تجربتى مع حوا مارينو سسبورت - هو اكثر من رائع لكن عيوب بشعة بسبب سوء التقفيل و لا تظهر اللا بعد اسبوع من الاستعمال :-
اول ما فرحت بيه رحت مشوار من مصر الجديدة لجامعة القاهرة السرعة لم تتجاوز 35 كم /ساعة طبعا فى التليين - و بعد العباسية عند كلية الفنية العسكرية لقيت السكوتر بطل - و جريته لحد سوق العصر و حطيت بنزين - مع العلم انه كان فيه بنزين - اهو -دار وروحت عند المحكمة و هنا بطل تانى ورفض انه يدور - طلعت البوجيه و غيرته ( يمكن جه عليه كربون او واخد رطوبة ) ورفض انه يدور - و بمراجعة وصلات الاكتوفير لقيت مفاجأة مذهلة -الفيشة بتاعت الاكتوفير راكبة على الهوا يعنى يادوب متشبطة مش لللاخر لان الباشا اللى جمع السكوتر مكلفش خاطره يدوس عليها لغاية الكلبس ما يصوجر على الفيشة و دار الاسكوتر كويس بعد كده .
رحت المعادى فى مشوار و انا راجع لقيت الشاشة اللى فيها بيانات السرعة و تنك البنزين و غيرها طفت! جالى ذهول خبطت عليها نورت و رجعت تانى و روحت و فكيت الفبر بتاع الدركسيون و وجدت مفاجئة ! الفيشة بتاعة مجموعة العدادات فيها سلك الارضى خارج لوحده بره الفيشة و مع اى هزة يوصل او يفصل - طبعا خلعت الفيشة و ركبت الترملة فى البلاستك و ركبت الفيشة و اشتغلت تمام و خلاص كده .
و انا رايح الجيزة مجرد و صولى عند كلية الزراعة بطل السكوتر و المرة دى لقيت البطارية ميتة - و بالعافية دورت و رجعت مصر الجديدة و حطيت البطارية على الشاحن و اتشحنت و ركبتها و تانى يوم بالتحديد فضيت و لم تدور المارش - الشاشة بتطفى اول ما ادوس مارش - اشتريت بطارية تانيه ب 300 جنيه و شغلتها اشتغلت كويس بس لاحظت ان الشحن ضعيف و خفت على البطارية الجديدة فقمت بحل الفبر الامامى كله وراجعت دائرة الشحن و لقيت عيب مذهل- بلاطة الشحن راكبة كويس مع الارضى على حمالة مثبتة فى شاسيه السكوتر بمسمار واحد و هو اللى بيدى ارضى للاسكوتر عشان يشغل بلاطة الشحن - و للاسف وجدت المسمار الوحيد مفكوك يعنى الارضى متذبذب و لما يفصل الشحن يبقى عالى جدا ينشف السائل داخل البطارية مع اتلاف الالواح نتيجة الحرارة المتولدة من الامبير العالى الفجائى - تم ربط المسمار و التأكد من ان الارضى لا يتعدى 01. اوم و اشتغل الشحن بكفائة و ده عيب مصنع لان العامل تكاسل فى الربط الجيد فمكانه ضيق و ده كلفنى كتير و كان ممكن يحرق كل دوائر السكوتر بلا استثناء لارتفاع التيار فجأة و مما لفت نظرى ان السكوتر كان بيبطل و انا ماشى و ادوره و لايخفى على حضراتكم ان المارش لا يعمل اللا مع الفرامل - تخيل تدوس فرامل و مارش و تدور ممكن عربية وراك تدوسك لانك بطأت فجائى و جريت فجائى - والسلام عليكم ورحمة الله - مجدى الصى