الموضوع: استرجل واشرب بيريل اعلان مستفز جدا

أنا ماشفتش الإعلان في التليفزيون، بس شفت إعلان مرسوم في بنزينة عبارة عن كاس بيريل ومكتوب جنبها استرجل، الصراحة الإعلان عصبني واستغبيته جامد

الموضوع مش مستاهل كل ده,
الاعلان لطيف جدا فى رأيى خاصة بتاع البنت المعدية و شخصيتها, الموضوع نكتة مش اكتر و مفيهوش أى استهانة بالمرأه و لا اى حاجة, الاعلان بصراحة فكرته حلوة و هى مأخوذة من اكليشيه معتاد فى اعلانات البيرة عموما (شفت قبل كده اعلان لبيرة فى احدى المجلات روزاليوسف غالبا قزازة و مكتوب تحتها للرجال فقط), نظرا لأن البيريل هو نفسه مشروب البيرة لكن بدون كحل.

يا جماعة الاعلانات اصبحت سطحية وبقى اهم حاجة ازى يخلو الاعلان يخرج بصورة معينة ملفتة سواء بموقف او بجمل غريبة مستفزة او تريقة او يجيبوا بنات فى اعلان مالوش دعوة بالبنات اهم حاجة يسوقو صح للمنتج وانه يحوز على اهتمام المشاهد واكيد بيريل نجحت فى ده على الرغم من طعمها المقزز وعلى فكرة بيبان على اللى بيشربها على راى الاعلان (أه .... بيشرب بيريل ) عقبالنا وشكراً

المشاركة الأصلية كتبت بواسطة hossaam

الحمد لله انا ما شفتش الاعلان ده..

بس بجد بيقولوا فيه:
؟؟!!

يا نهار ابيض..يعني ايه الرسالة اللي عاوزين يوصلوها للشباب بالضبط؟! ..اعلام بنااء وحضاري فعلا..وطبعا دي عينة..

طيب بالمناسبة احب اهدي الكلام ده لموضوع "لماذا يتحرش المصريون بالنساء..؟ مقال لعلاء الاسواني"http://www.nilemotors.net/Nile/showth
read.php?t=49600

قال وهابيه قال!!

انا مكنتش ناوى اكتب اى رد فى الموضوع ده لأن فعلا الاعلان ده اسخف من ان الواحد يديله اهتمام اساسا، لكن بصراحة مش عارف ايه علاقة الاعلان بالمقال بالوهابية

الله ياخد اعلانات بيريل والمذهب الوهابى وكل البلاوى اللى بتتحدف علينا من كل خرابة فى العالم

أجمل رد علي سؤالك هو توقعيك ..
" بسم الله الرحمن الرحيم
وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
صدق الله العظيم "

الموضوع أن ده أمتداد لنظام العولمة لتعميم تسويق الخمور يابشوات .. وربط الخمر بالجنس والقوة الجنسية ..( زى لو تفتكروا ربط الرجولة بالسجائر زمان ) ..
لأن مضمون الأعلان أن الولد الوحيد إللي ما أستوعبش شكل البنت إللي ما شية تتمايص .. ما عندوش رجولة .. بدليل شكل عينيه وملامح وشه .. إللي اتغيرت تماما بعد ما أسترجل وبقي بيشرب بيريل ..
وليه سؤال للأخوة إللي بيشربوها .. أنت عارفين الشركة إللي بتنتجها هي شركة إيه .. نفس شركة البيرة إللي كل الناس اتفقت علي حرمانيتها ..
وأنا شايف أن دى فرصة لمقاطعتها .. وربنا يتوب علينا من كل حاجه سيئة .. وشكرا ...