طلب للفيرنا 1600 اتوماتيك

**AHMEDCAR** · 22-12-2008 10:42 AM

اولا هى عربية خفيفة على الطريق عشان كده بنشوف حوادث كتير للفيرنا

العربيه خفيفه فعلا العربيه خفيفه و حل المشكله دى بالجنوط و بتبقى تمام و لاثبات النظريه دى هتلاقى ان الفيرنا الاوتوماتيك محدش بيشتكى من الثبات بتعها خالص

بالنسبه للحوادث نقدر نقول ان العربيه دى فى فئه شسعريه جيده جدا و بتلبى طلبات شريحه كبيره جدا جدا من المجتمع و معظم اللى راكبنها شباب شوف انت بقى لما شاب يركب عربيه عليها الموتور الجبار ده هايعمل ايه ده لو راكب طياره هايعمل بيها حوادث اكيد (اعذنا الله )

ثانيا ان عفشة العربية مش كويسة

انت كده جيت بالظبط زى المثل اللى بيقول مالقوش فى الورد عيب قالو احمر الخديين
ياراجل ده عفشه الفيرنا من احسن العفشات اللى موجوده فى السوق حاليا ممتازه جدا جدا و عن تجربه من الزميل احمد انور لمسافه 30 الف كيلو فى منطقه تعتبر كلها مدقات و مستنقعات العربيه حتى الان لم تشتكى من اى شيى
و على فكره فى مهندسين كتير شكرولى فى عفشه العربيه دى و مش من توكيل هيونداى على فكره

ثالثا ان الصاج مش معالج كويس يعنى سهل اوى البرومة فيه

بصراحه انا لسه ماشوفتش اثار بارومه عندى لحد دلوقتى و على اى عربيه من عربيات زملائى بما فيهم موديل 2004 يعنى موديل قديم

رابعا العربية مع اقل خبطة بتتأثر جامد

كل العربيات الان بتتاثر من اى خبطه بس ممكن نقول ان الفيرنا صاجها ضعيف

خامسا فى شكوى كتير من اصحاب الفيرنا من التقفيل يعنى مثلا سمعت من احد الاعضاء ان مياه التبريد دخلت عليه

بتبقى عيوب فرديه زى معظم العربيات يعنى مثلا عربيه اخويا اوكتافيا 2007 مكنه الزجاب باظت 3 مرات يبقى كده العربيه وحشه و فى ماركات كتير تانيه بتعمل التشيك الاخير فى الصيانه الاولى

**AHMEDCAR** · 22-12-2008 10:53 AM

نسيت اقول حاجه كمان ان الاوكتافيا السربنتينه بتاعتها باظبت بعد اقل من 6 شهور استخدام

**d3vo** · 22-12-2008 04:00 PM

يا جماعة عشان خطرى الى يقولعلى الفيرنا انها عربية معفنة وزباله ووحشة ..الخ ياريت يكون هوه الى جرب سواقتها و ميكونش سمع من ناس تانية الكلام ده وبيردده وخلاص
كل مشكله الفيرنا انها الصاج مش قوى بلغة السواقين (مش عضمة)يعنى عاوزة واحد بيعرف يسوق ويحافظ عليها
ثانيا العربية منخفظة نسبيا الى مستوى الارض فا بلاش تركب فيها زياده عن عدد ركبها عشان (سوسته الجكمان والعفشة )
اما بلنسبةللاوتوماتيك فا ابعد عن اى اوتوماتيك فى الكورى بمعنى اصح متركبش عربية اوتومتيك غير المانى ويابانى

**ahmedsiyam** · 23-12-2008 02:55 PM

السلام عليكم

بالنسبة للاخ صاحب الموضوع

انا هارشحلك النيو اكسنت
موتور طلقة و تحفة ومالهوش حل بجد
الاستجابة فى المناورة او الفرملة او سحب العربية ممتازة
الثبات جميل جدا جدا
العربية كورى و جميله و سعرها مقبول جدا

بالنسبة للفيرنا انا سوقتها كتير الـ 1600 الاوتو مو2004 و عربية خطيرة فعلا و حلوة اوى
صاحبها مطلع عينها و لا اشتكت منه و هو بيعامل العربية معاملة قاسية جدا جدا
ثباتها انا شايف انه عادى موش حلو و لا فى نفس الوقت وحش بالذات على السرعات العالية

العربية البريليانس شكلها حلو و كمالياتها كويسة و صاجها ثقيل و محترم بس انا موش هاقدر افيدك فيها لانى ماجربتهاش بس معلش العربية دى بـ 75000 ده العادية منها و النيو اكسنت الكاملة 1600 بـ 79000 معلش انا اجيب الهيونداى فورا و بدون تردد دى وجهة نظرى و موش باعيب فى البريليانس

**ADELHASANALSHAAIRYN6** · 03-01-2009 08:45 PM

اسمحوا لى يا اخوانى اقول رأى المتواضع : أنا سألت وبحثت بشكل مكثف أدى الى أنى أشتريت فيرنا 2009- 1600 كاملة مانيوال - موتور جبار - نظام تعليق وعفشة متفوق - صالون مريح للغاية لاتشعر بارهاق جسمانى أو ضوضاء حركة السيارة - شكل أنسيابى أنيق - قطع غيار على أد الايد - أنتشار غير مسبوق ولا 128 - نفس شاسية اللانسر ( منتهى القوة والمتانة ) - سعر اعادة بيع لا تنافسه سيارة فى مصر .... السؤال : عايزين أيه تانى يا جماعة

**EslaM_NagY** · 06-01-2009 06:15 PM

المشاركة الأصلية كتبت بواسطة adelhasanalshaairyn6

اسمحوا لى يا اخوانى اقول رأى المتواضع : أنا سألت وبحثت بشكل مكثف أدى الى أنى أشتريت فيرنا 2009- 1600 كاملة مانيوال - موتور جبار - نظام تعليق وعفشة متفوق - صالون مريح للغاية لاتشعر بارهاق جسمانى أو ضوضاء حركة السيارة - شكل أنسيابى أنيق - قطع غيار على أد الايد - أنتشار غير مسبوق ولا 128 - نفس شاسية اللانسر ( منتهى القوة والمتانة ) - سعر اعادة بيع لا تنافسه سيارة فى مصر .... السؤال : عايزين أيه تانى يا جماعة

ربنا يباركلك فيها
ويديك خيرها ويكفيك شرها ان شاء الله