النهارده يا جماعه روحت توكيل رينو فى اسكندريه و لقيت الرينو الجديده سيمبول و سألت عليها
العربيه بصراحه تحفه و شكلها الخارجى جميل اوى
العربيه نازله نوعين مانوال و اوتوماتيك و الأتنين جميع الكماليات
و الكماليات بتاعتها 4 زجاج كهربا و سنتر لوك و باور ستيرنج و تكييف و كاست سى دى و كمبيوتر رحلات و مرايات الجانبيه بتحكم كهربائى و الكماليات دى نازله فى المانوال و الأتوماتيك
العربيه 1400 سى سى 100 حصان و الكاوتش 14
اللى معجبنيش فى العربيه ان مفيهاش مخدع جانبى للسائق و مينفعش تحطلها مخدع و ده لأن الزجاج الكهربا الخلفى الزراير بتاعته مكان المخدع لكن غير كده اعتقد العربيه تحفه خاصه ان سعرها منافس جدا جدا
المانوال 80 الف و الأتوماتيك 90 الف و الأتنين نفس الكماليات
للأسف ملحقتش اصورها عشان كنت مستعجل اوى بس ان شاء الله هروح تانى و اصورها من الداخل و الخارج