قائمة بأسعار وأماكن بيع السيارات التي تم تخفيض أسعارها مؤخراً

السلام عليكم ورحمة الله وبركاته تحية طيبة وبعد .

اليكم قائمة أسعار السيارات اللتي أنخفض سعرها وأماكن المعارض اللي ممكن تلاقوا فيها السيارات بالأسعار الجديدة :

* مجموعة رقم واحد :

باسات : السعر 257000 قبل التخفيض 247000 بعد التخفيض .

سوران : السعر قبل التخفيض 100000 بعد التخفيض 96000

بولو هاتش باك : 125000 قبل - 115000 بعد

جيتا كومفورت لاين : 205000 قبل - 197000 بعد

أيوس : 260000 قبل - 248000 بعد

=======================
ميجان عادة : 117900 قبل - 111900 بعد

ميجان استيت بانوراما : 160000 قبل - 150000 بعد
=======================
تيدا سيدان أوتوماتيك : 114000 قبل التخفيض - 107000 بعد التخفيض
=======================
جراند فيتارا : 145000 قبل - 135000 بعد

إس إكس فور سيدان : 115000 قبل - 108000 بعد
=======================
سيفيك 150000 قبل - 145000 بعد .

العربيات دي بالأسعار دي موجودة عند :

السبع أوتوموتيف في كافة فروعه .



* مجموعة رقم 2 :

باسات هي لاين : خصم 15000 ألاف جنية على كل سيارة .

سيات قرطبة : السعر قبل الخصم 105000 بعد الخصم 88000

فولكس جيتا : خصم 10000 جنيه على كل سيارة .

كيا سيراتو : السعر قبل الخصم 89900 السعر بعد الخصم 87500 .

تجدونها في المعارض التالية :

ناشيونال موتورز بجميع فروعها .


* مجموعة رقم 3 :

هيونداي ألنترا : 96.750 جنيه

فيرنا : 66.500 جنيه

i10 : السعر 61.500 جنيه

جيتز : 74.500 جنيه

فيفا : 64.500جنيه

أسعار غبور وفي أسعار أرخص من كدة كمان برة بس أرخص ألف أو ألفين .

* مجموعة من العروض الأخرى :

المجموعة البافارية : عروض خاصة على جميع طرازات ماهيندرا سكوربيو .

تويوتا أيجيبت : أسعار خاصة بمناسبة فترة الأعياد في جميع فروع تويوتا وموزعيها المعتمدين في كافة أنحاء الجمهورية على الياريس والكورولا .


تم الأنتهاء من القائمة حالياً وجاري تحديثها أول بأول وعلى كل من يجد أي تخفيضات في أسعار السيارات يكتبها هنا لتعم الفائدة على الجميع .

يا راجل تعبت ليه نفسك :dots:

اولا المجموعة الاولي والتانية عربيات ماحدش بيشتريها من اساسه

المجموعة التالتة خصم 2000 جنيه

ياعني ياقلب لا تحزن


والله احنا مش هنرتاح غير لما يضحكو علينا ب الفين جنيه في تمن العربية ويدفعونا دم قلبنا كل سنة في الترخيص والتأمين اللي هيزودوه

وكان الله عليما

:offtopic:

اقتباس:

---

المشاركة الأصلية كتبت بواسطة ToYoTa

يا راجل تعبت ليه نفسك

اولا المجموعة الاولي والتانية عربيات ماحدش بيشتريها من اساسه

المجموعة التالتة خصم 2000 جنيه

ياعني ياقلب لا تحزن

---

حتى المجموعة التانية فالفيرنا طول عمرها من اول مانزلت تتطلع الفين 3 وتنزل تانى يعنى شئ ملوش علاقة بالازمة
الانخفاض اللى حضرتك كاتبه دا ملوش علاقة بالازمة خالص

بصراحة انا مش شايف خصم الواحد يروع ينزل يشترى بية لحسن الفرصة تروح.
بس انت عندك رقم غلط (الله اعلم بالباقى),ال اس اكس 4 انا سائل عليه من شهرين كانت ب 110 وانت كاتب 115!!

وبعدين معظم السيارات اللى نزلت من 5 الى 10 الاف انا بعتبرها سيارات فارهة ومستفزة صراحة, يعنى اللى معاه 300 الف مش مستنى خصم 10 الاف يعنى ولا أيـــــــــــــــــــة؟؟

وباقى العربيات الخصم بصراحة كلام فارغ عشان بس يئدرو يعلنو فالصحف انهم نزلوا الاسعار (شغل هبل)

١٠٠٠ شكر يا باشا

مشكور عقبال الوقعة الكبيرة

اقتباس:

---

المشاركة الأصلية كتبت بواسطة ouba2

مشكور عقبال الوقعة الكبيرة

---

هو ده الكلام :biggrin2: :rolleyes2:
الناس بتقول الف و الفين و دي بوادر للوقعة الكبيرة فعلا و ادينا قاعدين و حنشوف ورانا ايه!!

و عقبال الكساد و الركود ما يزيد و الاسعار تنزل ترف ما هو اما الأسعار تنزل او يشربوا العربيات اللي أنتجوها و تجارنا الاعزاء أشتروها عشان يدفعونا فيها دم قلبنا :049: و لسه التقل جاي و را :049:.

