بنزين 95 طلع 92,4 و بيكسر المواتير
كارثة مرسيدس و اوبل و غيرهم
عايز اشارك معاكم تجربتي مع شركه GAS عشان واضح ان مَش انا لوحدي الي عنده المشكله و انا شخصيا مَش حسكت علي حقي حتي لو حدفع قد ثمن العربيه علي محاميين عشان اخد حقي من شركه مرسيدسهل يعقل ان اشتري CLA 200 AMG من ١٠ شهور جديده و استيراد لان الوكيل قالي مفيش عندنا لا مواصفات و لا مخزون و العربيه فاجاءه تنور check engine و ماشيه ١٦٠٠٠ الف كيلو و لسه عامل صيانه من اربع شهور !!!و اكلمهم قالو هات العربيه فورا و بلاش تجري بيها و بالفعل سلمتهم العربيه في نفس اليوم بعد المكالمه و مشيت و الرد بعد يومين الاتي :-١- العربيه مطلع misfire error لما اتحطت علي الكمبيوتر٢- حنعمل للعربيه منظار عشان نعرف السبب و بعدها يتقال ليا للاسف العربيه جابت بستم و احتمال اكتر فلازم نفتح و نشوف و نعمل مقايسه مبدئيه و محتاجين موافقتكطيب يا جماعه ايه السبب قالولي بنزين مغشوش https://static.xx.fbcdn.net/images/e...5/16/1f644.png هو انا بحطه من تحت بير السلم مثلا ما انا سالتكم و انتم رشحتو محطات معينه و ملتزم بيها طيب بعد اذنكم عايز تقرير بالكلام ده اطالب بحقي من وزاره البترول الي هي المفروض الرقيب علي محطات البنزينلا حضًرتك صدقنا لو بعتنا ليهم قزازه ميه حيقولو بنزين ٩٥ https://static.xx.fbcdn.net/images/e...5/16/1f644.pngطيب بعد اذنكم اعملو التقرير و انا حطلب تحليل البنزينو هنا الرد كان جاهز كالاتي :-١- تحليل مبدئي قيمته ١٠٠٠ جنيه من محطه معتمده زي مصر للبترول و حيقولو البنزين مطابق٢- حنطلب منك تعمل تحليل تاني ادق يتضمن مكونات البنزين و تكلفته ١٤٠٠٠ جنيه و حتعمله و حيطلع التقرير ان البنزين مطابق برضو٣- حنقولك حنبعت لمرسيدس المانيا و حيجي الرد ان مكونات البنزين غير مطابقه للمعاير العالميه https://static.xx.fbcdn.net/images/e...5/16/1f60a.png٤- حتطلب ورقه رسميه بالكلام ده من مرسيدس المانيا حنقولك مينفعش لان ده قرارات داخليه بينا و بينهم٥- هاتو انتم طيب تقرير بالكلام ده حنقولك اسفين مَش سلطتنايعني من الاخر اخبط دماغك في حيطه و قدامك حلين١- تغير من ١ ال ٤ بساتم و علي حسابك و طبعا حتكون ماضي علي الموافقه المبديئه و المقايسة٢- تغيير موتور كامل للعربيه علي حسابكطيب و الضمان !!! لا ما هو حضًرتك الضمان مَش حيغطي الكلام ده لان العربيه استيراد و عربيتك Euro 6 طيب انتم ليه قبلتو بيها و فعلتو الضمان عندكم و عملتم الصيانه طالما العربيه مَش معتمده في مصر و ازاي اصلا اخدت افراج جمركي و ضرايب و هي مَش مطابقه ؟الرد : حضًرتك مَش اول واحد تشتكي حتي الي اشتري العربيه من الوكيل و حصلت معاه نفس المشكله المانيا رفضت تحمل التكلفه و احنا بلغنا العملاء ان التكلفه حفاظا علي سمعه الوكيل في مصر حتكون علي حسابنا لكن عربيات الاستيراد مَش حنغطي تكلفه اصلاحهامن الاخر حتدفع او روح اشتكي بقي و انت و حظك في المحاكم تخلص بعد قد ايه و طبعا انت الخسران ان العربيه واقفهامين عنده مشكله زي مشكلتي؟ و هل الحكومه عارفه ان البنزين مثلا مغشوش و ساكته و لو ساكته احنا ذنبنا ايه نتعب و نشتغل و نجيب عربيات و في الاخر يقولو اسفين مَش حتتصلح علي حساب الوكيل
