الموضوع: حساس الباور والدينامو .. قصة حزينة

لوجان 2010 .. بعد 10 سنوات ، حساس الباور سرب زيت على الدينامو ، الموضوع اتلحق وغسلنا الدينامو وغيرنا حساس الباور ، الكلام ده من 6 شهور.
الاسبوع الماضى ، تكرر الموضوع ، لكن الدينامو باظ للاسف المرة دي بسبب تسريب الزيت.
ومحتاس دلوقتى فى مشكلة الدينامو اللى لمبته منورة على طول.

هل ممكن الغى حساس الباور واحط طبة مكانة بدون مشاكل؟
لأن حاسس ان المشكلة ممكن تتكرر تانى.

السلام عليكم
لو لغيت الحساس كل ماتحرك الدركسيون العربية هاتبطل منك لأن وظيفته انه بيراقب ضغط الطرمبة مع عدد لفات الموتور وينظمهم مع بعض. غير ان الطرمبة ممكن تبوظ بسبب عدم تنظيم الضغط.
حاول تغيره وتركبه عند واحد بيفهم. أعتقد انه مش غالي أوي.
بالتوفيق