عرض للطباعة
صباح الفل على رجالة نايل موتورز
محتاح استفسار
معايا بومه ٢٠٠٧ خليجى قطعت ١٩٠٠٠٠ كيلو وكنت بغير شيل اصفر ٥٠٠٠ 15w 40وصوت الماتور عالى شويه والاداء كويس مفيش مشكله هل ده عيب قواعد ولا زيت
وكنت عايز اغير شيل لنوع تانى ٥٠٠٠ يكون لزوجته كويسه يريح الماتور
اتقالى كاسترول الابيض Gtx بس شايف انه 20w 50
ايه رايكم وشكرا جزيلا
موضوع تغيير اللزوجة مع زيادة الكيلومترات .. خرافة.. مالهاش أي أساس من الصحة..
هات الزيت بمستوى جودة زي كتالوج عربيتك أو أحسن.. واختار اللزوجة اللي تناسبك من الكتالوج..
واختيار اللزوجة بيبقى حسب استخدامك للعربية... مالهاش أي علاقة لا بكيلومترات ولا بأي حاجة تانية غير حرارة الجو اللي حتسوق فيه عربيتك وطريقة سواقتك واستخدامك للعربية...
لو عايز تختار زيت عربيتك صح.. ادخل هنا.. https://www.nilemotors.net/Nile/341680-a.html
ادخل هنا لو عايز تفهم ازاي تختار لزوجة عربيتك... https://www.nilemotors.net/Nile/481878-a.html
وكمان ادخل هنا علشان تعرف ليه تزويد اللزوجة مع الكيلومترات ... خراااااافة.. https://www.nilemotors.net/Nile/477071-100.html
بارك الله فيك بشمهندس احمد
كيف حالك اخي الكريم ؟
كل عام وانت والاسرة الكريمة بخير
اريد ان اتواصل معك علي الفيس بوك ان امكن
لانني اتشرف بان اكون صديقا لك واتواصل معك دائما
أُشهِد الله اني احبك فيه
اقتباس:
المشاركة الأصلية كتبت بواسطة Darwasha
أهلا وسهلا بحضرتك...
تقدر تلاقيني بسهولة لو دخلت على بروفايلي هنا.
أو ممكن تتابعني على بوريوبيشي - BORIOBISHI