عرض للطباعة
اوبترا مانول 2011 90الف ك روحت لمكنيكي عشان اغير زيت الفتيس سالني الفتيس مانول ولا اوتو رديت علية الفتيس مانول ... المكنيكي رد عليا وقلي (اوعة تغيرة زيت الفتيس المانول بيتزود بس وانا باركب العربية ندة عليا يا استاذ اوعة تغيرة ) المهم انا مش مقتنع وخايف لاغيرة يحصل حاجة او مغيروش بردو يحصل حاجة ؟؟؟؟؟ وكل الي بعملة بشيك علية وازود لو محتاج بس بردة مش مقتنع ان فيه زيت مبيتغيرش ؟؟؟؟ رايكم في الموضوع وشكرا..
الزيت طبعا بيتغير...
بس الأهم من ده إنك تجيب الزيت الصح بنفس المواصفات المكتوبة في كتالوج العربية... لإن أي تغيير عن الزيت بتاعها هيتسبب في مشاكل كبيرة ممكن توصل إلى تغيير الفتيس بالكامل...
نزل كتالوج عربيتك من هنا...
http://drive.google.com/file/d/1-4e6...w?usp=drivesdk
ده كتالوج الأوبترا/لاسيتي اللي كانت بتتباع في أوروبا.. والمواتير هي نفسها اللي نزلت مصر...
بس للأسف مش مكتوب فيه جدول الصيانة.. إنما واضح فيه إن الزيت الصح لزوجته 75W-90
الرابط اللي جاي ده كتالوج الأوبترا في السوق الأمريكي وفيه جدول صيانة... وما أنصحش تلجأ له إلا في جدول الصيانة فقط...
https://drive.google.com/file/d/1J4B...w?usp=drivesdk
بس للأسف بردو.. مش باين فيه معاد لتغيير زيت الفتيس...
عموما وحسب جداول صيانة من عربيات تانية.. زيت الفتيس المانيوال بيتغير على ٨٠-١٢٠ ألف كيلومتر.
أتمنى أكون فدتك..
شكرا يا باشا علي مجهودك في الرد ... وطبعا الموضوع مهم وخصوصا بالنسبة للمستجيد في العربيات ذي حلاتي ... وشكرا علي الكتلوج بس لسة مشفتوش .... رايك ايه في زيت mobil 80w-90 عالي الاداء ؟ شغال ؟
ناس كتير بتشكر في شل