الموضوع: انا شايفها احلي بلد في الدنيا..بس سيبوني في حالي.

لا .. لا مجيب

اصلح نفسك ينصلح الناس حولك

كلمه فى الجون ربنا يبارك لك يا أبو ياسين

احب اقولك بس كلمتين و خدهم مني و ارمي في البحر ..
كل اللي مش عاجبه حاله و يقولك انا اتنصب عليا و اتضحك عليا و مش عارف ايه ده .. عايش و واخد وضعه في البلد و عايش احسن من ناس كتيره تانيه فعلاُ مش لاقيه .. انما البني ادم بطبيعته جشع و عاوز اكتر .. فلما بيقع في حفره مابيبقاش عاجبه حاله .. انما واقع الامر ان هوه اللي سمح لنفسه انه يقع في الحفره .. علي راي المثل : حرص ولا تخونش ... و خليك كويس و ربنا يكرمك باللي احسن منك كمان .. انما الطمع و الجشع و الماده هيا الدافع الاول للانسان المصري ,.. و ده اللي أدي الي الحاله اللي بيشهدها الشارع المصري في عصرنا هذا ... و ده الفرق بين مصر النهارده و مصر من 20 سنه فاتت ..

عندك حق يا دكتور ان لازم كل واحد يصلح من نفسه الاول

وان مصر والمصريين لسه فيهم خير ده اكيد

بس برضو مايمنعش ان كل واحد صادفته مشكلة او موقف وحش انه ييجي يفضفض على المنتدى وياخد اراء غيره

لكن الوحش فعلا هي نبرة التشاؤم والجزع اللي ملوا كل واحد فينا في مصر وبقى يستسهل انه يشتم في البلد وحالها بدل انه يحاول يصلحها

بس برضو بيني وبينك مصر فيها سلبيات كتير مايحسهاش غير اللي عاش بره ... بس برضو فيها ايجابيات مش موجوده غير فيها

وربنا يصلح الحال

اسمحلي اضايقك شوية

أنا خلال محاولاتي في الاندماج جربت حاجتين ..

اكون وحش و اخد حقي بدراعي و الواسطة و الفلوس (ونفع) بس حسيت اني حيوان و ماقدرتش اكمل يوم واحد ..

فلجأت لفكرتك ..انتبه اني ماغلطش و ماتجاوزش و امشي صح في كل حاجة مهما كان ...و النتيجة

شعور مرييييير بالعجز و الغربة

و كل ما أكون ملتزم و محترم على قد ما بتلاقي احساس جميل جواك ومن بعض الناس المحترمين الذين يقدرون النظام و الحقوق

على قد ما بتلاقس اطنان من المعاناة تزيد كلما زاد التزامك

انا اسف اللي حضرتك بتقوله ده (ضرب من الوهم)

ممكن حضرتك تخليك كده ربنا معاك و يقويك طبعا دي حاجة كويسة

بس البلد مش هاتتصلح

و الناس مش هاتبقى مؤدبة و محترمة

في اضعاف اضعاف من يتبنون نظرية (اصلح نفسك) يتبنون نظرية (افسد الناس)

المشاركة الأصلية كتبت بواسطة Ahmed Samy

اسمحلي اضايقك شوية

أنا خلال محاولاتي في الاندماج جربت حاجتين ..

اكون وحش و اخد حقي بدراعي و الواسطة و الفلوس (ونفع) بس حسيت اني حيوان و ماقدرتش اكمل يوم واحد ..

فلجأت لفكرتك ..انتبه اني ماغلطش و ماتجاوزش و امشي صح في كل حاجة مهما كان ...و النتيجة

شعور مرييييير بالعجز و الغربة

و كل ما أكون ملتزم و محترم على قد ما بتلاقي احساس جميل جواك ومن بعض الناس المحترمين الذين يقدرون النظام و الحقوق

على قد ما بتلاقس اطنان من المعاناة تزيد كلما زاد التزامك

انا اسف اللي حضرتك بتقوله ده (ضرب من الوهم)

ممكن حضرتك تخليك كده ربنا معاك و يقويك طبعا دي حاجة كويسة

بس البلد مش هاتتصلح

و الناس مش هاتبقى مؤدبة و محترمة

في اضعاف اضعاف من يتبنون نظرية (اصلح نفسك) يتبنون نظرية (افسد الناس)

والله كلامك واقعي جدا وللأسف الواحد كل ما يشوف الهمجية في التعامل مع محاولته للتعامل الراقي بيحس بعجز شديد وبغربة وان مفيش حد واقف معاه وانه ماشي عكس التيار .. ولو اتبعت الأسلوب البديل يبقى انتا كده ربنا هيحاسبك لأنك عارف الغلط وبتعمله عمدا .. ربنا يصبرنا