طقم دبرياج اسبرانزا انفى ٢٠١٣ أبوالفتوح وليس غبور

بعد التحيه للأعضاء الكرام.
أنا عندى عربيه سبرانزا انفى ٢٠١٣ بتاعة أبو الفتوح ، أول لما كملت ٨٠ الف احتاجت أسطوانة دبرياج وديسك قلت أجيب الاصلى من غبور.
اتفاجأت أن عربية غبور الانفى طقم الدبرياج بتاعها مختلف عن الانفى بتاعة أبو الفتوح ٢٠١٣
المهم لقيت طقم دبرياج لانفى ٢٠١٣ أبو الفتوح فى شارع دمشق لكن مش اصلى وصينى درجه تالته فى علبة كرتون بنى مفيش عليها ماركه ، المهم ركبتها و مكملتش ٨ الاف كيلو وضربت ، غيرتها بواحده مماثله آخرى كملت ١٠ الاف بردو.
كنت عايز استفسر من الاخوه الأعضاء هل فى بديل للعربيه دى اسطوانه نوعيه ممتازه Valeo مثلا للعربيه دى ، وهل صحيح هى نفس طقم دبرياج اوبل فيكترا الشكل القديم.
ياريت حد يفيدنى لأن العربيه مركونه تحت البيت و عطلانه وأنا زهقت خلاص.
وشكرا جزيلا للجميع ،،،