استرجل واشرب بيريل اعلان مستفز جدا
ولا اعلم فى 2010 ما سيكون الاعلان التالى عن ماذا سيطلب ان نشرب
عرض للطباعة
استرجل واشرب بيريل اعلان مستفز جدا
ولا اعلم فى 2010 ما سيكون الاعلان التالى عن ماذا سيطلب ان نشرب
فعلا اعلان من اكثر الاعلانات بتستفزنى
انا بشرب بيريل و باحب اشربها كمان
بس مش فاهم ايه علاقة الرجولة بشربها
بجد انا مش فاهم الاعلان ده الى الان
يا ريت حد يفهمنى
\\\\\\\\\\\\
فى 2010
سوف يكون
بيريل للرجالة
اشربها بقى و تعالى
و فى الخلفية منتخب مصر فى الطريق الى جنوب افريقيا
تسويق=جذب انتباه.
اعلان سيئ جدا ومستفز
اعلان غبى وموديل غبى هو اعلان لشد الانتباة فقط لان حضرتك لو قاعد قدام التلفزيون ومشغول وسمعت الاعلان الكلام الهايف دة هيشدك وهتبعة ودة المطلوب
فعلا اعلان في منتهي السوء و مستفز الي اقصي حد.
و بيفتقر الي ابسط مقومات الإعلان الجيد لأنه أكيد في شريحة و لو بسيطة من البنات و السيدات بيشربوا المنتج ده فبكدة بدل ما بيزود الشريحة دي هو بيمحوها اصلا و بيعمل نوع من ضياع الالفة بين المنتج بتاعه و بين شريحة كبيرة و هامة لا يستهان بها و بصراحة مدرسناش كدة في المعهد و في مادة التسويق خاصة المفروض الإعلان اللي زي ده بيوجه للعموم مش لرجل فقط او لسيدة فقط.
فعلا الله يخرب بيت التعيين بالواسطة في شركات الدعاية و الإعلان و غيرها.
إذا كانت هذا هو معنى الرجولة
فليشرفني انني ليس بي هذه الصفة
الموضوع ده بيدل على إن الإعلان نجح و شد إنتباهنا كلنا ..
مع العلم أنا ماشفتش الإعلان
كان في اعلان زي دة ايام ماكنت في السعودية
كان عن كبسة الطازج
لو رجال (راجل) خلصها
وبعديها بأسبوع شالو رجال وخلوها لو شديد
تقريبا حصلت مشاكل مش عارف
فعلا إعلان مستفز خصوصا الاعلان اللي فيه بنت معديه و بتسلم علي واحد من الشباب و تقوله هاي و يرد عليها , و بعدين لما تمشي يروح قايل لاصحابه علي فكره البنت دي شخصيتها حلوه جدا, يقوم اصحابه يبوصوله و هما مستغربين منه , و يقوم ايه بقي المعلق بتاع الاعلان يقوله شخصية البنت اخر حاجه تتكلم عنها !! إسترجل و إشرب بيريل !! ,, و كأنه بيقول للشباب خليكم سطحيين اهم حاجه في البنت مش شخصيتها ! اهم حاجه في البنت جسمها مثلأ ؟؟
هى دى عيوب التسويق ...
هو فعلا إعلان مستفز ... بس اللى بيشرب بريل مس هيبطل عشان الإعلان ... بالإضافى إلى ان تاثير الإعلان هيكون واضح بين الشباب ... "استرجل!"
مستفز بس هيجيب نتيجة
انا اول مبشوف الاعلان ده بقفل التلفزيون
معاك حق اعلان مستفز جدا
اخر حاجه تتكلم عنها هي شخصية البنت
اخر حاجه نتكلم عنها هو اعلان واطي
هو ده تطور الاعلام المصرى ومستوى الاعلانات ...
انا فقدت السيطرة على نفسي اول مرة اشوف فيها الاعلان و كان نفسي اقتل صاحب الاعلان و وصاحب الفكرة ومخرج الاعلان والشباب الزبالة اللى طلعوا فى الاعلان .....
استرجل وحول القناة ..
حتى الاعلانات فشلين فيها لا اله الا الله
أصلا بيريل دي طعمها مقزز جدا اللي بيشربها يقارن بينها وبين امستيل زيروسعتها هتعرف فعلا الفرق .. وحكايه استرجل دي مش عارف يعني ايه اللي مش بيشرب بيريل يلبس طرحه مثلا ولا ايه ؟!
