تصور جديد فى موضوع كساد السوق و انخفاض الاسعار

**meeezo333eg** · 22-12-2008 12:29 AM

مجرد تصور

دلوقت الناس كلها مستنية 2009 علشان تشترى عربيات و بالتالى السوق واقف
و طبعا اكيد التجار بتوع العربيات و المستوردين هيقللوا كميات العربيات اللى هيستوردوها فى 2009 نظرا لكساد السوق
لو جت 2009 و الاسعار ما نزلتش و كل اللى كان مستنى قال خلاص انزل اشترى بقى بالاسعار الموجودة و حصل ارتفاع مفاجىء فى شراء العربيات مع قلة عدد الموجود من العربيات هيحصل ارتفاع رهيب فى اسعار العربيات

هل السيناريو ده ممكن يحصل و لا ايه رايكم

**myatooooo** · 22-12-2008 12:45 AM

وارد جداً ان دة يحصل خصوصاً ان دة الأتجاة الحالى للشركات الكورية واليابانية

**ouba2** · 22-12-2008 01:12 AM

احتمال بعيد قوي

**alhamza** · 22-12-2008 01:15 AM

معتقدش لانه اصلا موديلات2008 في منها مخزون ومش هيلحق يخلص قبل 1 1 2009
والكلام ده هنا في مصر وعلي مستوي العالم اكتر يعني العربيات هتدخل مصر رخيص علشان في ازمه ماليه ومحدش بيشتري بره فطبعا هيعوزوا يصرفوا في اسواق لسه متاثرتش بالازمه جامد زي الشرق الاوسط
وبعدين تفائل او خلينا نحلم شويه ولا حتي الحلم كمان بقي خيال
حسبي الله في اللي بالي بالك

**SAMER_ENGINES** · 22-12-2008 01:21 AM

انا كنت رديت علي الموضوع هنا قبل كدة بس معرفش مين اللي رفع الرد بتاعي و ياريت اعرف ايه السبب!!!!!!!!!

**hamdy** · 22-12-2008 09:29 AM

كلام ارتفاع الاسعار دا مش من طقي خاااااااالص
صحيح ان الشركات الكبيرة سرحت نسبة من العمالة بتعتها الا ان فيه يا جماعة مصاريف تشغيل للشركات دي للعمالة الموجودة و مصاريف تشغيل اللي من خلاله متقدرشي تقلل مستوي الانتاج عن حد معين

**احمدعبدالعزيز** · 22-12-2008 09:41 AM

ارتفاع الاسعار او انخفضها يرجع الى العرض والطلب والمشترى هوالوحيد اللى ممكن يضغط على الجشع اللى موجود حاليا فى السوق بأنه يتوقف عن الشراء فى الوقت الحالى .

**Sharky** · 22-12-2008 09:55 AM

ممكن جدا لإن السوق متوقف على العرض و الطلب
فلو كان فيه مثلا العديد من الناس احجموا عن الشراء حاليا على امل إنخفاض الأسعار و لقوا فى الربع الأول من عام 2009 إن الأسعار مازادتش و هما إنتظروا 4 أو 5 شهور بدون نتيجة و بالعكس بدأت تزيد عن طريق لعبة من التجار علشان يخوفوا الناس
حتلاقى الناس كالعادة سارعوا بالشراء قبل ما تزيد أكتر و بالتالى الطلب حيزيد مع الكمية القليلة إللى التجار إستردوا

**m_elsabah** · 22-12-2008 10:02 AM

السيناريو ده ممكن يحصل
لو الناس استسلمت بدري وجريت علشان تشتري ومن وجهه نظري الشخصية إن التوقيت البدري ده هو قبل الربع الثالث من عام 2009 . أرجو من الناس الصبر وعدم الشراء قبل الربع الثالث من عام 2009 لكي يشعر المستهلك بإنخفاض حقيقي في أسعار السيارات .

-

مشاهدة نتائج الإستطلاع: ممكن فعلا يحصل السيناريو ده

الموضوع: تصور جديد فى موضوع كساد السوق و انخفاض الاسعار

LinkBack

أدوات الموضوع

عرض

-

-

-

-

المواضيع المتشابهه

ياريت ياجماعه اعرف الاسعار دي ويكون موضوع جديد لان فيه موضوع موجود فعلا بس قديم

بعد انخفاض الاسعار ايهما تختار الالنترا ولا الاوبترا

اخبار السوق و الاسعار ايه ؟

انخفاض الاسعار 20% بالسعوديه

الكلمات الدلالية لهذا الموضوع

المفضلات

المفضلات

ضوابط المشاركة