دايو رايسر واسبيرو وسليو سؤال هام ارجو الرد؟

**ashaesho** · 09-08-2007 01:25 PM

يا جاعة العربيات دي محترمة جدا وشيك جدا وثباتها عالي علي الطريق وانا شخصيا معجب بيها اكتر من الدايو الجديد و بافكر جديا اني اشتري دايو سليو فول اوبشن اوتوماتيك ونضيفة جدا بس تايه في سعرها وقطع غيارها شوية وفي ناس قالولي هي نفس قطع غيار اللانوس ما عدا الاكسسوار . فياريت يا جماعة لو حد عنده معلومات عن العربيات دي يقولنا واسعارها ايه للنضيف منها وقطع الغيار علشان نستفيد كلنا من الموضوع ده
وشكرااااااااااا

**zaraze** · 12-08-2007 11:28 AM

عندك حق أنا عندي ريسر 94 والعربية الحمد لله جميلة وزي الفل، المشكلة قطع الغيرا، لكن لو زي ما بتقول هيه نفسها قطع غيار اللانوس يبقى مافيش مشكلة.

ياريت لو أتاكدت أن قطع غيراها هيه نفسها اللانوس تبلغنا.

شكرى

**عزوز** · 12-08-2007 06:17 PM

أنا علي حد علمي ان الدايو سيلو معظمها نفس قطع غيار اللانوس باستثناء الاكسسوار حتي ان الموتور واحد لكن الرايسر والاسبيرو فيوجد اختلاف بس انا اوافقك الرأي انها عربيات محترمة جدا

**FASTER** · 20-09-2007 02:58 AM

اجابات جميلة يا جماعة

**road_devil** · 10-11-2007 01:19 AM

بس فى موضوع قطع الغيار-------->أنسى يا عمرو :D
أنا كان ليا واحد صاحبى معاه دايو اسبيرو ,وبصراحة فعلا أوافقكم الرأى أن العربية دية كانت أكثر من ممتازة ,
الصالون كان محترم جدا وواسع من جوه بطريقة غريبة , بصراحة العربية كانت طوياة من جوه ,عاملة زى سفينة نوح :D ,بس نيجى بقى للمشكلة الكبيرة :قطع الغيار
فيه عانده حاجة باظت وقعد يدور عليها شهر تقريبا وملقهاش الا بالعافية وده بعد ما لف البلد كلها , انا عاوزكم بس تخمنوا هيا أيه

قربة المياه
قربة المياه اتخرمت عنده وجربنا لحمنها بكل شئ ممكن تتخيلوه , لكن مجرد بس ما الميه تسخن: كل سنه وانت طيب
فا ياريت الى بيفكر يشتريها يفكر ألف مرة فى موضوع قطع الغيار ده

**mokhtar** · 19-11-2007 04:38 PM

اكيد لو كان دور على قربه المياه فى بورسعيد من اولها من غير مايلف كان لقاها لان الاسبيرو والسليو منتشرين جدا فى بورسعيد

..MOKHTAR..

**FASTER** · 24-11-2007 09:31 PM

كلام حضرتك مظبوط يا أستاذ مختار وفي ناس بتبيع قطع غيارهم جديدة في مصر الجديدة وفي وسط البلد ومعلش يعني رفاهية العربية تستاهل ان الواحد يدب مشوار علشان يجيب قطع الغيار لأن سعر العربية لا يقارن برفاهيتها لأني لو حبيت اركب عربية بنفس مواصفات السليو او الاسبيرو من بعد ال60000 جنيه شوف الفرق بقي يبقي تستاهل ولا لأ؟