اولاً و قبل أي شيء، احب أشكر كاتب الموضوع على مجهوده المنظم في عرض الأسعار و التخفيضات، و هذا شكر عميق و حار على مجهوده و تقدير له و لوقته.

ثانياً و كما ذكر الأعضاء الأفاضل من قبل، أن هذه التخفيضات ربما تكون و همية و لا ترقى لمستوى و حجم الأزمة و ما آلت إليه الأسعار في كافة بلاد خلق الله في العالم الخارجي.
إنما هي مجرد إلهاء للزبائن و اقناعهم بأن تأثيراً ما قد حدث، ليخففوا من زخم العناد و مقاطعة الزبائن لشراء سيارات جديدة، و ذلك اعتراضا منهم على محاولات الاستفزاز و الاحتيال المكشوف في رسم صورة مشوهة و مغلوطة حول أن سعار (بضم السين) الوكلاء و محتكري تجميع السيارات في مصر لن يتغير و لن يتأثر بل قد يزيد، و ربما ترتفع اسعار السيارات و لن تنخفض.
يا سادة لو خفض هؤلاء سعارهم و لو حتى الى 30 او 40 في المائة فمن المؤكد أنهم لن يخسروا، فهؤلاء في الوضع الحالي يربحون اكثر من 50% أي الطاق طاقين.

الحل الحقيقى ينبع منا نحن في تأييد حملة خلوها تصدي عندها لن يكون امامهم سوى المكسب القليل او الخسارة البعيدة، فقاعدة الخسارة القريبة و لا المكسب البعيد لا يمكن أن تنطبق عليهم.

انا فعلا قرات الموضوع ده فى اخبار السيارات بتاع النهارده

شكرا اوى على مجهودك و مستنيين اخر الآنباء اول بأول لغاية الوقعة الكبيرة ...و على فكرة ما تسمعشى لكلام المتشائمين و اصحاب المصلحة اللى بيقسمو العربيات مجموعات و ببيحاولوا يقنعونا بالعافية ان دى خصومات مالهاش لازمة ...و ان الدنيا زى ما هى و مفيش ازمة ولا حاجة ...الناس دى بأقولها (:44::44:) الأسوأ قادم يا حلوين

الاخبار دي احلي رد علي الناس اللي شككت في اخبارك علي الموضوع الاول(جاءنا البيان التالي)
شكرا جزيلا.
bemo,ire

اتقل على الرز لغاية ما يتحرق

الف شكر على مجهودك

ولسة ولسة ولسة انشاء توصل ان البوما تبقى ب 50 الف .

انا لسه فعلا مكلم ناشونال موتورز و سعر القرطبه 88.000 جنيه
بس بدون ABS
1400 cc , 97 HP , full option

تابع..
سألت في اوماترا امبارح
البرافو base line
من 135000 قبل الازمة
الى 118000

وخلوها تصدي..

موضوع مميز يا ريت يتثبت ولو لفترة للمتابعة

تخفيضات لا ترقى للأزمة المالية
و معظمها لموديلات لا تباع و القرطبة مثلا طلعت الموديل القديم
دا غير إن العكس صحيح مع موديلات تويوتا و هوندا 2009 زادت عن موديلات 2008 !!

فى إنتظار القائمة الحقيقة التى تضم السيارات اليابانى و السيارات التى حققت مبيعات عالية فى مصر

اسمحولى انا ليا رأى و هو ان كل السيارات اللى نزل سعرها دا بسبب ان اليورو نزل من 8.5 ل 7 وبالتالى السعر لازم ينزل و لو حسبتوها بالرياضة هتلاقو انها لازم تنزل اكتر من كدا كمان بس ما علينا

اللى انا اقصده ان الاسعار نزلت بسبب نزول العملة بس و مش بسبب ازمة اقتصادية الازمة الاقتصادية هتخلى الاسعار تنزل بنسبة كبيرة 30 % 40 % مش 5000 جنيه و 10 الاف جنيه تخفيض على عربية سعرها 280 الف

أحب أن أوضح الغرض من الموضوع وهو أن يعرف الناس أن التخفيضات بدأت على أرض الواقع وليست إشاعات الغرض منها تخفيض الأسعار بالأضافة الى توضيح أسماء وأماكن بيع السيارات بالأسعار المخفضة حتى يعرف أكبر عدد ممكن أماكن بيع تلك السيارات وبذلك يقتصر البيع فقط على أصحاب هذة المعارض التي خفضت وتصبح المسألة بمثابة تحذير شديد اللهجة لأصحاب معارض السيارات التي لم تسارع بالتخفيض ... فإما التخفيض وأما الأفلاس ولكم حرية الأختيار .

الأخ الكريم / Ash Turbo
جزاك الله خيرا علي هذه الأنباء السارة , وكما يقال في المثل أول الغيث قطرة , اللهم لا شماته في الوكلاء , لكن أنا علي يقين أنهم تكسبوا من وراء الغلابة الكثير.
الأسعار الحقيقية ستظهر في آواخر الربع الأول من 2009 ( مارس ) والصبر جميل وخلوها تصدي عندكم أحلي وأحلي
التكاتف يا جماعة الخير وشيئ من الصبر:satelite:

ماتستعجلوش ياجماعة ... ده لسه مجرد تسخين ... انما التخفيض اللي بجد لسه هيظهر لما الازمة تبتدي تسمع بجد في السوق في الكام شهر الجايين ... وساعتها هيبقى مش تخفيض ده هيبقى انهيار