السلام عليكم ، انا ساكن جديد في الدور السابع و الأخير و الوضع في العمارة كالآتي: الدور الأول و الثاني ليهم ماتور مياه و ماسورة خاصة بيهم ، الدور الثالث ليهم ماتور و ماسورة ميه خاصة بيهم ، و الاربع أدوار الأخيرة إلي انا منهم لينا ماتور و ماسورة خاصة بينا ، إلي بيحصل إن الميه عندي قليلة جدا أو تكاد منعدمة في كل فترات الذروة، و في غير فترات الذروة إلي فيها مافيش حد من الأدوار إلي مشتركة معايا فاتح الماتور بيبقى ضغط الميه كويس و مرة واحدة الميه تقل جدا كأن حد من الأدوار إلي تحت مشغل الميه و تفضل كده فترة و بعد كده تشد على الرغم من إن الكل قافل الماتور عنده (باقدر اعرف لأن لكل شقة مفتاح لتشغيل الماتور و بيبقى المفتاح مش منور عندي) ،
فاستفساري هو: هل ممكن الأدوار إلي تحت إلي عاملة مواتير و مواسير لوحدها استهلاكهم للميه يؤثر على ضغط الميه عندي على الرغم من ان ليهم ماسورة ميه خاصة بيهم !!
الاستفسار التاني : الماتور الخاص بينا حاليا مش راكب فيه بالونات ولا اوتوماتيك ، هل لو ركبت بالونة و بدون اوتوماتيك هيزود ضغط الميه عندي ، و هل البالونة هتخلي الماتور يفصل ولا هيفضل شغال طول ما مفتاح تشغيل كهرباء الماتور شغال
الاستفسار الثالث : فيه جهاز زي سينسور بيركب في الماتور بيقيس درجة حرارته و لو حد نسي زرار الكهربا بتاعته مفتوح بيفصله لو وصلت درجة حرارته لدرجة معينة ، محتاج اعرف إسم الجهاز