ههههههههههههههههه
بس فعلا طعمها وحش ولا يعجبنى بتاتا
فمش ناقصة كمان يشتمونا
الاعلان فكرنى بمندوبى بعض شركات الأدوية الغلسين ، يكون الدكتور عنده استعداد يكتب المنتج بتاعهم أو فعلا بيكتبه ، لكن لما المندوب يزوره يكره بعده المنتج والشركة وكل ما يمت لها بصلة ويبحث عن أفضل بديل بعد هذه الزيارة
ودا اللى عمله الإعلان الغبى ، أى واحد كان محايد أو بيشربها حين وحين كده خلاص بقى ضدها!
مش فاهم والله الجماعة اللي في الرقابة دول بيعملوا ايه؟!!
ليه دايما الايحاءات المشبوهة والمستفزة؟!!
يعني هي ناقصة..مش كفاية.."انا جيت"
:8954[1]:
الحمد لله انا ما شفتش الاعلان ده..
بس بجد بيقولوا فيه:
؟؟!!اقتباس:
و يقوم ايه بقي المعلق بتاع الاعلان يقوله شخصية البنت اخر حاجه تتكلم عنها !!
يا نهار ابيض..يعني ايه الرسالة اللي عاوزين يوصلوها للشباب بالضبط؟! ..اعلام بنااء وحضاري فعلا..وطبعا دي عينة..
طيب بالمناسبة احب اهدي الكلام ده لموضوع "لماذا يتحرش المصريون بالنساء..؟ مقال لعلاء الاسواني"http://www.nilemotors.net/Nile/showth
read.php?t=49600
قال وهابيه قال!!
أنا شايف إن بيريل مشروب شعير و فيه مراره و مش أى حد بيقدر يستحمل طعمه، بدليل إن مفيش اطفال بتشربه. و عشان كده الإعلان بيكلم الرجاله. مش معنى كده إن اللى مش بيشربه مش راجل.
اللمبى مثلا شخصيه هبله و لكن مضحكه، بس لما بنضحك عليها مش معناها إننا هبل زيها أو موافقين إننا نكون هبل أو بنشجع الهبل.
أنا حاسس إننا بناخد كل حاجه جد أوى مع إن الدنيا مش مستاهله. الحياه و العيشه جد بما فيه الكفايه و الكآبه بقت السمه الطاغيه علينا كشعب. و الإعلان ده من وجهة نظرى كوميدى بحت لا أكتر ولا أقل.
روقوا...
غلإعلان ده مجرد تقليد لإعلانات اوروبيه عن منتجات شبيهه
وبعضها بيكون بيره فيها كحول
فكل اللي عملوه إنهم ترجموا الكلام اللي بيتقال
وجابوا مصريين يعملوا الإعلان
مفيش أي تفكير ولا إبداع
أنا ماشفتش الإعلان في التليفزيون، بس شفت إعلان مرسوم في بنزينة عبارة عن كاس بيريل ومكتوب جنبها استرجل، الصراحة الإعلان عصبني واستغبيته جامد
والله انا اكتر من مرة جربت اشرب البريل او الصودا (علشان دايت) بس مقدرتش
مرة حطيت معاها حبوب دايت ومرة مع بسكويت
واخيرا بقيت ارميها علطول
انا مش عارف ايه اللي حلو فيها
وانا شوفت الاعلان المتخلف ده النهاردة لمدة طويلة علشان كانت عربية للشركة ماشية امامي على الطريق الزراعي
ربنا يرحمنا من الاعلانات اللي كلها بقيت بتستغل المرأة كمادة اعلانية
وانا شايف الاعلان ده موجه للشباب كانك بالضبط بتقول خليك راجل واشربها(زي السجاير) علشان تكسب فلوسه مقابل انك تحسسه برجولة مزيفة
الموضوع مش مستاهل كل ده,
الاعلان لطيف جدا فى رأيى خاصة بتاع البنت المعدية و شخصيتها, الموضوع نكتة مش اكتر و مفيهوش أى استهانة بالمرأه و لا اى حاجة, الاعلان بصراحة فكرته حلوة و هى مأخوذة من اكليشيه معتاد فى اعلانات البيرة عموما (شفت قبل كده اعلان لبيرة فى احدى المجلات روزاليوسف غالبا قزازة و مكتوب تحتها للرجال فقط), نظرا لأن البيريل هو نفسه مشروب البيرة لكن بدون كحل.
