الموضوع: جهاز فحص بويه وسمكره السيارات رشه ولا لا

أنا عندي الجهاز الصغير إلي فيه ٣ لمبات ، بس على فكرة مش عملي ، بمعنى أصح مش دقيق قوي و ممكن يطلع نتايج مش مضبوطة ، خصوصاً لو العربية سطحها مش مستوي تماماً (فيها بومبيهات مثلاً ، أو عليها فراب كتير أو لو فيها شغل سمكرة على البارد كل دي حاجات بتلخبط الجهاز )
كمان مش بيبين الحاجات الفبر ذي الإكصدامات ، و سعره حوالي ٣٠ دولار

الجهاز إلي فيه شاشة بتوضح السمك بتاع الدهان عند كل نقطة و يعمل رسم بياني بمتوسط الدهان و حالة دهان العربية عموماً دة أحسن كتير و لكن غالي جداً ، و يبتدي من ٤٠٠ دولار

استاذ فرحات طيب الجهاز اللى ب 400 دولار بيجى منين لو سمحت

يا باشا اتفضل الموقع دة فيه أنواع كتير و إختار منها إلي إنت عايزه حسب امكانياتك
http://www.abqindustrial.net/store/c...FYwH3godOy8ADA

الف شكر ياعمنا والله انت محترم

استاذ فرحات شكرا ليك جدا بس انا كنت اقصد اماكن بيع هذه الاجهزه فى مصر مش على الويب سايت او على الاقل موقع اقدلا افهم منه عربى لان الموقه اللى حضرتك سجلته فلى الرد مش قادر افهم منه حاجه ولو كنت انت فاهمه برجاء ترجمه مختصره منه ورد عليه مع وافر شكرى وتقديرى

استاذ فرحات لحد دلوقتى لم ترد على بخصوص الجهاز ومكتن بيعه شكرررررررا

أنا أسف جداً يا باشا انشغلت اليومين اللي فاتو بس مش ممكن أنساك طبعاً ،
هو في مصر ماشفتش حد عنده خالص ، لأنه مش معروف و كمان مفيش حد ممكن يشتريه بالتمن دة عشان كدة التجار مش بتجيبه طبعاً ، و بعدين دة إستخدامه الأساسي في ورش الدهان و هنا محدش بيهتم قوي بالتفاصيل دي ، كله ماشي كدة و خلاص .
عشان كدة أنا بعتت لحضرتك مكان يكون بيبيعه برة عشان هي دي الطريقة الوحيدة انك تجيبه ، أو حد يجبهولك معاه و هو جاي من برة

بالنسبة بقى لموضوع الترجمة ، هو الموقع دة فيه أجهزة كتير و كل واحد ليه مواصفات و مزايا عن غيره ، بس كلهم مشتركين في انهم بيقيسوا سمك طبقة الدهان الموجودة فوق سطح معدني عن طريق حساس ذي سماعة الدكتور كدة بيتحط فوق المكان المراد فحصه و يقول ليك سمك الدهان في الحتة دي كام على الشاشة ، بس كلهم بيقيسوا فوق المعدن فقط (لا يعمل على البلاستيك أو الزجاج )، غير كدة بقى فيه مميزات للأجهزة عن بعضها في الذاكرة مثلاً أو حجم الشاشة أو حاجات كدة .
حضرتك لو تحب ترجمة دقيقة حدد نوع جهاز معين من دول و أنا أترجم لحضرتك التفاصيل بتاعته .

تحياتي