الموضوع: انا شايفها احلي بلد في الدنيا..بس سيبوني في حالي.

أخي الكريم ..
أسعد الله مسائك ,,,

لك حق و ألف حق و مصر فعلا اجمل بلد في الدنيا كفاية دفئها و طيبة شعبها وامنها وتقدمها في مجالات عديدة مقارنة بدول اخري , و يمكن اللي يسافروا بره يعرفوا معني الكلام ده

مش كل حاجة كئيبة و الدنيا مش سودة و الدليل موضوع "الشارع المضئ" اللي كنت عامله منذ فترة فيه مواضيع كتير بتتكلم عن ايجابيات الشارع المصري رغم ما به من سلبيات و عيوب

صحيح الكوب فاضي بس مش فاضي أوي فيه نص مليان لازم نشوفه
صدقني مصر بلدنا فعلا أم الدنيا رغم كل حاجة و ده بشهادة الناس اللي بره

مع خالص تحياتي
م/ سمير الشهاوي

عارف أكتر حاجة تضايق اما تبقي مخلي بالك أوي و ملتزم عشان تدافع عن حقك بقلب جامد و في المقابل كل يوم تقابل طوفان من الهمجية و البلطجة و قلة الأدب .. ثم في أخر اليوم حد يقولك العيب فيك صلح نفسك أكيد فيه حاجة جواك !

طبعاَ انا لا أقصدك أو أقصد حاجة شخصية .. بس انا كنت زيك لحد ما حصلي كام موقف ورا بعض كرهوني في البلد و ما فيها .. ممكن يبقي موقف شخصي و لكني كنت بحبها ثم بقيت علي الحياد معاها فترة من الوقت ثم بقيت أكرها و أمقتها بعد كدة .

كمان فيه كذا مصر .. يعني فيه واحد مصر بتاعته كليته و صحابه في الشارع و النادي .. واحد مصر بتاعته شغله و مكان سكنه و المشوار اللي بينهم .. واحد مصر عنده الحكومة .. واحد مصر عنده الناس .. واحد مصر عنده موقف حصله مع ضابط شرطة .. سواق الميكروباص مصر عنده الزباين و أمين الشرطة أو الضابط .. فا مصر اللي إنت شايفها أحلي بلد في الدنيا مش بالضرورة تكون مصر اللي انا بكرهها .. كل واحد شايف البلد بوجهة نظر معينة و من حقه يعبر عنها حتي لو هتضايق اللي هيقراها .. انا مثلاَ بضايق اما ألاقي واحد كاتب البلد زي الفل و الناس عسل لأن بحس إني عايش في بلد تانية يمكن بس هعمل إيه يعني ده رأي و هو محتاج يعبر عنه .. لو هنفكر كدة يبقي بلاش ننشر حوادث في الجرائد و منعملش برنامج في التليفزيون بيقول حاجة غير إن الدنيا حلوة .

اقولك حاجة بسيطة اوي
تعالى كدة عند اشارة حمرا واقف قبل خط المشاه بالعربية متعديهوش
وشوف كمية الكلاكسات والزعيق اللي هيحصل عشان تقف اودام الاشارة على اول التقاطع
؟؟؟؟ وتقولي نتغير

المشاركة الأصلية كتبت بواسطة MoToRiZeR

كمان فيه كذا مصر .. يعني فيه واحد مصر بتاعته كليته و صحابه في الشارع و النادي .. واحد مصر بتاعته شغله و مكان سكنه و المشوار اللي بينهم .. واحد مصر عنده الحكومة .. واحد مصر عنده الناس .. واحد مصر عنده موقف حصله مع ضابط شرطة .. سواق الميكروباص مصر عنده الزباين و أمين الشرطة أو الضابط .. فا مصر اللي إنت شايفها أحلي بلد في الدنيا مش بالضرورة تكون مصر اللي انا بكرهها .. كل واحد شايف البلد بوجهة نظر معينة و من حقه يعبر عنها حتي لو هتضايق اللي هيقراها .. انا مثلاَ بضايق اما ألاقي واحد كاتب البلد زي الفل و الناس عسل لأن بحس إني عايش في بلد تانية يمكن بس هعمل إيه يعني ده رأي و هو محتاج يعبر عنه .. لو هنفكر كدة يبقي بلاش ننشر حوادث في الجرائد و منعملش برنامج في التليفزيون بيقول حاجة غير إن الدنيا حلوة .

