الموضوع: محتاج أفصل إنذار هيونداي جيتز - مش راضي يطفي

السلام عليكم،

عربية المدام جيتز ٢٠١١. إمبارح كنا نازلين بيها مشوار و جاية تفتحها من الريموت مفيش أي إستجابة من العربية.
قلت ماشي البطارية شكلها نايمة عشان بقالها إسبوع مبتدرش. جبت عربيتي و وصلت البطارية و قومت بعض مشحنتها قامت. بس الإنذار قاعد يزمر. الجديد بقى إن الريموت مش عارف يقفل الإنذار و هي دي المشكلة.
حاولت بشتى الطرق مفيش. رحت بعربيتي اشتريلها بطاريات ريموت جديدة بس برضو مفيش.

دورت شوية على الإنترنت لقيت بيقولوا افصل فيوز el-antitheft بتاع مانع السرقة. شلت فيوز الستارت (إللي المفروض بتاع الإنذار طبقا للدليل) من علبة الفيوزات إلي برا وإلي جوا و برضو الإنذار بيضرب و لا حياة لمن تنادي.

كلمنا الوكيل ييجي يقطرها أو يبص عليها قال بعد العيد بقى.

طب أنا فاهم إني لو لقيت الإنذار أو بالأدق الزمارة و فصلتها حيفصل الإنذار و نقدر نوديها لكهربائي

السؤال بقى - هو فين زمارة الإنذار في الجيتز عشان أنا قعدت نص ساعة إمبارح أدور عليه جمب الرديتر إلي هو المفروض يكون جمبه مالقثش حاجة

تمام جبت حد من مركز صيانة و المشكلة اتحلت.

للعلم الإنذار في الجتز مربوط في الكبوت بسلك و مهاوش راكب جمب الريديتر زي الطبيعي.