مشيت وسير الدينامو مقطوع والان العربية بتسخن منى؟

**michohat** · 20-12-2008 03:12 PM

السلام عليكم ورحمه الله وبركاته
يوم الخميس اللى فات ده كان يوم عالمى بالنسبه لى البدايه البطاريه نايمه فزقيت العربيه لحد ما دارت ومشيت بيها رايح لمحل البطاريات علشان يشوف البطاريه وانا فى السكه عديت على سكه حديد دخل كيس بلاستيك ورا الريديايتر و لف على مروحه وسير الدينامو نزلت لقيت الدينامو شغال وعادى قولت السير هيتقطع الكيس وخلاص بدل ما ابطل العربية وانا على مزلقان قطار و مشيت ع كده وواخد السكه جرى جيت ف نص السكه لقيت سير الديانمو انقطع ومشيت من غير سير مسافة مش اكتر من 10 كيلو ورحت للميكانيكى كانت حرارة العربية قربت على ال 90 الميكانيكى قالى لى ليه تمشى من غير سير كده كانت ممكن تجيب منك وش سلندر وقال لى ربنا ستر وغير لى السير
ودلوقتى من وقت ما ده حصل وحاسس ان العربيه بتسخن من اقل مشوار راجعت ع ميه الرداياتير لونها (ماء فيه صدا مفيش فيه طحينه) و لون زيت الماتور لونهم طبيعى ومفيش لون طحينه فينهم
فدلوقتى مش عارف العربيه بتسخن منى ف البرد ده ليه

وليا كمان استفسار عن العفشه
عندى مساعد امامى ناشف فهل الافضل اجيب استيراد( سئلت على ثمنه 80 جنيه) ولا اجيب جديد
والمساعد بيتغير بالواحد ولا بالجوز
ونفس الحكايه بالنسبه للمقصات راكب فيها مقصات بيسموها مقصات شاهين(البيض اللى فيها بيتغير) وسمعت انى ممكن اوديها المكبس اغير ليها البيض والكاوتش بدل ما اشترى جديد (بيقولوا الجديد مش بيستحمل)

**ahmedsrs** · 20-12-2008 05:29 PM

سير الدينامو هو سير طرمبة المية يعنى العربية مشيت 10 كيلو من غير طرمبة ميه يعنى غير الجوان احسن .
بالنسبة للمساعدين اوعى تجيب استيراد وغيار اتنين مع بعض طبعا افضل لكن واحد مش مستحب
بالنسبة للمقصات انا شيف الجديد احسن او شوف راى بقية الأعضاء

**michohat** · 20-12-2008 11:52 PM

زملائى اللى فى الشغل وقعوا قلبى اللى قال ممكن يبقى وش سلندر واللى قال جوان وش سلندر
ازاى اطمن ان مفيش حاجه من دول

**tmedhat** · 21-12-2008 08:04 PM

جوان وش السلندر مممكن يكون حصل فية تفويت لان العربيةسخنت

زيادة ع اللزوم

لمايقطع سيرالدينامو لازم ت قف فى الحال لانو مرتبط بطلمبة المية

المشكلة مكن تكون الجوان بتاع وش السلندر

اما المساعدين لازم جوز معبعض

**michohat** · 21-12-2008 10:42 PM

رحت للميكانيكى وشاف العربية وقال مفيش حاجه وراجع على دورة الميه وعلى رباط الوش اللى فوق الجوان وزيت الماتور وقال لى سليمه
فالحمد لله ربنا سترها

طب السؤال دلوقتى بالنسبة للمساعدين
تابعت الموضوعات فى المنتدى هنا فلقيت ان فى اعضاء بتقول مونرو اعضاء بتقول المساعد الالمانى (مش فاكر اسمه) وبيقولوا ضمان ومن غير ضمان فهل يوجد ضمان فعلى
و ايه الفروق بين كل مساعد وعيوب ومميزات كل واحد ايه
ولو حد يعرفنى اسعارهم واماكن الشراء اكون شاكر جدا

سؤال اضافى ( معلش يا جماعه استحملوا اخوكم )
هل فى حاجات بتتغير مع المساعدين والمساعدين القدام اعمل فيهم ايه بيتسابوا للى بيركب ولا بيتباعوا

**dr.nemo** · 21-12-2008 11:19 PM

انا مغير المساعدين اللي قدام (فيات 79_131) ب400جنيه الأثنين وكان نوع اسباني مش فاكر اسمه
بس هو زيت وهواء مع بعض
والعفشجي كان معايا وقالي ان ده ناشف حبتين بس بيستحمل الجري وبيعيش

....والموقف بتاع قطع السير ده حصل معايا يوم العيد الصغير والعربية كانت بتبطل كل شوية واضطريت اركب السير تحت اشراف الميكانيكي (بالتليفون)
بس كان بيقولي لو عاوز تمشي امشي بس كل مالحرارة تزيد أوقف لحد مالعربية تبرد شوية
وعلى فكرة انت ممكن تركب مروحة كهرباء ورا الردياتير حتفرق في السخونة كتير

**dr.nemo** · 21-12-2008 11:22 PM

اظن انك ممكن تبيعهم خردة
ويجيبولك حوالي 20 جنيه انت وشطارتك

**michohat** · 22-12-2008 08:19 AM

موقف قطع السير حصل معايا فوق مزلقان قطر والبطاريه ساعتها كانت نايمه ومدور العربيه بالزق( مش بعرف ارمى) فلو كنت بطلت الموتور كان ممكن يبقى فيها مشكله ودلوقتى الميكانيكى طمنى وعلشان اطمن اكتر هطلع بيها مشوار طويل اشوف اخبار الحرارة ايه

بالنسبه للمساعدين امشى ورا الماركات ولا كله زى بعضه؟