الى انتا عملتو دة )
انتا راجل محترم

---

ربنا يخليك ... ده من زوقك واللله ..