السلام عليكم ورحمة الله وبركاته

انا لفيت كتير على حد قريب بينضف الرشاشات الترا سونيك لحد اما عرفت ان فيه واحد فى المعادى بيعملها


اولا امتى نبداء نفكر ننضف الرشاشات

1- تاخير دوارة السيارة على البارد او السخن
2- ضعف اداء المحرك
3- زيادة معدل استهلاك الوقود
4- عدم احتراق الوقود كليا
5- ضعف الاستجابة لدواسة البنزين عند الضعط عليها
6- رجرجة السيارة عند الدوارة او عند الطلوع من السكون


تعالوا ناخد جولة سريعة لمعرفة يعنى اية رشاش وازاى بيشتغل واية اللى بيحصل فية مع الشغل او نوعية البنزين الوحشة

images.jpgحاقن-الوقود-Optimized.jpg

ودى صورة المصفاه او الفلتر اللى فى اول الرشاش .. المصفاه دى وظيفتها تنظيف البنزين قبل ما يدخل الرشاش.. مع البنزين الى فيه شوائب كثيرة المصفاه دى بتتسد وممكن تؤدى الى تلف الرشاش بالكامل طبعا الملف اللى موجود فى الرشاش وظيفتة فتح الصمام لدخول البنزين المدفوع تحت ضغط طرمبة البنزين وينزل من اخر الرشاش على هيئة رزاز

اواريكوا دلوقتى صورة الرشاش قبل التنضيف




BBW8fqt.jpg


خطوات تنظيف الرشاش على 3 مراحل

المرحلة الاولى هى تجربة وقياس الرشاش حيث يتم ضخ سائل التنظيف وهو عبارة عن سائل يشبه ال wd-40 ويتم روئية اتجاه الرش وكميته ويتم ذلك على محاكاة وضع السيارة بمختلف عدد لفات الموتور عن طريق الجهاز لمعرفة عيب الرشاشات
download.jpg

ثم بعد ذلك تفصل الرشاشات من على الجهاز لتوضع فى حوض ال اللالترا سونيك وهوه عبارة عن الحوض الموجود فى الصورة التالية ووظيفته تنظيف الرشاشات من الشوائب الموجودة داخلها عن طريق موجات اللاتراسونيك مع وجود سائل فى هذا الحوض يحتوى على مادة كاوية
2018-636721995040329832-32.jpg


ثم بعد ذلك يتم وضع الرشاشات على الجهاز مرة اخرى لاختبار تحسن الرشاشات

كل مرحلة بتاخد حوالى نصف ساعة

بعد كده بيطلع الرشاش نظيف ذى الفل

ودى صور السوائل المستخدمة
images (2).jpg



الفرق بعد التنظيف فى دوران العربية اصبح اسهل بكتير كمان السحب زاد واستجابة العربية زادت.. استهلاك البنزين لسة ملحقتس احسبه بس كده كده مكنتش بشتكى من استهلاك البنزين . الرجة اللى فى العربية راحت وكله بقى تمام

اللى عمالى الرشاشات دى واحد فى المعادى اسمه مهندس \ مدحت دا راجل كان شغال فى توكيل مرسيدس وهوه محترم اوى وفاهم هوه بيعمل ايه و مريح فى التعامل ودى اهم حاجة

ومكانه كالاتى

هتدخل فتحة المعادى 2 وهتطلع الكوبرى اللى بيعديك شريط المترو هتنزل هتاخد تانى شارع شمال هتمشى لحد ميدان سوارس هتلف الميدان وتدخل ناحية شارع 9 بعدين اسال على مكتب صحة المعادى اول ما توصل هناك اتصل بيه هيجيك من عند ورشته بعد دقيقتين وده رقم تليفونه
0109712688

ارجو انى اكون افادتكم من التجربة دى واللى عربيتة تتصلح يدعيلى والسلام عليكم ورحمة الله وبركاتة