+ 100000000

كلام مظبوط تماما

على فكرة يا جماعه ... مفيش بلد في الدنيا مهما كانت وحشة فيها نبرة التشاؤم اللي عندنا في مصر ... احنا علينا حرب اعلامية واحنا مش حاسين صدقوني

كل يوم بنتشحن كره للبلد ... والله يا اخوانا انا متأكد ان فيه بلاد فيها سلبيات اكتر من كده لكن احنا فيه حد بيحاربنا وبيزرع جوانا الكراهية للبلد دي ... الفرق انهم بيحبو بلدهم وبيحاولو يغيروا المساوئ اللي فيها او على الاقل بيضحكو على نفسهم انهم احسن ناس ... انما احنا خلاااااص شوية و ( هنتبرا ) من البلد ونتكسف نقول كلمة ( انا مصري )

لا لا فيه حاجه مش طبيعية بجد ... مستحيل ده يبقى التطور الطبيعي للشعب المصري ... فيه أيادي خفية

المشاركة الأصلية كتبت بواسطة Ahmed Samy

اسمحلي اضايقك شوية

أنا خلال محاولاتي في الاندماج جربت حاجتين ..

اكون وحش و اخد حقي بدراعي و الواسطة و الفلوس (ونفع) بس حسيت اني حيوان و ماقدرتش اكمل يوم واحد ..

فلجأت لفكرتك ..انتبه اني ماغلطش و ماتجاوزش و امشي صح في كل حاجة مهما كان ...و النتيجة

شعور مرييييير بالعجز و الغربة

و كل ما أكون ملتزم و محترم على قد ما بتلاقي احساس جميل جواك ومن بعض الناس المحترمين الذين يقدرون النظام و الحقوق

على قد ما بتلاقس اطنان من المعاناة تزيد كلما زاد التزامك

انا اسف اللي حضرتك بتقوله ده (ضرب من الوهم)

ممكن حضرتك تخليك كده ربنا معاك و يقويك طبعا دي حاجة كويسة

بس البلد مش هاتتصلح

و الناس مش هاتبقى مؤدبة و محترمة

في اضعاف اضعاف من يتبنون نظرية (اصلح نفسك) يتبنون نظرية (افسد الناس)

عَنْ ابْنِ عَبَّاسٍ قَالَ :

كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ :

((يَا غلام إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ

وَاعْلَمْ أَنَّ الاُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلا بِشَيْءٍ قَدْ كَتَبَهُ اللَّهُ لَكَ

وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلا بِشَيْءٍ قَدْ كَتَبَهُ اللَّهُ عَلَيْكَ

رُفِعَتْ الاَقْلامُ وَجَفَّتْ الصُّحُفُ)) .

من يستشعر بالفعل معنى الحديث الشريف يحس براحة نفسية عظيمة

اللهم صلي على محمد وعلى آل محمد

حبيت أكلم و أقول رأيى فى الموضوع ده

أيوة مصر فيها عيوب و فيها و فيها بس مش معنى كدة انى اكرهها و مش معنى كدة انى أقول مفيهاش حاجة حلوة

لأ و الله و بقولها بصوت عالى(بحبك يا مصر) ، يا جماعة لو مصر مفيهاش حاجة حلوة خالص ماكناش نطيق نعيش فيها ، أيوة فيها عيوب بس لو اتغربنا عنها بنشتقلها ، بنشتاق لناسها و طيبتهم ، بنشتاق لنيلها و جوها ، بنشتاق لمصر لأنها فعلاً بلدنا و بنحبها.

ممكن نكون بنضايق من اللى بيحصلنا و ان احنا حاسين ان احنا مظلومين فى ظل حكم ديموقراطى(كما يزعمون) بس مصر مش الحكومة ، مصر قامت بناسها و أهلها ، ياما الشعب المصرى قوم حكومات و سقط حكومات ، ياما كان لينا دور و رأى ، هتقولوا احنا دلوقتى منقدرش نتكلم ، الشعب المصرى مامتش و لا عمره هيموت لأنه هو اللى مخلى لمصر حلاوتها و جمالها، تقدروا تقولولى فيه أى شعب بيضحك على همومه زينا ده احنا مفيش حاجة فى حياتنا الا و عملنا عليها نكتة .

أنا مش بأقول الكلام ده و أقولكم انى عايشة فى كوكب تانى و مش حاسة بالناس ، ده أنا واحدة من الناس بس بالرغم من كل ده ( بحبك يا مصر) و هأفضل أحبك علطول.

الأخت الكريمة : مسلمة ...

أسعد الله مسائك و مساء كل أحبائنا الكرام أعضاء نايل موتورز المحترمين و بعد ...

اتفق مع كل كلمة قولتيها قلبا و قالبا , فلا يعرف قيمة مصر و لا حلوها ألا من جرب الغربة و أكتوي بنارها

نار مصر و لا جنة بلاد بره

- يكفي ان تشعر بالامن و الامان و أنت تسير في الشارع ليلا وحدك دونما خوف من اختطاف أو قطاع طرق يسلبون مالك أو حياتك

- يكفي أن تجد يد العون ممدودة اليك وقت الشدة ممن تعرفهم و من لا تعرفهم

- يكفي ان تجد نفسك وسط أهلك و ناسك و أحبائك لتشعر بالطمأنينة و الحنان

- يكفي ان تشعر بدفء المشاعر قبل دفء الطقس و الشمس المشرقة دائما

بالرغم من كل شئ ألا اني وجدت بارقة أمل و أن مصر هي احلي أسم في الوجود