هل تجديد الرخصة عن طريق النت أرخص علشان مفيش شراء نماذج؟
أرجو ممن خاض هذه التجربة أن يرد ويفيد الناس ، لأن نموذج التجديد ب10.5 جنية ولازم يجبروك إنك تشتري نموذج لكل سنة يعني لو 3 سنين33 جنيه وبقدرة قادر يبقوا 35 جنيه لزوم استهبال الصراف، دا غير طوابع الشرطة وخلافه وثمن الدوسيه اللي ميسواش...إلى آخره
هل التجديد بالنت يعفينا من ذلك أم أنهم حسبوا ذلك كله و أضافوه للمبلغ المطلوب وزيادة-على عادة الحكومة الرشيدة اللي مبتسيبش مليم _
أرجو الإفادة ممن يعرف
انا مجربتش ولا اعرف حد جرب
بس اكيد الحكومة مش حتسيب حقها
طب سؤال تاني يا جماعة
رخصة العربية هتخلص عندي في وسط الإمتحانات تماماَ و مش هعرف أجددها إلا بعدها بأسبوعين عالأقل .
هل فيه فترة سماح للتجديد بعد إنتهاء الترخيص و لو فيه بتبقي قد إيه ؟
فترة السماح بتبقى شهر للرخصة، لو تصريح مؤقت، يبقى مفيش فترة سماح
شكراَ للرد حسام باشا ريحتني لأن كان هيبقي مشكلة فعلاَ لو حصل مشكلة في وسط الإمتحانات .. كدة هقف للضابط بقلب جامد .
انا كان نفسي اجرب موضوع تجديد الرخصة من خلال النت بس اكتشفت انالخدمة دي متاحة فقط لبعض ادارات المرور في القاهرة و الجيزة (وباقي الشعب في المحافظات الأخرى مش مهم) يعني كل الأفلام والدعاية الكدابة للحكومة الالكترونية عشان خاطر بعض ادارات القاهرة والجيزة فقط - بالمناسبة انا ضيعت يومين كاملين عشان اجدد الرخصة ودفعت 100جنيه مخالفات معرفش ايه هي بس دفعت عشان اخلص!!
متهيألي فتره السماح دي للمرور علشان ماتدفعش غرامه تأخير ترخيصاقتباس:
المشاركة الأصلية كتبت بواسطة MoToRiZeR
مش علشان الظابط
لأنهم اصلا بيتلككو علي كل حاجه فا تفتكر هيعيديك والرخصه منتهيه :majd(4):