بخصوص عدم ثبات الفيرنا

**bebo_bambino** · 09-08-2007 01:17 AM

كنت عايز اعرف ايه حل المشكله دي
علشان العربيه خفيفه جدا

**temoo_110** · 09-08-2007 05:00 AM

مين قالك ان الفيرنا خفيفة الفيرنا عربية ثابتة الى حد ما ولو عاوز ثباتها يزيد ركبلها جنوط اسبور وعرض العجل هتبقى تمام

**Tarek Fadl** · 09-08-2007 08:17 AM

السلام عليكم ورحمة الله وبركاته
العربية لغاية 140 كم وثابتة علي الارض ومفيهاش اي مشكلة وفي الملفات كمان ثباتها هايل اما لو هنمشي علي 180 و 200 كم يبقي منتكلمش علي ثبات اصلا لان ده كده تهلكة مش ثبات لان معندناش في مصر طرق تقدر تمشي عليها بالسرعات العالية اوي ده اما في حدود السرعات المعقولة 120 : 140 كم فالعربية بصراحة لا توجد فيها مشكلة علي الاطلاق
وانا كل كلامي علي الفيرنا 1500 لاني مسقتش ال 1600 عشان احكم عليها

**ايهاب** · 09-08-2007 09:10 AM

الفيرنا 1600 فعلا ثابتة حتي 140 بشروط:
1-الطريق ناعم وعدل
2-مقاومه الرياح ليست عالية
3-مش بتعدي من نقل كبير او اونوبيسات سياحة علي سرعة عالية زي ال140----لان وانت داخل علي موخرتهم بتشعر بمقاومة تم وانت في المنتصف تحس ان السيارة بتتشفط تجاة النقل او الاتوبيس ثم بعد التعدية مباشرة يعني عند الكصدام الامامي تشعر ان مجال الجاذبية تجاه التريللا او الاتوبيس انعدم فجأة والسيارة بتتزاح الناحية الثانية مما يجبرك علي التهدية باستخدام الفرامل
--ومن هنا ياتي الزهق والقلق والاحساس بعدم الثبات -وهو ملخص تجربة شخصية لقيادة السيارة مسافة 600 كم علي طريق العلمين
dr/ehababdelhafeez

**fahd_628** · 09-08-2007 11:57 AM

و ممكن كمان تركب عفشة سبور

**temoo_110** · 09-08-2007 04:53 PM

المشاركة الأصلية كتبت بواسطة fahd_628

و ممكن كمان تركب عفشة سبور

لا هيا ثابتة حتى 140 على جميع الطرق وموضوع انجزبها للترلات والاتوبيسات السياحية دى على اساس انها فيها مغنطيس ولا هيا عربية لاعبة ولا عربية صينى
دى هيونداى فيرنا اللى انت بتكلم عليها ولا انت مش واخد بالك

**Eng.Ahmed** · 10-08-2007 01:02 AM

الفيرنا فعلا مش محتاجه اكتر من جنوط و كاوتش عريض و هتلاقى ثبات العربيه اختلف تماما و بالنسبه لموضوع خلخله الهواء الى بتعمله الاوتوبيسات او النقل الثقيل ده مش بتحس بيه فى عربيه معينه لكن فى اى عربيه بتمر جنبهم ، و عموما جرب يا أ / ايهاب تعدى بين مقطورتين بأى عربيه و قولى هاتحس بأيه

**hamada_syndrome** · 10-08-2007 05:14 PM

انا عندي فيرنا 1500...و فعلا العربيه بتبقى خفيفه اوي عند ال 130 و دي حاجه انا متأكد منها.....بس انا عارف واحد صحبي عنده فيرنا برده 1500 و حل الموضوع ده بأنه ركبلها كفرات (185\14) و خلي بالك ان الفيرنا بتنزل أصلا(175\13).....دي ال 1500......العربيه بتعته ثابته جدا على الطريق و في اللفات... Peace

**Ahmed Anwer** · 12-08-2007 02:15 AM

يا جماعة أنا عندي فيرنا 1600 و لما جيت اشتريها كل الناس قاللولي علي العيب ده ، بس في نفس الوقت الناس بتقول العيب ده موجود في الياريس و اللانسر و حتي الكورولا و اصحابها نفسهم بيقولوا كده فرأيي الشخصي إن دول عيال صغيرة عايزين يجيبوا عربية و يطلعوا بيها علي الصحراوي و يمشوا علي 150 و يغرزوا بين الترلات و لما تتقلب بيهم و لا يعملوا حادثة تبقي دي عربيات وحشة و مش ثابتة ، تهريج طبعا ، يروحوا بقه يجيبوا بي ام و لا مرسيدس عشان الثبات علي 150، الفييرنا خلاص سيارة اثبتت نفسها و اكتسحت منافسيها في فئتها الإسبرانزا و اللانوس