ركبت انذار بس للاسف ال......

السلان عليكم ورحمة اللة وبركاتة
يا جماعة انا النهاردة ركبت عند توكيل كلاريون اللى فى مصر الجديدة انذار لعربيتى لانوس 2007 وكمان حطيت وحدة رفع
جبت الانذار ب 225 جنية بالتركيب نوعة سيمفونى بس فى مشكلة مأريفانى اوى ان صوت الانذار ضعيف جدا جدا وقولت للراجل ان الصوت م زى العربيات التانية قالى لا بس دة علشان الشارع زحمة بس لما رجعت البيت وكان الشارع صامت الصوت زى مايكون الانذار بيضرب من تحت مخدة
هل دة علشان لانوس s فيها بطانة فى الكابوت فالصوت مكتوم ,اعتقد لا
مش عارف اعمل اية الراجل بيقولى نركب ميكرفون تانى ومعاة كتاوت ,
بس لية دة كلة مش المفروض انذار واحد كفاية ,مع العلم انة معندوش غير سيمفونى بس

ارجو الحل يا جماعة وربنا يخليكوا ليا وللمنتدى الجميل دة .

المفيد انزل شارع دمشق عند بتوع الكماليات اشتري سماعة انذار ب 20 جنية صوتها بيبقي جامد قوي
ممكن تروح لعادل في محل عالم الكماليات جنب السجان مباشرة قولة انا من طرف كريم منير ويديلك واحدة
لو ما وصلتش لحاجة قولي وانا احلهالك باذن الرحمن

أنا مركب السيمفونى و صوته فضيحة لدرجة انى اغلب الوقت بشغله Mute.

يا جماعة انتوا حيرتونى يعنى اروح لكلاريون اتخانق معاهم ولا اية ماهو مش معقول يعنى انهم يقولولى ركب ميكرفون تانى ,فية كدة ,مش عارف واللة اعمل اية وبصراحة يا حسام باشا انت سخنتنى عليهم علشان بتقول ان السمفونى عندك كويس
صحيح يا جماعة انا لم الصنايعى جربلى صوت الميكرفون قبل مايركب الانذار جربة ووصلة بالبطارية مباشرا كان صوتة حلو وعالى ,لكن بعد ماركب الانذار بالكامل صوتة واطى جدا فهل دة عيب الانذار نفسة واية

بجد مش عارف اقولك ايه، بس الأنذار عندى كويس قوى, انا شايف انك تروح لصنايعى كويس يظبطهولك و لو تعرف تطلع المقطم هدلك على محل ممتاز عنده صنايعية متخصصين

بس هو ممكم يكون مركب الميكروفون في مكان مخنوق او حاطه في وش حاجه فخنقه عليه

ياريت لو انت تقدر تبص على الميكروفون وتشوف مكانه وتشوف هو موجه لفين وانت تعرف المشكله فيه ولا في توجيهه

وبعدين هما غاليين ليه كده السيمفوني عندنا في المنصورة بــ 170 جنيه

انا جبته من التوفيقية ب 175 و اتركب هو و السنتر ب 30

السرينة بقوة كام ديسيبل؟؟ اصل ممكن في بعض انواع السرائن "المكرفونات زي ما بتقولوها" بتكون صوتها بيعلي ويوطي يعني ممكن يكون الصوت بتاع السؤينة متوطي، شوفة الاول قبل ما تشتري حاجة، وراجع كتالوج الانزار.

طالما انه وصلهولك مباشر وكان صوته عالى يبقى ده عيب تركيب ارجعله علشان يعيد على التوصيلات

السيمفونى دة انا شاريه لعربيتى من كام شهر وبـ 155 جنيه تقريبا من المنصورة ومن غير التركيب وركبته واشتغل, تركيب الانذار بيبقى حوالى 30 جنيه وفيه معاه ضمان.