اعلان ناجح تماما بدليل انه اصبح مثار للجدل على منتدى سيارات!!
يا جماعة الاعلانات اصبحت سطحية وبقى اهم حاجة ازى يخلو الاعلان يخرج بصورة معينة ملفتة سواء بموقف او بجمل غريبة مستفزة او تريقة او يجيبوا بنات فى اعلان مالوش دعوة بالبنات اهم حاجة يسوقو صح للمنتج وانه يحوز على اهتمام المشاهد واكيد بيريل نجحت فى ده على الرغم من طعمها المقزز وعلى فكرة بيبان على اللى بيشربها على راى الاعلان (أه .... بيشرب بيريل ) عقبالنا وشكراً
أجمل رد علي سؤالك هو توقعيك ..
" بسم الله الرحمن الرحيم
وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
صدق الله العظيم "
الموضوع أن ده أمتداد لنظام العولمة لتعميم تسويق الخمور يابشوات .. وربط الخمر بالجنس والقوة الجنسية ..( زى لو تفتكروا ربط الرجولة بالسجائر زمان ) ..
لأن مضمون الأعلان أن الولد الوحيد إللي ما أستوعبش شكل البنت إللي ما شية تتمايص .. ما عندوش رجولة .. بدليل شكل عينيه وملامح وشه .. إللي اتغيرت تماما بعد ما أسترجل وبقي بيشرب بيريل ..
وليه سؤال للأخوة إللي بيشربوها .. أنت عارفين الشركة إللي بتنتجها هي شركة إيه .. نفس شركة البيرة إللي كل الناس اتفقت علي حرمانيتها ..
وأنا شايف أن دى فرصة لمقاطعتها .. وربنا يتوب علينا من كل حاجه سيئة .. وشكرا ...
أنتم عايزين أوضح من كده أزاى
"آخر حاجه في البنت شخصيتها "
هي دى البنت إللي تحب تبقي اختك أو مراتك أو زميلتك أو حتي والدتك
آخر حاجه تسأل عليها فيها شخصيتها ..
طب أول حاجه تسأل عليها إيه .. حد يرد عليه ياجماعه .. !!
ياعم سبعاوى .. حكاية العلاقة بين الأعلان والوهابية
هي ان أى حد بيهاجم الفكر ده بيعتبروه متطرف .. وانت عارف السلسلة إللي بتتغير كل شوية ..
كان الأول أسلامي وبعدين أخواني وبعدين أرهابي متطرف .. وأخيرا وهابي ..مستورد من السعودية ..ومدفوع له فلوس .. وعميل وأصولي .. وأنغلاقي .. وافتكاكي ..وأى حاجه تكاكي .. المهم أنه يكون أبن ..!!! .. ده مش معانا ومش مننا .. علشان نمشي الأجنده ..
ولله الأمر من قبل ومن بعد
بغض النظر عن الاعلان اللى انا ضده عايز اذكر معلومه بسيطه
سمعتها من اكتر من صديق واخرهم صديق بيدرس فى كليه العلوم ان تم تحليل البيريل والفيروز ووجد فيهم نسبه من الكحول ... طبعا تحليلات شخصيه مش هيئه اللى عملتها
وانا مش هاقول ان الكلام ده صح 100% انما لما سمعته سنه 2005 تقريبا ووقتها مكنتش باشرب غير الفيروز ... بطلت اشربها نهائياً
وطبعا فى ناس كتير تقولك ليه يعنى لما يثبتوا ان فيها نبقى نبطل والكلام الظريف الجميل ده
انما انا طبقت حديث شريف
قال رسول الله صلى الله عليه وسلم : { دع ما يريبك إلى ما لا يريبك }. (رواه الترمذي والنسائي)
بكل بساطه وخللى اللى يتأثر بالاعلان يتأثر واللى عنده شك فى رجولته يشرب
اللى خلانى لما قالولى وانا فى اعدادى عن تدخين السجائر علشان تبقى راجل
رديت عليهم ... هو انا يعنى مش راجل ؟؟
واهم دلوقتى بيدعوا ربنا ان يعافيهم منها ... ربنا يهديهم جميعا
الاعلان ده عشان يجذب الانتباه
الصراحه يا حماعه الاعلان ده اصلا ملهوش لازمه وهو فعلا مستفز