الموضوع: زيت ماتور ix35

اختيار الزيت مش بالمزاج.. ولا بالرأي.. ولا بالتجارب.. ولا بالسمعة.. ولا بأي حاجة من الحلوين دول...

اختيار الزيت بحاجة واحدة بس... كتالوج عربيتك...
ارجع لكتالوج عربيتك وشوف هو طالب منك زيت مواصفاته إيه... وهات الزيت المطلوب...

بس كده..

عموما.. عربيتك الكتالوج طالب لها زيت بمواصفات محددة كالتالي:

مواصفات جودة ACEA A3 أو ACEA A5
اللزوجة 5W-30 أو 5W-40

لو حضرتك من الناس اللي بتحب تقرص على الموتور.. أو بتستخدم العربية بطريقة تحط أحمال عالية على الموتور.. فالأفضل تستخدم 5W-40
أما لو بتستخدمها بالأسلوب العادي.. زي السواقة جوه البلد مثلا.. فلزوجة 5W-30 كافية جدا جدا..

بس الأهم.. تجيب الزيت بمواصفات الجودة المطلوبة... غير كده ما تحطش.

ممكن تنزل الكتالوج من هنا:https://www.manualslib.com/manual/62...age=404#manual