الريموت مش راضى يفتح السنتر لوك

**AhmedGen2** · 21-12-2008 03:41 PM

السلام عليكم

انهاردة الصبح جاى بفتح العربية مش عايزة تفتح وانا مفيش لازق فى الباب ، رحت مدخل المفتاح وفاتح مانيوال ودى كان اول مرة من ساعة ما جبتها ، لاقيتها فتحت وقعدت تزمر ، شغلت العربية ولسه عمالة تزمر والانذار شغال قفلت العربية شيلت المفتاح سكت الانذار ، بدور العربية تانى الانذار اشتغل وصوتها مزعج جدا ، شغلت العربية تانى ودست الزرار اللى فى التابوه اللى عبارة عن دايرة ونقطة جواها ، الانذار سكت ومشيت طبيعى ، طبعا من غير ماعرف انا عملت ايه اظاهر كدة ان الزرار دة وقف الانذار ، المشكلة دلوقتى إن الريموت مش راضى يفتح العربية لازم افتحها مانيوال ، ايه الحل؟.

**kobadr** · 21-12-2008 04:10 PM

أعتقد حضرتك ان بطارية الريموت لازم تتغير لأن الموضوع ده حصل معايا قبل كده أو ممكن تجرب المفتاح الثاني وان شاء الله تتحل المشكله.

**ahmedsiyam** · 21-12-2008 04:21 PM

انا حصلت معايا و روحت عملته فى التوكيل و لسه بيعلق لحد النهاردة و شغال بالمفتاح للاسف

**AhmedGen2** · 21-12-2008 05:15 PM

لسه بيعلق ؟ ، اووف عالقرف دى مبقالهاش تلات اشهر ، والله كنت هكلمك يا استاذ أحمد وانا فى العربية عمالة تزمر ومش عارف اعمل ايه الصبح الساعة 8 وانت الوحيد اللى عندى نمرته لغاية ما بالصدفة دست على زرار ووقف الانذار بس ياترى هو كدة وقف خالص disabled يعنى ولا ايه؟.

**formoza** · 21-12-2008 05:21 PM

الزرار ده لاعادت تكويد المفتاح, العربيه فيها نظام ان لو المفتاح بطاريته خلصت يبقى لازم يتكود من جديد و ده عن طريق المفتاح البديلspare
و حضرتك لما دوست عليه ممكن شافو انه كويس فسكت بس ده مش اكيد انا بخمن بس

**ahmedsiyam** · 21-12-2008 05:21 PM

لا موش عارف يا اسلام الصراحة انا اعتقد انهم هايعلوا حساس الانذار و ده على ما اتذكر كده تحت كرسى السائق و الله اعلم
تقفيل ضايع مافيش فايدة و المصيبة انك بتعمله فى التوكيل و بيرجع تانى انما معلش ان شاء الله يكون حظك حلو و يتعمل و يرجع احسن من الاول

**aapaap855** · 22-12-2008 11:43 AM

الزرار دة فعلا بيقفل الانذار لما المفتاح الاصلي بتاع العربية بيكون محطوط
مكتوبة في الكتالوج
وانا كل شوية لما حد يركب معايا ويسألني الزرار دة بتاع ايه
بشغل الانذار واحط المفتاح في الكونتاك (تزمر) ادوس عالزرار يقفل الانذار
لعبة جامدة جدا
متجرب النسخة التانية (انا عندي نسخة شغالة والتانية بتعلق)

**M.Nabil** · 22-12-2008 01:13 PM

هو ممكن احتمال من اتنين, علي حسب ما الناس جربت ممكن يكون موضوع بطارية والاحتمال التانية اللي انا جربته انه ممكن بيكون فيوز السنتر. والله اعلم

انا قلتلك الفيوز علشان اول ما اشتريتها كان فيها نفس الموضوع ده ولما رحت التوكيل فتحو علبة الفيوزات كان فيوز السنتر مش متركب وكان ملزوق ببلاستر داخل علبة الفيوزات ولما اتركب اشتغل عادي وكله تمام.

**m_marmoush** · 22-12-2008 05:08 PM

بص يا سيدى كده المفتاح محتاج يتعمله coding والطريقه بتاعته حتلاقيها فى اللينك دة
http://www.nilemotors.net/Nile/showthread.php?t=38304

على فكره الموضوع دو ممكن يكون سببه أن المفتاح وقع منك أو كان جنب الموبايل

**khpopo** · 22-12-2008 05:28 PM

استاذى غير البطارية بنوع جيد واعمل البرمجة من الزرار الى فى التابلوة وطريقة البرمجة
1- تحط ايدك على الزرار على طول وتحط المفتاح وبعدين تفتح لمدة 5 ثوانى وبعدين اقفل وشيل المفتاح ولسة ايدك على الزرار الى فى التابلوة
2- لسة ايدك على الزرار حنط المفتاح ونفتح الكونتاكت تانى وبعدين نشيل ايدينا من الزرار
3- ندوس على زرار التابلوة مرة واحدة سريعة هنلاقى لمبات التابلوة بتنور
4- ندوس على اى زرار فى المفتاح لحد مانسمع صوت الانذار
اهم شى البطارية تكون كويسة :b4_048:
ربنا يوفق

الموضوع: الريموت مش راضى يفتح السنتر لوك

LinkBack

أدوات الموضوع

عرض

-

-

-

-

-

-

المواضيع المتشابهه

الكبوت مش راضى يفتح

الريموت مش شغال (فتح و قفل السنتر)

الريموت مش بيقفل السنتر

عندى مشكلة صغيرة- الريموت لا يفتح باب السائق

ايه رأيكو في تركيب جهاز انذار على الريموت يتاع السنتر ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة