تصور جديد فى موضوع كساد السوق و انخفاض الاسعار

**tamohsen** · 22-12-2008 10:06 AM

طبعا ممكن وده حصل قبل كده في 2006
الطلب زاد فجأه
فالموزعين ابتدوا يزودوا عن سعر الوكيل 5-6 الاف جنيه بسبب أن عندهم تسليم فوري

**Enchanted** · 22-12-2008 10:52 AM

يا جماعه ببساطه شديده الوكلاء دول يعنى مليارديرات ولا بيشتروا بتسهيلات من البنوك .... طبعا بيشتروا بتسهيلات ....ولما بيبييع بيسدد....لكن فى حاله السوق اليومين دول هو عنده مخزون من موديلات 2008 و كمان السوق تقريبا واقف فمعنى كده انه بجانب ان عنده مخزون معاد السداد لتسهيلاته البنكيه قرب فاما يتحجز عليه او ببساطه يحرق كام عربيه من مخزونه برخص التراب لانه محتاج يسد اللى عليه.......

فا كده كده لازم يرخصها عشان يبيع ....مهما اتمسك بسعر معين برضه هايبيع ... بس النصاحه انه يبيع بمكسب قليل احسن ما يبيع بتراب الفلوس....

بس كمان فى نقطه التجار بقوا جشعين جدا و ده على مستوى كل حاجه و طبعا العربيات اللى ظاهره .... ربنا ينتقم منهم كلهم....

**dr_abooody** · 22-12-2008 03:05 PM

هما عايزين يستغلوا انخفاض السعر بشكل رهيب في الخارج
فالسيارات يحصلوا عليها بسعر رخيص جداا
مع تثبيت السعر داخل البلد
شوف هيكسبوا في العربية كام

المكسب هيتضاعف مرتين

يعني عربية بتيجبي ب 50 الف و بتتباع ب 70 الف المكسب هيكون 20 الف
مع الازمة العالمية هتكون ب 30 الف و هتتباع ب 70 الف
كدا المكسب زاد الضعف

مع العلم ان الاسعار برة نزلت 40 %

مش عارف اية الجشع دة

**fadynabil** · 22-12-2008 03:51 PM

هوه مش صعب ... ده مستحيل لأن التوكيلات دي بتتكهرب من أي قرار بتاخده الشركة الأم .. فنيجي نشوف الشركة الأم إيه سياستها وناويه علي إيه

مش الموزع هو متخذ القرار لوحده

**Sharky** · 22-12-2008 04:00 PM

فادى باشا الموضوع متوقف على سياسة العرض و الطلب و مالوش علاقة بسياسة الشركة الأم

يعنى لو الطلب زاد أكيد التوكيل حيزود السعر خاصة لو الشركة الام حتقلل الإنتاج

**meeezo333eg** · 22-12-2008 08:33 PM

انا خايف اوى لحسن الموضوع ده يحصل لان زى ما نتوا عارفين سوق مصر سوق مالوش اى علاقة باى حاجة بتحصل برة

يعنى مثلا اليورو نزل و طلع تانى و مفيش اى اسعار اتغيرت مع ان الفرق كان 70 قرش
مثلا البترول نزل لاقل معدل فى اسعاره من سنة مش عارف كام و برضه الزيوت و البنزين و الشحوم و خلافه زى ما هى
ايه اللى يمنع ال 3 و لا 4 الكبار اللى بيدخلوا العربيات مصر انهم يعملوا اللى هما عايزينه مستغلين نقص ثقافة الشعب المصرى و سيطرتهم على السوق ماليا و سياسيا

علشان السوق يتظبط لازم تفضل المقاطعة دى شغالة فى 2009 كمان و لمدة حلوة 5 شهور مثلا علشان الجماعة الكبار اياهم يرضخوا و يضطروا لتخفيض الاسعار

و ربنا يستر علينا

**returner** · 22-12-2008 10:13 PM

تيجوا ندرس الموضوع بطريقة علمية؟؟
نعمل بحث ، بحث علمي ليه هدف وليه محاور وليه مراجع كمان وكلنا نشارك فيه مشاركات نحاول على قد ما نقدر أنها تكون موثقة يعني من مصادر موثوق فيها مش قائمة على الأراء والأجتهادات الفردية وأنا بأقترح عنوان البحث :
هل تشتري عربية في ظل الأزمة العالمية الحالية؟؟؟
ومحاور البحث المقترحة هي:
1- الأسعار في ظل الأزمة الحالية داخل وخارج مصر (واقصد بالأسعارنعمل جدول بالأسعار الحالية لأي سيارة داخل مصر وفي أوربا وفي الخليج مثلا)
2- ثبات الدخل ( حيث أن معظم الشركات المالتي ناشيونال في مصر بتفكر تقلل العمالة وبدءوا يوقفوا التعيينات الجديدة فعلا )
3- اسعار باقي السلع ( يعني لو معايا 50 ألف مثلا أشتري بيهم عربية ولا أخليهم لبيتي لأني مش عارف باقي السلع وخاصة الأدوية والأغذية هاتغلى وللا ترخص؟؟)
4- هل ممكن شركات كبيرة تقفل وتبطل تنزل قطع غيار؟؟؟
5- هل كان فيه أزمات مالية عالمية زي كده زمان وللا دية اول مرة؟؟
6- خبراء الإقتصاد بيقولوا أيه عن الأزمة دية هل تستمر فترة طويلة ؟؟ وهتأثر في أيه بالظبط هل في الأسعار وللا في الأنتاج وللا في السيولة (يعني هانموت من الجوع ومش هنلاقي نأكل وها تحصل مجاعات وحروب أهلية وللا كام شركة كبيرة هايفلسوا ويجي غيرهم والسلام؟)
- وفي النهاية هو الموضوع عربيات بس وللا الأزمة هاتضرب كل حاجة لاحظوا أننا بنعتمد على المعونات يعنى لو الدول الكبيرة بطلت تدينا معونات أو طالبتنا بالديون اللي علينا ها تبقى العربيات ديه أخر حاجه نفكر فيها

**A.Saad** · 23-12-2008 12:20 PM

طب ما حنا ممكن نتصل بالشركات الام او مكاتبها الاقليمية ( e-mail ) مثلاً ونقلهم ان الاسعار فى مصر ما نزلتش مع انها نزلت برة وفى الخليج وهذا يؤدى لتوقف البيع والشراء ، وان السوق المصرى لم يتأثر بشدة بالازمة المالية العالمية حتى الان وان المشترين يترقبوا خفض الاسعار
دة ممكن يحرك الشركات برة تضغط على الوكلاء فى خفض الاسعار لان اى شركة تحاول تبيع ان شالله حتى مائة عربية

**dode2002** · 23-12-2008 03:27 PM

انا علي استعداد اني اراهن اي حد مع ان الرهان حرام
الاسعار سوف ترتفع وتزيد عن اسعار العام الماضي

مشاهدة نتائج الإستطلاع: ممكن فعلا يحصل السيناريو ده

الموضوع: تصور جديد فى موضوع كساد السوق و انخفاض الاسعار

LinkBack

أدوات الموضوع

عرض

-

-

-

المواضيع المتشابهه

ياريت ياجماعه اعرف الاسعار دي ويكون موضوع جديد لان فيه موضوع موجود فعلا بس قديم

بعد انخفاض الاسعار ايهما تختار الالنترا ولا الاوبترا

اخبار السوق و الاسعار ايه ؟

انخفاض الاسعار 20% بالسعوديه

الكلمات الدلالية لهذا الموضوع

المفضلات

المفضلات

ضوابط المشاركة